الحمد لله على كل شيء .. قدر الله و ما شاء فعل

**محمد أنور** · 26-02-2009 01:02 AM

السلام عليكم ..
انا يا اخواني الاعضاء اتعرضت لحادثة دي تفاصيلها :http://nilemotors.net/Nile/showthread.php?t=61058
دلوقتي يا أخواني تنصحوني بأيه ؟ هل أصلحها ولا ابيعها زي ما هي ؟
و لو صلحتها هل هترجع زي ما كانت ؟ و سعرها هيبقى عامل ازاي لو صلحتها و بعتها ؟
و لو بعتها زي ما هي ؟ تمنها هيبقى كام ؟ عشان انا مفهمش في اسعار عربيات الحوادث ..
انا قلت انكم مش هتبخلوا عليا بنصايحكم عشان نشوف احسن حل بأقل الخساير

**ezzatfox** · 26-02-2009 01:14 AM

انا رايى تحاول تصلحها و تشوف اية حجم الاضرار و التكلفة التقديرية كام
هو موضوع متعب شويةو لازم تتابعة كويس بنفسك و تنزل انت تشترى قطع الغيار و متعتمدش على اى حد .
بس فى الاخر انت الكسبان ، لو بعتها حوادث هتخسر اكتر بكتير لو صلحتها

**tamertamer** · 26-02-2009 09:25 AM

نصيحة بعها اللنسر دعيفة وميش حد فى مصر قيدة كويسة وانا شايف الشسية اتعوج بص مفيش غير عيلت دبوس قلى فى الحرفين بتظبطو بالكمبيوتر عشان يطلع مظبوط 100 فى 100 بس للاسف العربية ضعيفة ومبتستحملش وربنا معاك

**M.Mokhtar** · 26-02-2009 12:09 PM

انا ليا واحد معرفه عربيته نفس عربيتك وقلبت 3 مرات :(
طبعا اتبهدلت خالص
بس بيشدها دلوقت فى المنصوره
وغيرلها كل حاجة
حتى السقف والقوايم
ورجعت زى الاول (شكلا لكن اداءا معتقدش انها هترجع زى الاول ابدا)

بس كده كده لو صلحتها وبعتها هتجيبلك فلوس احسن ما تبيعها حوادث

**blazer** · 26-02-2009 12:16 PM

المشاركة الأصلية كتبت بواسطة M.Mokhtar

انا ليا واحد معرفه عربيته نفس عربيتك وقلبت 3 مرات :(
طبعا اتبهدلت خالص
بس بيشدها دلوقت فى المنصوره
وغيرلها كل حاجة
حتى السقف والقوايم
ورجعت زى الاول (شكلا لكن اداءا معتقدش انها هترجع زى الاول ابدا)

بس كده كده لو صلحتها وبعتها هتجيبلك فلوس احسن ما تبيعها حوادث

هو العربيه اللى عامله حادثه لما تتصلح وتتباع تتباع اغلى ؟؟؟

**mohamed_sabry** · 26-02-2009 12:45 PM

السلام عليكم و رحمة الله
بداية الحمد لله على كل شئ , و انا بصراحة شايف كدة ان العربية مش ضايعة يعنى , انا على قد خبرتى الضعيفة كدة اقدر اقولك انها هترجع تانى زى الاول , مش فاهم انت مخضوض كدة ليه خصوصا ان الخبطة من الامام فقط .
انا عملت حادثة زى دى زمان , و رحت اشتريت رفرين و كبوت و صدر للعربية و بس , الشاسية كان مفروم كدة زى عندك بالضبط والسمكرى استعدله عادى , بس ساعتها كان معايا عربية قديمة فمتكلفتش كتير .
عموما فيه مركز اسمه check point فى اخر شارع فيصل , شوفت فيه عربيات حديثة كتير كانت متبهدلة و ظبطوها تانى , و المهندسين اللى هناك اعرفهم على خفيف كدة , بس من الواضح انهم كويسيين قوى و الله اعلم , لو تحب كلمنى على الخاص و نتقابل و نروح نشوف مع بعض ايه الاخبار .
و ربنا يوفقك لما فيه رضاه و الخير لك .

**wesam_salom** · 26-02-2009 01:18 PM

طالما انت سليم تبقى بسيطه ان شاء الله

ان شاء الله تتصلح وترجع زى الاول

انا شفت عربيات كانت مقلوبه ورجعت مش باين فيها حاجه

وبعدين انت السقف والشنطه عندك سلام

يعنى المشكله قدام بس

سمكرى شاطر هيرجعهالك زى الاول

بس حاول تجيب كله جديد ما تستعدلش حاجه الا اللى متلاقيهاش

**karimone** · 26-02-2009 02:11 PM

صلحها يا باشا و إن شاء الله ترجع زي الجديده بالظبط...

**M.Mokhtar** · 26-02-2009 02:15 PM

المشاركة الأصلية كتبت بواسطة blazer

هو العربيه اللى عامله حادثه لما تتصلح وتتباع تتباع اغلى ؟؟؟

لو باعها حوادث هيخسر فيها كتير
لو صلحها هيصرف عليها شوية وبعد كده هيبيعها هتجيبله فلوس عدله شوية
يعنى لو حسبت سعر بيع الحوادث + سعر التصليح هيديك مبلغ اقل من السعر اللى ممكن تبيع بيه بعد التصليح

ده رأي السخصى

**mada121977** · 26-02-2009 02:40 PM

انا رديت عليك فى منتدى متسوبيشى وبعتلك رساله على الخاص
ان شاء الله العربيه ترجع زى الاول .. وحرام انك تبيعها كده علشان هاتخسر فيها كتير

الموضوع: الحمد لله على كل شيء .. قدر الله و ما شاء فعل

LinkBack

أدوات الموضوع

عرض

-

-

-

-

-

-

المواضيع المتشابهه

الحمد الله قدر الله ماشاء فعل وربنا سترها

الحمد الله علي كل شئ

الحمد الله وقدر الله ماشاء فعل

الحمد لله على كل شيء .. قدر الله و ما شاء فعل

الحمد الله استلمت الفيرنا امبارح - قولوا ما شاء الله

الكلمات الدلالية لهذا الموضوع

المفضلات

المفضلات

ضوابط المشاركة