الموضوع: ارجو المساعدة مشكلة في حساس الشكمان

برضه مايمكن تكون البوجيهات اللى ركبه وحشه من ناحية كفاءتها مع الأحمال أو فيه مشكله فى أتصال الكابلات وممكن فيش الحساسات عاوزه برضه نضافه وضمان جودة أتصال علشان تنقل أشاره كويس لوحدة التحكم..........وممكن برضه تراجع على الأتصال الأرضى عندك وتعمله نظافه.......وبرضه لو كفاءة الدينامو مش كويسه وعلى الأقل 12 فولت ممكن تعمل مشاكل فى دايرة التحكم..........

المشاركة الأصلية كتبت بواسطة Mohamed A S

البوجيهات اللي راكبه جديد دنسو
البطارية جديدة وقست كفاءة الدينامو وكله تمام
نظافة فيش الحساسات دا موضوع أنا معملتهوش قبل كده ومعرفش بيتعمل ازاي ومين يعمله.
وشكراً على المتابعة

ربنا يوفقك ويهيىء لك الخير كله............

استاذ Mohamed A S انا مش عاوزك تلف حولين نفسك زي انا بقالي مدة كبيرة في موضوع الدخنة
انت قلت ان العربية مش بتغيب في الدوارة وانا اما سألت ناس كتير منهم مهندسين ومنهم ميكانيكية ومنهم معاهم العربية ( خبرات سابقة ) في الي قالي حساس شكمان وفي الي قالي رشارشات بس لما سالت في التوكيل وكشفت هناك الفني قالي ان لو الدخنة من الرشاشات هيصحبها غياب في الدوارة اكيد ( بس صدقني الكلام دة مش صح بنسبة 100% او ممكن يكون صح في القطع الأصليه لأني انا جبت طقم رشارشات جديد زيرو ب1100 جي ام بس مش اصلي بس انا مكنتش اعرف وكان بيدخن بردو ومكنش بيغيب في الدوارة وعلى فكرة الأصلي امريكاني والمفاجئة ان سعرة 1300 بس الفرق مش كبير بس انا اتسرعت ومسالتش كويس والي في السوق كوري وبتيباع على انة الأصلي على اساس ان العربية كورى انا رحت واتاكت ان الأصلي امريكاني وشفتو بعنيى ولونة لبني وانا الي اشتريتة كان لونه احمر العلبتين زي بعض بالضبط ونفس الكتابة لكن دة كوري ودة امريكي ) انا طولت عليك بس معلش استحملني احسن حاجة تعملها انك تكشف بالأسكنر زي ما قال الاستاذ محمد ممدوح ونصيحة مني متلعبش في اي حاجة في العربية الا لما تتأكد من ان العيب فيها وخد بالك لو طلع حساس شكمان وحبيت تجيبة جديد هاتو من التوكيل انا جبتو من برة التوكيل 275 ومكملش شهرين انا مش عارف هو اصلي ولالأ لكن لو كنت جبتو من التوكيل كنت هشترية ب 350 و التركيب 25 + 10% + 3 شهور ضمان وعلى فكرة كشف الكمبيوتر في التوكيل 25 جنية +5 جنية مش عارف بتاعت اية كله 30 جنية وطبعا الفرق مش كبير وكسبان الضمان

ده الي انا رحت عندة شركة مودرن اوتوموتيف سيرفيس مركز خدمة مهتمد في القصر العيني بجانب روزل يوسف بس طبعا انا مغيرتش الحساس بتاعي القديم هناك لأنهم مش هيردة انا قلت قبل ما اكلف نفسي حساس جديد اركب القديم واجرب عند الميكانيكي بتاعي بس لو مكنتش المشكلة اتحلت انا كنت هروح هناك اكيد لأني تعبت

وعاوز انصحك بحاجة تانية اي قطعة تفكها من العربية احتفظ بيها معاك خصوصا لو الأصلي زي ما اتعلمت من اخطائي مش عاوز اي حد من اخواتي في المنتدى يقع فيها لولا اني احتفظت بحساس الشكمان القديم كان زماني مشتري واحد تاني دلوقتي
اسف طولت عليكوا كتير استحملوني وكلو للأفادة

بضبط هو دة الي انا اشتريتة الأحمر دة وانا بشكرك على المعلومة دي جدا ودي اول مرة اسمعها من حد بس كدة بقى الرشاشات دي شكرا ملهاش حل عندي ولا ممكن تركب ويكون لها حل ولا ابعهم لا اعمل ايه

طبعا خسارة اي حد يستفيد بيهم بدل ما يتركنو ويبوظو انا موافق
دة الميل بتاعي
n_nabil76@yahoo.com
وكمان هيكونو على تجربة ومعنديش اي مشكة لو لقيت بيعة ابعتلي على الميل وان ابعت تليفوني على الميل