ايه اكتر شىء يعكنن عليك وانت سايق!!

**NoRmAl** · 27-02-2009 12:06 AM

السلام عليكم

ايه اكتر شىء يعكنن عليك و يخليك تخرج عن شعورك وانت سايق مهما كنت رايق :10D5C8~1107:
اقصد يعنى تصرف السائقين المجاورين ليك او سفلته الطريق او المرور او الزحمه..

انا مثلا بفقد اعصابى و مش بشيل ايدى من على الكلاكس فى حالتين ...اول حاجه واحد ماشى على الخط الفاصل بين الحارات كأنه ملك الطريق و ماشى فى حارتين...تانى حاجه الدنيه زحمه والى ماشى قدامى سايب قدامه 20 متر والناس بتدخل فى حارتى من قدامه و كاننا فتحنها سبيل.
انت بقى ايه الى بيعكنن عليك؟؟

**bmw323** · 27-02-2009 12:19 AM

لما بيكون سايق جنبك واحدة ست أو يكون قدامك راجل كبير فى السن سايق عربية بيبقى الواحد خلاص عاوز يضرب علية نار

**EslaM_NagY** · 27-02-2009 12:24 AM

لما حيوان اسمو ميكروباص يكسر عليا عشان يفادى حد
مهو اصلو لو بيسوق زى الناس مكنش حيحتاج يفادى حد ويدخل فيا انا.

**KHALED AYMAN** · 27-02-2009 12:38 AM

المشاركة الأصلية كتبت بواسطة EslaM_NagY

لما حيوان اسمو ميكروباص يكسر عليا عشان يفادى حد
مهو اصلو لو بيسوق زى الناس مكنش حيحتاج يفادى حد ويدخل فيا انا.

مساء الخير انا قولت امسى عليك و اشارك فى الموضوع الجميل ده .

انا الحاجات الى بتفقدنى اعصابى كتيييييييييير
يعنى من الاخر ببقى شبه مش طايق نفسى و بخانق دبان وشى ووش الى جمبى .

1-تبقى ماشى جمب واحد بالظبط و يكسر عليك و لما تكلمه يقولك انا مديلك اشاره !!!! اشاره ازاى يا حاج و انت جمبى بالظبط اروحلك فين انا ؟؟ اركب جناحين و اطير ؟؟؟
2-واحد يقف فى وسط الطريق ينزل حد او يركب حد و لما تزمر يطلعلك ايده و يقول انا اسف ؟؟؟ يعنى انت عارف انك غلطان ..؟؟ بتغلط ليه ؟؟
3-لما اكون ماشى و ييجى واحد من ورايا يركبلى على الشنطه (خصوصا بتوع الميكروباص على الطريق ) لما الواحد بيحس انى لو رفعت رجلى من على البنزين هيلبس فيا و فى الحاله دى بعمل عده اجراءات
* بشغله الشبوره الى ورا

*بهدى واحده واحده و اخليه ورايا
*مش بعديه طول الطريق و اطلعه جمبى و لما ييجى يدخل عليا اطلعله و ازنقه

بس هى دى بعض الحاجات الى بتفقدنى اعصابى ...
لو افتكرت حاجه هقولكو.

**kliken** · 27-02-2009 02:14 AM

ان السائق اللى جنبى يدى اشاه يمين مثلا و يروح داخل عليا شمال اول ما اعدى منه بعلق الكلاكس و النور و ابقى هاكله

**MohabSaeed** · 27-02-2009 03:01 AM

اعتقد السؤال المظبوط ايه الشئ الى ميعكننش عليك و انتا سايق " و الاجابه مافيش " .

:-$

**Ayman_52** · 27-02-2009 03:10 AM

المشاركة الأصلية كتبت بواسطة MohabSaeed

اعتقد السؤال المظبوط ايه الشئ الى ميعكننش عليك و انتا سايق " و الاجابه مافيش " .

:-$

+10000

بس اكتر حاجه اللى مش بيعرفوا يسوقوا ...وعاملين نفسم شوماخر العرب وشاغلين غرز وهما اصلا ****.... ببقى عاوز ادى كل واحد فيهم بالـ*****...

**powerofhelll** · 27-02-2009 03:19 AM

البني ادم في منه 3 انواع
طبيعي
تاكسجي
ميكوباص
طبعا القصد واضح

**Samir_Adel** · 27-02-2009 03:21 AM

حاجات كتيييييير, مثلا يعني:
واحد ماشي علي مهلة و ماسك الشمال!
النقر و البلاعات!

**M_Nabil** · 27-02-2009 05:56 AM

أكثر حاجه بتعصبنى وتعكنن عليا وأنا سايق هما حالتين :-
1- لما أكون ماشي والدنيا زحمة شويه ويجي واحد ماشي في الحارة اللي جمبك بس بوزعربيته قدام سنه أول ما الحارة بتعته تقف وحارتك ماشيه يروح مديك اشارة وداخل في حارتك وبعد شويه الحارة تقف يرجع لحارته ثاني وبعد كدة يحصل نفس الكلام ويكون عشمان اني هدخله ثاني بروح كابس عليه وزمرله ومش بعديه حتى لو مشى على عجلتين او على ايده حتى، يعنى اهون عليه البس في العربيه اللي قدامي على انه يعدى ثاني.
2- لما واحد يكون ورايا في الزحمه وعمال يضرب كلاكس كل شويه، وبليل يقلب نور ده على اساس ان الحاجات دي هيه اللي هتمشي الطريق، في الغالب بيكون واحد من اثنين اللي بيعمل كدة ميكروباص او تاكسي أنا بعند وروح مهدى زيادة وهو بقى يصرف نفسه.

الموضوع: ايه اكتر شىء يعكنن عليك وانت سايق!!

LinkBack

أدوات الموضوع

عرض

-

-

-

-

-

-

-

المواضيع المتشابهه

اكتر موقف نرفزك وانت سايق وخلاك كنت ((هتفطر)) وانت ((صايم))؟؟

ايه اكتر موقف شيبك وانت سايق العربيه (يعنى) حد كسر عليك او كنت هتخبط فى عربيه او شخص

بتفكر فى ايه وانت سايق ....؟

تفاصيل اول او اكتر حادثة بالعربية "وانت اللى كنت سايق "ولسه فكرها لحد دلوقتى

ممكن تنام وانت سايق أو وانت مسافر

الكلمات الدلالية لهذا الموضوع

المفضلات

المفضلات

ضوابط المشاركة