يا ترى فى علاقة بين لون العربية وشخصية صاحبها؟ولا الالوان دى مجرد ازواق؟
طب الى بيحب اللون الاسود , دة بيدل على اية؟
والى بيحب اللون الابيض؟او الاحمر؟
ولو شفت حد راكب عربية بيضاء؟دة بيدل على حاجة فى شخصية الى راكبها؟
شارك برايك واستفيد
عرض للطباعة
يا ترى فى علاقة بين لون العربية وشخصية صاحبها؟ولا الالوان دى مجرد ازواق؟
طب الى بيحب اللون الاسود , دة بيدل على اية؟
والى بيحب اللون الابيض؟او الاحمر؟
ولو شفت حد راكب عربية بيضاء؟دة بيدل على حاجة فى شخصية الى راكبها؟
شارك برايك واستفيد
معتقدش ان فيه ارتباط وان دي مسالة ازواق
وكمان فيه عربيات بتجبرك علي لون معين لانه هو بيكون لون مميز فيها زي الفكترا الاسود فيها تحفة والباقي ميعجبنيش
بس ده لا يمنع ان فيه الوان تقدر تعرف منها عادة ان صاحبة العربية دي بنت زي اللون البرتقالي والبنقسجي
مش شرط إنها تكون بتدل على شخصية صاحبها .. لأنها ممكن تكون جايله هديه أو جابها ومكنش فى لون غيرها فى المعرض وحصلت مع واحد قريبى بس اللون مكنش وحيش فخدها وخلاص .
بس إنتا تقدر تحكم على شخصية صاحب العربيه من المتغيرات والرفايع إلى فيها ... يعنى شريط قرآن .. سبحه متعلقه .... دبدوب أحمر ... إزايز بيره ... دى كلها حجات ممكن تعرف بيها صاحب العربيه ده ايه ..
ملهاس دعوة خالص بس فى عربيات اللون بيكون هو المتحكم فيك
يعنى الفكترا مثلا النبيتى تحفة البيض والحكحلى عادى لكن باقى الالوان زبالة
مش ليق على العربية الاحمر مثلا شكلة لا يطاق باجماع الجميع
لالا خالص مافيش اى ارتباط
لان طبعا فى انواع من السيارات بتكون تحفه فى الوان معينه على العكس
فى اللون لعربيات تانيه
هو اللون الأبيض او الألوان الفاتحة احسن فى بلادنا عشان بتستحمل الاعفار والتراب والخرابيش مش مسالة شخصية وكدة
أنا برضه شايف....أن مفيش علاقه برضه بين لون السياره ...وطبيعة شخصيه صاحبها......لأن أحنا كده حندخل فى علاقة اللون بتاع السياره بميول وطبيعة الشخص اللى راكبها......لأن معروف فى علم الألوان ....أن كل لون معين بيعبر عن حاله مزاجيه وميول........فمثلا اللون الأصفر بيدل على الغيره....والأبيض بيدل على صفاء النفس والسكينه والهدوء........واللون الأحمربيدل على أن الشخص بطبيعته مشاكس وليس لين العريكه (يعنى قلبه مش حنين وقاسى وحاجات وحشه)............******* دى أمثله على علاقة حب لون معين بطبيعة الشخص.......وأنا عن نفسى شايف أرتباط لون السياره بطبيعة الشخص حتكون مقارنه ظالمه.......لأنك ببساطه ممكن متلقيش غير لون محدد قد لا تريده وكنت تتمنى غيره (هو ده بقه اللى ليه علاقه بطبيعة الشخص ) وبرضه تشترى السياره علشان حالتها كويسه....(يبقى كده من المنطق منربطش لون العربيه بصاحبها)........مش كده ولا أيه
تمام يا أخ سمير كلامك مضبوط
وأنا على فكرة بعشق اللون الأبيض عالعربيات خصوصاً لو كانت سيدان.....بتبقى في قمة الشياكة :original:
إنما حاجة زي الأسود بتليق أكتر عالعربيات الـ SUV الكبيرة وبتديها هيبة كده :)
الله يخليك ...دا بس من زوقك