إيه أفضل نوع بوجيهات إشعال إلكتروني للتمبرا

**anwarnono** · 17-03-2009 02:11 AM

معنى كده ماروحش اجيب بوجيهات اى حاجة والعموم انا رعبيتى سويفت 93 والكاتلوج بينصحنى ب NGK بس ما شوفتش ارقام،وانا حاطت دنسو يابانى حقن الكترونى والصراحة كويسه معايا،وكنت ناوى اجيب الارديوم سواء NGK او Splitfire أنصحنى ايه المتوافق دلوقتى قبل ما اشترى اى نوع فيهم؟
وهيبقى ايه عيوبهم لو هما مش متوفقين مع العربيه.!!
وانتا عارف انا لورحت لمحل وقلتلوا ادينى بوجيهات للسوفيت زى ما اقوله ادينى بوجيهات للمبرجينى...ههههههه

**moooha** · 17-03-2009 02:57 AM

أفضل نوع للبوجيهات المستخدمة للسيارة فيات تمبرا هو
champion RN 7 YCC
النوع ده هو اللى بنستعمله فى التوكيل ومكتوب فى دليل السيارة
أو ممكن تستخدم البوجيهات الأصلية ودى تقدر تجبها من الكيلانى فى شارع شامبليون
مهم جداً رقم المقاومة للبوجيه علشان الكنترول
ولك ألف سلام ولو أحتجت أى حاجة للسيارة تحت أمرك لأنى بشتغل فى توكيل فيات

**galilio_mad** · 17-03-2009 10:51 AM

المشاركة الأصلية كتبت بواسطة moooha

أفضل نوع للبوجيهات المستخدمة للسيارة فيات تمبرا هو
champion RN 7 YCC
النوع ده هو اللى بنستعمله فى التوكيل ومكتوب فى دليل السيارة
أو ممكن تستخدم البوجيهات الأصلية ودى تقدر تجبها من الكيلانى فى شارع شامبليون
مهم جداً رقم المقاومة للبوجيه علشان الكنترول
ولك ألف سلام ولو أحتجت أى حاجة للسيارة تحت أمرك لأنى بشتغل فى توكيل فيات

طيب انا عايز طقم بوجيهات Fiat/Lancia 9FYSSR
اللى هو الشامبيون RN9YCC
هل موجود فى التوكيل ؟ و سعره لو تكرمت ؟

**ZALABANY** · 17-03-2009 11:12 AM

طيب معلش البوجيهات دي champion RN 7 YCC سعرها كام تقريبا

**eldeplomasy** · 18-03-2009 12:19 AM

طيب معلش البوجيهات دي champion RN 7 YCC سعرها كام تقريبا

تقريبا 45 جنيه من التوكيل اللى في غمرة ولازم تضبط كمبيوتر بعد تغيير البوجيهات

**ahmed1981** · 18-03-2009 12:52 AM

المشاركة الأصلية كتبت بواسطة zalabany2007

طيب معلش البوجيهات دي champion RN 7 YCC سعرها كام تقريبا

بوجيهات Champion RC7YCC
سعرهم70 جنيه مصري
أنا لسه شاريهم من أسبوع

**ZALABANY** · 18-03-2009 08:53 AM

طيب شاريهم منين يا باشا وإيه موضوع ظبط الكمبيوتر اللي بعد تركيب البوجيها ده ويتعمل فين وهل التمبرا فيها كمبيوتر زي العربيات الحديثة أنا اللي أعرفه انها مافيها حساسات الكربيراتير منها

**eldeplomasy** · 18-03-2009 01:49 PM

انا لسه جايبهم من شهر من التوكيل ب45 جنيه وبعدها ضبط الكمبيوتر ب20 جنيه ده اللى حصل معايا والله أعلم

**ZALABANY** · 18-03-2009 02:14 PM

حضرتك تقصد توكيل النصر للسيارات

**eldeplomasy** · 18-03-2009 03:35 PM

أيون حضرتك وانا كنت مركب الشامبيون اللى من شارع رمسيس ولما رحت التوكيل اللى فيغمرة قالي البوجيهات اللى حضرتك مركبها مش انجكشن وكانت بتهنجلك الكمبيوتر وكان ممكن تبوظه وركبولي نفس النوع تماما اللى كانت نازلة بيه ومن ساعتها وهي ما شاء الله تمام في سحب وجري واستهلاك بنزين وقالي كمان انا اضمنلك انها تمشي معاك لحد 40 الف كيلو لكن طبعا على حسب الكتالوج وكلامه هو بس عشان استهلاك البنزين والسحب قالي اغيرها بعد 15 الف او 20 الف بالكتير لكن لو زودت عن كده استهلاك البنزين هيزيد والسحب هيضعف لكن البوجيهات هتمشي عادي

ولو حضرتك عايز عنوان التوكيل اللى في غمرة انا تحت امرك خد رقمي من البوفيل بتاعي وكلمني في اي وقت مع العلم انك ممكن تشتري البوجيهات من هناك وتركبها بره بس رايي التوكيل اضمن اخر حاجه