سؤال فنى بس لصاحب الموضوع هو حضرتك لما بتدخل الموقع بتكتب اليوزرنيم بتاعك ازاي :36_1_37[1]:
ما شاء الله ذاكرتك حديد يعني :C_laugh[1]:
عرض للطباعة
سؤال فنى بس لصاحب الموضوع هو حضرتك لما بتدخل الموقع بتكتب اليوزرنيم بتاعك ازاي :36_1_37[1]:
ما شاء الله ذاكرتك حديد يعني :C_laugh[1]:
عادي اية المشكلة لاميزة في التميز ههههههههههههههههههههههههه
علي فكرة انا نازل دلواتي لمكنيكي هونداي انا مش هخلية يلعب فيها انا بس هحاول اعرف التوكيل بيزحلني ولي عية فعلا مفهاش حاجة
:ask::ask::ask::ask::ask::ask::ask::ask::ask:
الحمد للة روحت للميكانيكي والي العربية كويسة بس عوزة تتحط علي الجهاز وتتظبط روح التوكيل وخليهم يحطوها علي الجهاز تاني وانت هتحس بالفرء
هروحلهم يوم الحد وربنا يسهل ادعولي ربنا يئدرني علي غبور
ياجماعه ممكن حد يدينا فكره سريعه عن اهم الملحوظات اللى ناخد بالنا منها فى فتره التليين بالنسبه للالنترا
الكاتالوج مش فيه كلام كتير غير انك تحافظ على الrpm بين 2 و4 (لو حد عنده وقت يقولنا التلييين النموذجى يكون ازاى)
ياريت لو حد يفدنى انا عامل دلوقتى 600 كيلو
شكرا
الي انا اعرفة والي ناس كتبر التلسي علية انك لازم متعديش ال80 ومتكنش ارص علي الموتور ومتشغلش التكييف بعد متخلص ال1000 اعمل كل حاجة برحتك عادي
اولالالالالالا مبروك العربية بجد انت معاك طلقة على شكل عربية ربنا يباركلك فيها. :Ob_mak1[1]:
الار بى ام حاول متزودش عن 3000.
سرعة قصوى 80 ك/م حتى لو الار بى ام لسة موصلش 3000.
مفيش حمولات فى العربية الا للضرورة.
مفيش تكيف.
عدم السفر بها والثبات على سرعة يعنى لو سافرت امشى 80 90 100 90 80 مش سرعة ثابتة.
يفضل عدم المشى فى الزحمة كتيير.
يا رب مكونش نسيت حاجة ولوو نسيت رجاء اى حد من اخواتنا يكمل.
العربية ال 131 لو مسقط موتور 2000 سى سى يبقى الهورس باور بتاعه مش هيبقى الحقيقى بتاع الموتور.....ممكن يبقى فى فرق للأعلى لو العربية ال 131 أخف من اللانشيا....
و بعدين مش مقياس أنك تشد بالألنترا مع عربية 2000 سى سى و تقول ده بيطلع منك......ما هو ممكن يكون عامل تعديلات زيادة للموتور اللى عنده ورافع الهورس باور بتاعه كمان.
مرسى لذوقك وربنا يبارك فيك
هو انا فعلا موصلتش الRPM اكتر من 3 بس سافرت مره من القاهره لشبين بحموله 4 افراد وموضوع المشى فى الزحمه ده غصب عنى انا النهارده عامل فى الزحمه 66 كيلو :_Alshmokh08[1]:
انا فتحت الموضوع لانى شدنى التعليق ده من اخونا "اولا العربية عاملة 1850 كيلو فقط... يا ترى اتلينت ازاى؟؟ لو بطريقة التحسيس يبقى دى نتيجة طبيعية"
فحبيت افهم بس الكلام على ايه وبالمناسبه موضوع التكيف ده مش مذكور فى المانيوال بس الحمد لله احنا فى الشتا كده كده من عند ربنا :S_thum1[1]:
بالمناسبه النهارده عدى منى واحد راكب 131 بس عادى مادايقتش خالص :C_laugh[1]:
دمتم سالمين
الـ 131 حاطط موتور لانشيا 2000 سي سي
طب ايه الغريب في انها تطلع من الانترا!!!!
