مع احترامى ل الجين2 ولكن !!

**batoot556** · 26-02-2009 08:25 PM

مع كامل احترمة لجين 2 بس هو لية كل الاعضاء عندهم اصوات فى العربيات (طقطقة وصوت فى الدريكسيون وغيرة ) وكل الاعضاء برضة بيربطوا العفشة بعد 1000 كيلو ودة غريب انا سألت ناس عندهم عربيات تانة هيونداى و تيوتا زيرو وسألت ناس متخصصة كلوا بيقول مفيش تربيط عفشة بعد الف على الاقل بيبقى بعد 30000 كيلو او اكتر بكتير وكمان كل الاعضاء بيشتكوا من التقفيل ودة شىء مقلقنى اوى انا كان نفسى اشتريها بس بصراحة معنديش استعداد ادفع 85000 وانا مش حعرف اجيب غيرهم وكمان يطلعلى كل شوية مشكلة وقطع غيار غالية وغير متوفرة يعنى تقريبا ممكن اخلينى فى الكورى اكسنت او اى حاجة متجربة بدون مشاكل وتفيا 100% مع العلم ان الجين انا بجد حموت واجيبها بس انا مش عايز مخاطرة .
لو حد عندة اى تعليق او اقتراح ويا ريت لو نوصل المعلومات دى للتوكيل ان مينفعش اشترى عربية زيرو واشيك عليها علشان اتأكد ان العربية سليمة

**KingMu** · 26-02-2009 08:42 PM

انا معايا جين 2 2009 ومعنديش اى اصوات فى العربيه الحمد لله الا صوت تزيقه الكنبه وكان صوت بسيط اوى وعملوه فى الصيانه من غير ما اقولهم
ومربطش عفشه اول 1000 عملتها فى 5000 برضه من غير ما اقولهم
كمان موضوع العفشه ده كده كده بيتربط فى الصيانه امال هى اسمها صيانه دوريه ليه
عايز اقولك انى كنت قلقان زيك برضه قبل ما اجيبها بس فيه فرق شاسع فى الامكانيات والركوبه بين الجين والعربيات اللى انت بتتكلم عليها
ممكن يكون تقفيلها مش اد كده بالنسبه لليابانى بس زيها زى الكورى
ولو انت شاب هاتها ومش هتندم ان شاء الله النها شبابى شويه
انا لحد دلوقتى 6000 كيلو مفيش مشاكل الحمد لله مع العلم انى بسافر بيها كل يوم كمان انا من الزقازيق وبمشى ف شوارع مكسره كتير

**batoot556** · 26-02-2009 08:46 PM

اولا متشكر لردك وزوقك بس بردة كان فية صوت ولو بسيط ما هو دة لية واشمعنى الجين بس اللى كدة وبعدين يا باشا انا معاك ان العربية فيها كماليات تحفة بس العفشة مهمة ولو فى ناس غير حضرتك راحوا الصيانة وربطوا العفشة بعد الف كيلو امال بعد 60000 حيعملوا اية
وربنا يحميهالك ويوفقك بيها

**abou_ruqi** · 26-02-2009 08:46 PM

يا خرابي على اللي حيجرالك يا خراب

اصل عندنا هنا في المنتدى كام عربية كده ممنوع حد يغلط فيهم
ارجو من ملاك البروتون أن تأخذهم بصاحب الموضوع الرحمة والشفقة

خلينا بقه نتكلم جد
أنا شايف إنك لو مش حتجيب جن2 يبقى تفكر في الجراند بونتو , لأن أنت مشاكلك العفشة و التقفيل , يبقى تبعد عن الكوري وتدخل في الأوروبي خاصة بعد ما اسعاره نزلت
ده غير انها سيارة رائعة و فيها اوبشنز اكتر من الاكسنت بكتــــــــير

**Ayman_52** · 26-02-2009 08:59 PM

المشاركة الأصلية كتبت بواسطة KingMu

انا معايا جين 2 2009 ومعنديش اى اصوات فى العربيه الحمد لله الا صوت تزيقه الكنبه وكان صوت بسيط اوى وعملوه فى الصيانه من غير ما اقولهم
ومربطش عفشه اول 1000 عملتها فى 5000 برضه من غير ما اقولهم
كمان موضوع العفشه ده كده كده بيتربط فى الصيانه امال هى اسمها صيانه دوريه ليه
عايز اقولك انى كنت قلقان زيك برضه قبل ما اجيبها بس فيه فرق شاسع فى الامكانيات والركوبه بين الجين والعربيات اللى انت بتتكلم عليها
ممكن يكون تقفيلها مش اد كده بالنسبه لليابانى بس زيها زى الكورى
ولو انت شاب هاتها ومش هتندم ان شاء الله النها شبابى شويه
انا لحد دلوقتى 6000 كيلو مفيش مشاكل الحمد لله مع العلم انى بسافر بيها كل يوم كمان انا من الزقازيق وبمشى ف شوارع مكسره كتير

+100000

وانا كمان الحمد لله ماعنديش اى صوت ولا كان عندى مشاكل تقفيل .... انا الصراحه لحد ماستلمت كنت خايف جدا من الكلام اللى كنت بسمعه بس بجد والله لما ان شاء الله تستلمها وتركبها وتكون ملكك هتحس اد ايه العربيه دى مميزاتها مغطيه خالص عالعيوب البسيطه اللى فيها

**elmadawy** · 26-02-2009 09:05 PM

والله يا جماعه انا معايا الجين 2 من 9/2008 وعامل لحد الان 6500 كيلو ولا في طقطقه ولا اي حاجه خالص والحمد الله انا مش عارف الناس ال بتقول الكلام ده بتجيبه منين اما موضوع التقفيل ده ايضا ما فيش حاجه حصلت معايا غير ان الباب الخلفي كان معلق واتصلح في صيانه 5 الاف واكيد ده ممكن يحصل مع اغلي العربيات ثمن او العكس وشكرا

