الموضوع: ايه اخبار الجو معاكم

لا يوجد أمطار حتى الان فى القاهرة !!

عندنا في اسكندريه امباارح كانت امطار و رعد و برق بالهبل :)

دلوقتي عواصف بس :)

ربنا يستر

من حوالى ساعه كان فى مطر ثلج فى القاهرة تحديداً على طريق مصر أسمعيليه الصحراوى .

الجو في القاهرة عادي جدااااااااااااااا
ارخم شتا جيه علينا مفيش مطر وبهدلة الشتا الي الواحد بيحبها
الجو في القاهرة اكننا في شهر 5 و6

المشاركة الأصلية كتبت بواسطة TeXo

عندنا في اسكندريه امباارح كانت امطار و رعد و برق بالهبل :)

دلوقتي عواصف بس :)

ربنا يستر

ودمنهور نفس النظام بس الهوا جامد جداااااا

أول مرة من زمان أحس أنها بتمطر بجد، مطر و ثلج و برق و رعد و صفير رياح إلخ...

كنت نايم ساعة المطر لكن أخويا صور شوية:

شوفوا كمية الثلج في بلكونة المطبخ






بعد كسح الثلج



و زيهم كمان في المساقط و على السطح


طبعاً لما صحيت من النوم، كلفت نفسي بمهمة نزح المياه من السطح، و نزح ما ينفعش معاه مساحة و كوز ولا جردل :)

نفس الطريقة اللي بيفضوا بيها تانك البنزين أو حوض السمك، ببساطة أقوم بتثبيت خرطوم طويل في أعمق نقطة ممكنة و آخذ الطرف الآخر لمستوى أقل (الدور اللي تحته) و أبدأ شد الأنفاس :) و مطلوب هنا الموازنة بين أمرين، الأول هو ضمان قوة كافية لسحب الماء أو الأصح لملء الخرطوم بالماء، الثاني هو سلامتي لأن أي كمية مياه تدخل مجرى التنفس على غفلة كفيلة بإحداث أضرار أنا في غنى عنها و ربنا يسترو دي مش أي مياه يعني.




الصورة دي بعد ما شوية مياه تم نزحهم، طبعاً المياه المتجمعة دي عشان تتخيلوا هي كتير قد إيه هاقول لكم، ارتفاعها 20سم في مكان أبعاده 3x1.75 متر يعني حوالي 1.05 متر مكعب ماء يعني طن تقريباً!!!!
و 25سم في مكان آخر أبعاده 3.35X3 متر يعني 2.5 متر مكعب ماء!!!!!!

وجهت طرف الخرطوم نحو بلاعة المسقط مباشرة و استمر يصب بشراهة شديدة مدة ساعة و ربع دون مبالغة حتى انخفض منسوب الماء و دخل الهواء

http://www.youtube.com/watch?v=anIA4GGYw1o







في هذا الوقت كنت أتابع حاجات معينة زي ممنوع الحجارة الصغيرة و الزلط يسدوا الخرطوم (مشكلة) و كل شوية أشوف نقطة أعمق أحرك الخرطوم ليها، و أغطي فوق فوهة الخرطوم بقطعة خشب أبلكاش لضمان تأخير وصول الهواء للخرطوم قدر الإمكان
مافيش مانع من كباية شاي يعني :)