الموضوع: تكييف الصنى

الساده الأعزاء:
بالرغم من خبرتى المحدوده بالصنى لأنى أنضممت لعائله الصنى من حوالى ثلاث أشهر فقط لكنى عندى بعض الملاحظات على التكييف.
يوجد ذراع تحديد درجه الحراره و هو فى معظم إن لم يكن كل السيارات عباره عن تدريج يبداء بلون ازرق غامق و يفضل الأزرق ده يخف إلى ان يتحول للون الاحمر(و ده بيحدد درجه الحراره المطلوبه و اللى عندها الكباس يفصل لما درجه الحراره توصلل للدرجه المطلوبه)
فمثلا لو فى يوم مش حر لكن مترب و عاوز تشغل التكييف هادى تضبط الدراع ده فى المنطقه اللبنى مش الزرقاء و ده يدى تبريد خفيف و الكباس يفصل و يوصل
أما فى الصنى فالوضع غير كده
الدراع ده يبتدى أزرق و معاه أحمر بعد أول حركه فيه و ده معناه أن كنترول الحراره بيتم عن طريق التسخين بالماء مع تبريد الفريون .
و ده يفسر سر شكوى البعض من الساده الزملاء من إنه توجد موجات هواء ساخن و موجات هواء بارد أثناء تشغيل التكييف و ده طبعا نتيجه إن الفريون بيفصل لكن بيفضل التسخين شغال.
كما ممكن يفسر شكوى البعض من إن الصنى بتاكل بنزين كتير مع التكييف و ده نظرا لأن الفريون بيفضل مده طويله عقبال م يفصل لأنه اللى بيبرده الفريون بتسخنه الميه و لما يبتدى يشتغل نيكون التكييف بقي سخن.
و حل الموضوع ده إنك لما تشغل التكييف يكون الدراع ده على الأخر جهة الشمال و ده يضمن عدم دخول المياه الساخنه للتكييف مع الفريون
أتمنى ما أكونش طولت عليكم و عرفت أوصل شرحى و تكونوا فهمتونى