**KingMu** · 26-02-2009 09:27 PM

المشاركة الأصلية كتبت بواسطة batoot556

اولا متشكر لردك وزوقك بس بردة كان فية صوت ولو بسيط ما هو دة لية واشمعنى الجين بس اللى كدة وبعدين يا باشا انا معاك ان العربية فيها كماليات تحفة بس العفشة مهمة ولو فى ناس غير حضرتك راحوا الصيانة وربطوا العفشة بعد الف كيلو امال بعد 60000 حيعملوا اية
وربنا يحميهالك ويوفقك بيها

مين اللى قالك ان الجين بس هى اللى كده فيه عربيات كتير محترمه بتنزل فيها مشاكل تقفيل
بص يا باشا الموضوع كله محافظه على العربيه
فى ناس معاها عربيات صينى ومحافظين عليها مبيطلعش منها صوت وفي ناس معاها عربيات يابانى ومبيخدوش بالهم فى المطبات والنقر وبينفضو للصيانه فالعربيه عفشتها بتبقى وحشة
مثلا واحد صاحبى معاه ياريس وكنت قبل ما اجيب الجين محتار بينهم الاتنين لانهم نفس السعر تقريبا بس بعد ما سوقت الياريس لقيت فيه اصوات خبط فى العفشه مع العلم انها معاه بقالها حوالى سنة
ابن خالتى معاه نيو اكسنت وعمره ما عملها صيانه العربيه دلوقتى لو سوقتها تلاقى عفشتها وحشة جدا
اى عربيه هتحافظ عليها هتلاقيها كويسه معاك برضه انت اسال وشوف وجرب وربنا يكرمك ف اى عربيه تجيبها ان شاء الله

**elmadawy** · 26-02-2009 09:32 PM

المشاركة الأصلية كتبت بواسطة KingMu

مين اللى قالك ان الجين بس هى اللى كده فيه عربيات كتير محترمه بتنزل فيها مشاكل تقفيل
بص يا باشا الموضوع كله محافظه على العربيه
فى ناس معاها عربيات صينى ومحافظين عليها مبيطلعش منها صوت وفي ناس معاها عربيات يابانى ومبيخدوش بالهم فى المطبات والنقر وبينفضو للصيانه فالعربيه عفشتها بتبقى وحشة
مثلا واحد صاحبى معاه ياريس وكنت قبل ما اجيب الجين محتار بينهم الاتنين لانهم نفس السعر تقريبا بس بعد ما سوقت الياريس لقيت فيه اصوات خبط فى العفشه مع العلم انها معاه بقالها حوالى سنة
ابن خالتى معاه نيو اكسنت وعمره ما عملها صيانه العربيه دلوقتى لو سوقتها تلاقى عفشتها وحشة جدا
اى عربيه هتحافظ عليها هتلاقيها كويسه معاك برضه انت اسال وشوف وجرب وربنا يكرمك ف اى عربيه تجيبها ان شاء الله

الله ينور عليك

**momenhamdy** · 26-02-2009 10:02 PM

من الاخر يا جماعة
لولا اختلاف الاراء لبارت السلع يعني لو الجين 2 فيها عيوب تقفيل
عند حضرتك الاوبترا مثلاً فيها موضوع تزيق علبه الدريكسيون الي من 2006 ولغايه النهارده و احنا في 2009 برده بتتغير علي حساب الضمان طب ليه شركة زي Gm مش عايزه تعدل المشكله دي في الاوبترا ولا هي علشان بتظهر في عربيات و عربيات لالا
ليه العربيات الكوري في مصر الوكلاء بينزلوها من غير مواصفات امان زي الشيفروليه و الهيونداي بالرغم من كدا العربية ثمنها بيوصل لحدود 100 الف جنيه مستريح

يعني الموضوع في الاخر انا شايف انوا متساوي بس الفكره انهو عيب حيكون بالنسبة لك عادي و مش مشكله و حتضحي انوا يكون في العربية
هل هو عيب تقفيل - ولاموتوروجير- ولا عوامل امان -ولاثبات -ولا توكيل وصيانه - ولا قطع غيار -ولا اعاده بيع - ولا امكانيات زي الجنوط و السنسور بارك ....الخ

في الاخر لازم تضحي بحاجة
ارجو ان تكون وضحت وجه نظري

**creative** · 26-02-2009 10:14 PM

والله ياستاذ بطوط بصراحة العربية كويسة بس فعلا الحلو مايكملش
ودلوقتى البريليانس الاف ار فى طلعت هى كمان وبتحاول تثبت نفسها فى السوق المصرى زى مالجين 2 طلعت قبل كده وماكنش حد بيطمن انه يجيبها
فياريت بجد الوكلاء والناس اللى بتشترى عربيات تغير مفهوم اليابانى حلو والكورى وحش والماليزى سيبك منه والصينى يبقا بترمى فلوسك
سيارة=صفقة=سعر اقل=كماليات اكتر=توكيل محترم=حاجات تانية ممكن تتغاطى عنها زى اسعار قطع الغيار او حتى سعر اعادة البيع
وانا بصراحة شايف ان فى اسعار عربيات كويسة توازى سيارات فارهة فى الثمن عشان شهرتها وبس
زى البريليانس اللى متوقع نجاحها بنسبة كبيرة ويمكن تغير مفهوم الصينى اللى عندنا زى الجين 2 لما غيرت مفهوم الماليزى عندنا
فشوف الصفقة اللى ممكن تلاقيها مناسبة ليك من كل النواحى وربنا يوفق الجميع الى الخير