يا ترى لو ركنت العربية مدة طويلة حوالى اسبوع..فى اى قلق عليها؟
عرض للطباعة
يا ترى لو ركنت العربية مدة طويلة حوالى اسبوع..فى اى قلق عليها؟
البطاريه لو سائله يبقى اكيد هتنام منك ولازم تدورها على الاقل كل 3-4 ايام مره
لو جافه افصلها وخلاص
انا بركن العربية ممكن اسبوع او 10 ايام وبدور الصبح بدرى بتدور معايا من اول مرة وبدون مشاكل
ملحوظة: البطارية سائلة:k38:
انا مره سبت العربية 10 ايام من غير ما ادورها وكان عادي ومن غير ماافصلها
بس كانت جافة
اعتقد انه طالما البطاريه جديده يبقي مفيش مشكله انها تقف اسبوع او عشرة ايام من غير ما تدور...
بس طبعاً يفضل تشغيل العربيه لمده 5-10 دقائق كل 3 او 4 ايام...
أنا متعود أفصل كابل البطارية علشان بأسافر كل أسبوع لمدة 5 أيام و مرة نسيت أفصله و سافرت أسبوعين و العربية دارت عادى بس الكهربائى نصحنى مأعملش كده تانى لأنه بيأثر على البطارية و مستوى المياه لو سائلة.
أنصح بفصل الكابل و الكشف على البطارية كل شهرين أو ثلاثة و كده تضمن إن البطارية تعمر معاك و تلحق أى حاجة غلط فى أولها.
انا اوقات كتير بسيبها بالاسبوع وبتدور معايا من اول مره والبطاريه جافه
هى بس مع الركنه لفتره طويله بحس اول مااطلع بيها ان الفرامل شده جامد وممكن تصفر معايا بس بعد ماامشى شويه بترجه تتظبط تانى لوحدها
يا جماعة خلوا بالكو من موضوع فصل كابل البطارية.
هو طبعا احسن فى كل الظروف انك تفصل الكابل بس لو العربية من النوعيات الجديدة اللى بتشتغل بالكمبوتر زى الفوكس و الميجان و الاوبل لا انصح بكده لانه بيعطل عمل كمبيوترالسيارة. لازم تسأل الاول فى لاتوكيل هل ده هيضر و لا لأ...
و الله اعلم