في فترة كدة من كام سنة كان طالع موضة الموتور دا في العربيات 128 وكانت بتيقى عربيات طلقة واي حد يفكر يشد معاها كان بيتروق
اكيد اللي حاطط الموتور دا في عربية 131 مظبطها وعامل شغل ومش مجرد فيات 131
وبالمناسبة بقى النيو أكسنت اوتوماتيك طلعت من bmw 316 الجديدة على 170كم على الصحراوي طبعا باستخدام O/D وياخسارة ماكنتش انا اللي سايق - العربية بجد طلقة يا جماعة ربنا يبارك فيها لأصحابها ويحفظهم جريتها مش طبيعية
هو الموضوع بنوع العربية ولا امكانيات العربية؟؟
انت بتقول العربية فيها موتور لانشيا 2000 يعنى اكبر من موتورك و بيطلع عزم اكبر من موتورك... و انت موتورك 1600 بيطلع 114 حصان ولا مش عارف كام... بس سيادتك بتنقل على 3 RPM... يعنى انت خانق الموتور تماما يبقى ازاى حتطلع من عربية 2000 سى سى؟؟
و اعتقد اللى مسقط مكنة 2000 فى 131 راجل عايز يجرى و فاهم يعنى ايه شد و مكنش حيبقى سهل ابدا تطلع منة حتى لو نقلت عند 6500 RPM
MMamdouh
هو انت عارف الموتور بتاعة بيطلع كام حصان؟؟؟ و الاهم من كدة عارف بيطلع عزم قد ايه؟؟؟؟؟
حتى لو موتورك بيطلع قدرة اعلى فا انت خانق المكنة بالنقل البدرى و عمرك ما بتوصل لل 114 حصان اللى بتتكلم عليهم
كمان الطلعة على 3 ار بى ام بتدى افضلية للى عزمة اعلى و فى اى حال من الاحوال حتلاقى ال 2000 عزمة اكبر من ال 1600
MMamdouh
اختصارا للموضوع يا رجالة
اولا مش كل واحد يطلع منك يخللى دمك يتحرق... الطلعات و الجرى و الكلام دة بيبقى له ظروفة و مش شرط كل اللى طلع منك يبقى راكب عربية احسن منك... فيه ناس بتسرق طلعات و ناس بتبقى مجمعة من بدرى ممكن تطلع قبلك... عادى يعنى انت مش فى مسابقة دراج
تانى حاجة العربية مش بمركتها ولا موديلها.. المهم نسبة قدرتها لوزنها... و انت جريت مع عربية موتورها اكبر من موتور عربيتك... و على فكرة ال 131 مش عربية تعبانة... دى واخدة بطولة العالم للراليات 3 مرات (هيونداى معملتش حاجة فى بطولة العالم)... صحيح الكلام دة من يجى 30 سنة لكن العربية ليها تاريخ فى السباقات
http://www.google.com.eg/search?hl=e...meta=&aq=f&oq=
http://www.sfconline.org.uk/models/1...s/fiat131.jpeg
تالت حاجة و دى بقى اعذرنى فيها... انت محتاج تتمرن و تتعلم شويتين على السواقة لان بالطريقة اللى شرحتها دى ممكن يطلع منك حاجات كتير اوى... محدش بيكبس و هو ماشى على 3 ار بى ام الا لو بيجرى مع سلحفة... و محدش بينقل و هو بيشد قبل الred zone
متوهمش نفسك بالتوكيل ولا بصوت الموتور و الحاجات دى... استعمل عربيتك صح... المشكلة مش فى العربية... المشكلة فى طريقة سواقتك
اخر حاجة: انت كاتب فى العنوان الالنترا اتهزقت... معلش انت اللى جبتلها التهزيق
MMamdouh
انا متشكر جدا علي الافادة انا غعلا روحت للميكانيكي ومعملش فيها حاجة بس الي الموتور عاوز يتظبت علي الجهاز
روحت فعلا النهاردة التوكيل وعملت مشكلة معاهم وكانو عاوزين يردوني باي طريقة فعلا العربية دخلت واتعملها حاجات متعملتش في صبانة ال1000 وبطو الموتور وربطو العفشة ورجلشو الفرامل وغسلو الموتور بالفوم والعربية فرئت كتير عن الاول وشغلت التكييف وانا ؤراجع وعاز اؤلكم ان التكييف وهوة شغال مكنش تاثيرة علي الموتور جامد يعني العربية اتظبطت وحسيت بالفرء 380 درجة وصوت لاموتور نعم كتير عن الاول واديني بجرب وربنا يسترها فعلا العربية كانت عوزة تتظبط
مرة تانية انا اسف جدا عشان وجعت دمغكم بأسئلتي بس اعزوروني انا كنت متضايق جدا عشان العربية بس كدة كويس جدا العربية بئت تمام
يا عزيزى Asds : انت معاك نعمة لازم تحمد ربنا عليها وتحافظ عليها بعيدا عن الموضة الجديدة ( اشد معاك وتشد معايا ) والنتيجة العربية تتكهن وتروح فلوسك وممكن يروح جزأ من جسمك زى ما حصل مع واحد جارى والمصيبة انه راجل كبير وعنده اولاد - 1000 مبروك التحفة اللى ربنا انعم بيها عليك وربنا يديك خيرها ويكفيك شرها
متشكر جدا وربنا يبركلي فيها ويباركلكم في عربياتكم