ظهرت عندى فى الكاوتش انتفاخات دى معناها ايه؟
على فكرة العربية جديدة بقالها 4 شهور معايا بس ( اسبرانزا) ممكن حد يفيدنى
عرض للطباعة
ظهرت عندى فى الكاوتش انتفاخات دى معناها ايه؟
على فكرة العربية جديدة بقالها 4 شهور معايا بس ( اسبرانزا) ممكن حد يفيدنى
يعنى اة انتفخات يريت توضح اكثر او تصورها؟؟
نوعية الكاوتش عندك سيئة ولازم تغيره
الأنتفاخات بتحصل بجوانب الكازتش نتيجة ضعف الحوانب او الأحتكاك برصيف
هاتلها دواء كاولون
طيب ممكن تقول لنا نوع الكاوتش أيه ؟
و هل خبطت في رصيف أو حكيت به ؟
كده الكاوتش تعبان وممكن يفرقع مع الوقت لان ده كده ضعف فى الكاوتش
دية بيسموها بيضة زى ما بتوع الكاوتش بيقولو .وبتكون بسبب ان النوعية مش كويسة و خبطت فى رصيف او فرملت جامد على مطب.
هو طبعا الافضل تغيير الكاوتش يعنى ممكن تنزل الاستبن و خلى الفردة البايظة هى الاستبن.وهى ملهاش طريقة فعلية للتصليح لكن ممكن تصليح بلدى و هى انك بتركب داخلى و يتلصق قطعة كاوتش اقوى عند مكان البيضة .بس حتى بعد التصليح مينفعش تكون الا استبن.
لو الإستبن كويس و دا الواضح إستبدله بالإستبن و خلي البايظ إستبن فورا و لو تعرف تغيره كله يبقى أحسن
الكاوتش بيكون عبارة عن شاسيه سيلك او هيكل سلك و مصبوب عليه تيل الي هوا الكاوتش او الماده السوداء الي ظاهرة
بس المشكلة عندك انه خامة التيل ديه مش كويسة و فصلت علشان كدة ظهرت الفقاقيع او البيض في العجلة
و ديه ملهاش حل غير التغير و المفروض انه دلوقتي الكاوتش مضمون زي العربية يعني لو لسه العربية في الضمان
المفروض يتغير على حساب البيه الوكيل و لو مرضاش ممكن تشتكي في جهاز حماية المستهلك و ده اللينك بتاعهم
http://www.cpa.gov.eg/
و عموما لو منفعش و كان هايتغير على حسابك بلاش تجيب كاوتش صيني و متسكتش علشان المشي بالكاوتشات ديه خطر