أشكرك أخى الفاضل............
عرض للطباعة
يارجالة يعنى انا حطيط 3.75 والزيت طلع ناقص اسيبو ناقص عشان الكتالوج بيقول كدة ومش هيحصل حاجة انا اتاكدت ان مفيش تسريب فى اى مكان فى المتور سواء من الطبة او الفلتر يمكن مستوى الزيت لما يبقى ناقص افضل للمتور الحقيقة مش عارف الصح اية اسمع كلام الناس ولا الكتالوج .
الكتالوج ياأستاذ/ أحمد ....بيتكلم على السعه للدوره لو المحرك كويس ومبيكلش زيت.......أنما عندك الله أعلم بالوضع والمفروض بتتعامل مع المنسوب بين العلامتين (لأن ممكن ببساطه يكون المحرك عندك بيأكل زيت أو بيسرب زيت )......وانت أدرى بالوضع عندك....وفى الحاله دى ماترتبطش بالكتالوج ولكن أرتبط بأرض الواقع ...وظبط بين العلامتين
محمد ممدوح قال 3.75 مع تغيير الفلتر - سيبكوا من الكلام ده
فى المانيوال قال 3.75 وطبيعى معاه الفلتر - طبيعى ان اللى كتب المانيوال ده راجل مجنون
فى البنزينة قالوا 4 لتر - طبعا الناس ديه فاهمه جدا وعمرك ما هيحصلك مشاكل معاهم
يا جماعة ويا ريت يا استاذ سمير تصحح كلامى
مكان التخزين الخاص بالزيت بيبقى ليه مستوى ادنى ومستوى اعلى
اى واحد مجنون بيعمل تصميم لموتور بيعمل حسابه نسبيا لأى سائل ان الشخص اللى بيشغله يزود نسبيا عن الطبيعى أو يقل نسبيا عن الطبيعى
بمعنى انك ممكن تحط 3.5 مع تغيير الفلتر والعربية تشتغل بدون اى مشاكل ملحوظة
أو تحط 4 لتر مع تغيير الفلتر وبرضو بدون اى مشاكل ملحوظة
لكن هل ده معناه ان الموتور بيشتغل فى أحسن الظروف
طبعا لأ
طيب نفترض ان الموتور بيسرب زيت على خفيف علشان كده بنحط 4 لتر / يبقى ديه مش القاعدة الاساسية
يبقى ايه المرجع بتاعنا / أعتقد ان المانيوال هو اهم مرجع بعيدا عن اى حاجة
كلام مضبوط هو محمد ممدوح فين
كلام نهائي
يعني لو العفريت الازرق قالي حط 4 او 3.5
اقوله هما 3.75 بس
توكلنا علي الله
سبحان الله......يعنى لو العربيه بتاكل زيت لأى سبب من الأسباب .....منزودش زيت ونخلينا على أربعه لتر الا ربع .....بتوع الغيار لحد ميروح مننا المحرك.......3.75 لتر دول لما يكون المحرك عشره على عشره (اللهم قد بلغت).....- المفروض الأرتباط الأول والأخير بحالة المحرك ومتابعة المقاس بين العلامتين ويفضل يكون أقرب من علامة max
بقى انا استشهد بكلامك وخبرتك تروح بيعنى بالشكل ده
ماشى يا عم سمير خليك فاكر
يا سمير باشا انا كل اللى بقوله ان العربية لما الزيت يقل فيها من الماكس لغاية قبل المينى مام يبقى انت فى السليم ومش لازم أزود عن كده
الزيت لما يقل شوية مش مشكلة لكن طبعا لما يقل قوى اكيد هاتبقى كارثة
لكن اللى اعرفه (معنديش تفاصيل) ان الزيت لما يزيد لازم يعمل حتى لو مشاكل بسيطة
والدى الله يرحمه كان دايما بيأكد عليه فى النقطة ديه - الزيت لو قل حاجة بسيطة احسن بكتير انه يزيد ويبهدل لك موتورك (والدى رحمه الله كانت خبرته بسيطة فى الميكانيكا)