الموضوع: هل انت سعيد لما تشوف عربيتك تكسى

المشاركة الأصلية كتبت بواسطة شريف

واية المشكلة
فى دول التاكسيات بتبقى مرسيدس و كامرى زى السعودية
هى علاقة نسبة و تناسب بين كل شعب
بس المفروض التاكسى كفكرة انة وسيلة مواصلات مريحة ولا يشترط ان اللى يركبة يبقى معندهوش عربية

+1111 ....وأنا أساسا برضه كنت فى ألمانيا تبع الشغل عندى ولغيت رحلة طيران داخل ألمانيا ومدير الميعات الألمانى جاب لنا تاكسى من برلين لكولون (داخل ألمانيا).......وكان مرسيدس أحدث موديل (فمفيش مشكله)

بكون سعيد جدا لما بلاقى التاكسيات موديلات جديده حتى لو شوفت عربيتى تاكسى هفرح ان البلد بقا كلها عربيات نضيفه

علشان الواحد لما يدفع الفلوس يبقى نازل من التاكسى وهو مرتاح وحاسس انه لسه بكرامته وكان راكب عربيه محترمه ومريحه

على الاقل بتوع التاكسيات هيمشو خايفين على عربياتهم الغاليه زى حلاتنا بدل شغل البلطجه بتاعهم ده

بس الموضوع احيانا بيكون فيه مغالاه وفشخره على الفاضى

يعنى كنت فى الاقصر من اسبوع وهناك فى حوالى 5 عربيات النترا الشكل الجديد اجره واستغربت جدا لما شوفتهم

ده غير ان الصنى واللانسر والاوبترا هناك اجره كتير جدا

نفس الموضوع ده شوفته فى الاسماعيليه!!!

مفتكرش ان لازم العربيه الاجره يعنى تبقى ب 90 الف جنيه علشان تبقى نضيفه

فى رأيى الموضوع ليه فايده وعيب
الفايده ان العربيه لما تبقى تاكسى التجار بيستوردوا قطع غيارها بكثره عشان التاكسى بيغير اسرع من الملاكى فابلتالى المنافسه بتزيد فاسعار قطع الغيار بتبقى تنافسيه زى قطع غيار الفيات كده
ثانيا بيبقى عندك فرصه تتفرج على عربيتك معمول فيها كل حاجه وتعرف ايه اللى فعلا بيليق عليها وايه اللى يبقى فلاحى يعنى مثلا تلاقى التاكسى حاطط فروه على التابلوه فتتأكد من ان شكله ان منظره وحش جدا
بدل ما تشترى وتدفع فلوس وترميه
اما العيب بقى ان التاكسى لما يبقى حديث مش هايغير فى اخلاق اللى راكبه فالوحش العربيه هاتساعده يبقى اوحش

شوية شوية القى الوكتفيا والبورة والبى ام دبليو لا مش لازم اوى العربيات دية خلى العربيات الكورى ماشى بس الالمانى لا حرام تكسى ودة هتدفعلة كام

بلاش الألمانى ..كده كتير أوى ههههه
انا مع أخى أشرف فى كلامه

الفايده ان العربيه لما تبقى تاكسى التجار بيستوردوا قطع غيارها بكثره عشان التاكسى بيغير اسرع من الملاكى فابلتالى المنافسه بتزيد فاسعار قطع الغيار بتبقى تنافسيه زى قطع غيار الفيات كده

كده يبقى منفعه للطرفيين للركاب ولصاحب العربيه ان قطع غيارها موجوده ورخيصه
ويمكن...يمكن بتوع التاكسى يخافوا على عربييتهم #@#$#