الحل الامثل لتامين السيارة من السرقة(غير جهاز الانذار)

**Ramytoyota** · 26-02-2009 03:07 PM

نفسى فى فكرة جديدة لمنع سرقة السيارة غير جهاز الانذارعلى سبيل المثال انا كنت بفكر فى عمل مفتاح لفصل الكهرباء عن السيارة والمفتاح اخبية فى اى مكان فى السيارة ذى التابلوة او الشنطة..........الخخخ لكن دة ممكن يسبب مشاكل فى كهربة العربية او يحرق الكمبيوتر لو ما تعملش صح .
انا كنت عاوز اعرف راى حضرتك فى حكاية مفتاح الكهرباء وانفذها ازاى و عند مين.

**bemocarlo** · 27-02-2009 02:30 AM

لو سمحت يا استاذ رامي في اخطاء املائيه في توقيع حضرتك يا ريت تصلحها واسف لو كنت ازعجتك وشكرا لسعه صدرك.
و بحمد .............وبحمده
و الؤمنات .........والمؤمنات
bemo,ire

**Ahmed_Gadalah** · 27-02-2009 05:10 AM

المشاركة الأصلية كتبت بواسطة bemocarlo

لو سمحت يا استاذ رامي في اخطاء املائيه في توقيع حضرتك يا ريت تصلحها واسف لو كنت ازعجتك وشكرا لسعه صدرك.
و بحمد .............وبحمده
و الؤمنات .........والمؤمنات
bemo,ire

+11111111111111111
ياريت تصلحها

**مصراوي جدا** · 27-02-2009 09:23 AM

اعتقد المناسب :

1- جهاز انذار

2- عصا مسوجر الدركسيون سواء اللي بتقفل الدركسيون بعصا طويلة لا تسمح له بالدوران او اللي بتتربط في بدال الفرامل

(اصل الحرامي مش مستعد يضيع وقته في محاولة فك قفل عصا المسوجر فلما يلاقي عربية عليها قفل يقوم ببساطة يروح للي جنبها والخير كتير هيوجع دماغه ليه)

**aif** · 27-02-2009 09:49 AM

انا كان عندي زمااان 131 كنت عامل لها زرار بيفصل كهرباء الموبينة .... ومخبية في مكان متداري ....
لما كنت اسيب العربية في الشارع اروح فاصله ... لو حد جة يدور العربية تقعد تكح من غير ما تدور ...
وكنت باستعمله برضه لما استهبل و عاوز اللي معايا يفتكرو العربية بايظة ... يعني ... ساعات بابقى عاوز ازوغ من مشوار ... اعتذر عن ترك السيارة لحد ....
لكن في العربيات الجديدة مش عارف الكلام ده ممكن يبوظ الدنيا والا لأ