(ارجو الاهتمام)استشاره في سياره من 15.000 الى20.000

المبلغ المتاح / 15.000 الي 20.000
نوع العربية / مستعمل
إمكانية التقسيط فى حالة الزيرو /بدون تقسيط
خبرتك فى السواقة وسكك الصيانة / جديد
شكل العربية / مش فارقة
الموديل / مش فارقة
إستخدام السيارة فى الاغلب /في المدينه , سفر اغلب الوقت
انتقالاتك بالعربية / فى الاغلب لوحدي
الكماليات المرجوة / مش فارقة
إستهلاك البنزين /مش فارقة
قطع الغيار / فى المعقول
اماكن الصيانة / ممكن ميكانيكيه والتوكيل
التفرغ لأعمال الصيانة / عندك وقت
الاستمرار بالعربية لفترة / هاتستمر بيها فترة طويلة
سعر إعادة البيع / مش عايز تخسر كتير
اهم حاجات بتدور فيها على العربية /
- قوة تحمل
- قلة اعطال
ملاحظات اخرى / انا كنت بفكر في الماروتي بس مش عارف موديل كام
علما ان المسافه اللي هقطعها حوال 150 كم في اليوم اللي هنزل فيه
ارجو الاهتمام وترشيح سيارات لتوسيع افق التفكير
شكرا :36_1_37[1]:

ايه يا جماعه محدش عبرني خالص كدا ليه 15 مشاهده
ولاسمعت نص كلمه ولا شفت حرف

ياريت كنت اقدر افيدك بس انا كمان بدور على عربيه لحد 30 ومش لاقى حاجه كويسه والاسعار مش كويسه ومحدش عاوز يبيع فى المعقول
وغير بقى ان لو جيت راى فى نوع معين تلاقى ميت فيه
فربنا يوفق

شكرا على مرورك
ومتزعلش نفسك المهم انك خدت خطوه ايجابيه ورديت
عشان محدش راضي يرد عليا :(
وبخصوص عربيه بعد ال 20.000 ممكن حضرتك تفكر في بيجو 505 عربيه جميله او هوندا اكوورد موديل تمانينات بس تكون حالتهم حلوه انا كنت ركبتهم وماشاء الله عليهم جمال جدا

لا شكرا على واجب
وانا بقى الى عاوزه من اهو مساعده واستشاره
انت حضرتك قولت ركبت بيجو
انا عاوز منك مساعده فى موضوع البيجو دا لان الناس مخوفانى منه
يقولولى ابعد عن الفرنساوى اصلا
فانت ايه رايك فى البيجو كعربيه وكقطع غيار وايه الموديلات الى تنصحنى بيها فى حدود من 20 ل 30 الف يجيبو بيجو ايه

انا مليش في البيجو اوي
لكن اعرف الاسعار لكن اسعار قطع الغيار لا معرفش
علشان اكيد مش هفتي :)
انا زي ما قلت لحضرتك بيجو 505 او 405 او هوندا اكوورد تمانينات وممكن تويوتا كرسيدا
حضرتك ممكن تنزل سوق الجمعه وتاخد فكره عامه عن اسعار السوق
ممكن حضرتك تدخل الموضوع ده وتسأل صاحبه
http://www.nilemotors.net/Nile/showthread.php?t=62102

حلك الوحيد هو سيارة لادا او بولونيز
السعر مابين 15 الى 20
وقوة التحمل هتستحمل مشوارك الكبير دة كل يوم و قطع الغيار حنينة
لكن اللادا مش هتخسر فيها كتير زى البولونيز
علشان كدة انا برشح لك اللادا
وربنا يوفقك وتلاقى السيارة المناسبة

شكرا لحضرتك على النصيحه
انا بسافر حوالي 3 مرات اسبوعيا في الوقت الحالي
ومش عاوز عربيه يكون فيها مشاكل كتير
مش عارف ايه نظام ال لادا
لكن انا استبعدت عائلة الفيات
عموما اديني بفكر وبدور
وان شاء الله خير

والله موضوع السوق دا مشكله هو كمان انا نزلت من اسبوعين لا كان فيه بيع ولا كان فى شراء ناس معاها 128 موديل حاجه و 80 والحاله عاديه وبيتكلمو فى 20 22 تانى حاجه ناس تقول ابعد عن السوق علشان اغلبيتهم تجاررر فبجد يعنى حاجه تحيررر

شكرا لمرور حضرتك يا فندم
هو فعلا ااحول الاقتصاديه مخليا في كساد شويه
انا لسا منزلتش السوق وان شاء الله لما انزل هشوف الدنيا ماشيه ازاي
وربنا يوفقك ويوفقني في اختيار السياره المناسبه

انا معايا ريجاتا ايطالى لسة طالعة من عمرة كاملة على 25000 نهائى

موديل كام وايه مواصفتها ياريت توضح وترد عليا

مين قال الفرنساوى وحش
انضف عربيات واشيك كماليات
انا شخصيا راكب رينو داتشيا نوفا 99
وممتازة وناوى ابدلها برينو برده بس اكبر

سيارة فيات 132
موديل 1974
1800 سي سي ... ألماني

لا تحتاج اية مصاريف.
سنتر +انزار يابانى اصلى + زجاج كهربائى امامى
*** اللون: ابيض
الفرش الداخلي: جلي اسود.

*** حالة السيارة :
- موتور معمول له عمره من حوالي 6 شهور. حاله ممتازة
- شكمتان جديد من حوالي 4 شهور + ديفيل نيكل موضح بالصورة.
- طقم جنوط 14" - 5ريشة نجمة. 8/2006 تاريخ الصنع.
- 2 كاوتش امامي 185/70 Maxis جديد.
- 2 كاوتش خلفي 185/70 سرعات.


- طقم سماعات بيونير ( 4 سماعة + SUB ) + كاسيت تويوتا ياباني الاصلي.
- أرقام لوحات مميزة.

الشغل اللي اتعمل فيها خلال 3 سنوات.
- عامرة للماكينة.
- دينامو استيراد.
- مارش استيراد.
- مروحة رادياتير استيراد.
- مروحة كاتينة جديدة.
- شكمان جديد + ديقيل.
- 2 كاوتش امامي + طقم جنوط.
- طقم صوت + كاسيت.
- بالاضافة للصيانة الدورية ( تيل فرامل.....)
http://www.up-images.com/uploads/ima...139df680e2.jpg
السعر 20 الف
0107831900

سيارة 305 ملاكى السويس رخصة سنة لسه جديدة ب
12000جنيه قابل للتفاوض الاتصال على رقم 0124213701