العجله أخرت من مطب .حلها عند السمكرى ولا العفشجى؟

**michohat** · 27-02-2009 06:18 PM

السلام عليكم ورحمه الله وبركاته
يوم الثلاثاء اللى فات كنت باخد الملف اللى بعد موقف مدينه السلام والطريق زحمه نزلت فى حفرة بالعجل الل فى جنب العربية الشمال (ربنا يسامحهم) فى الطريق المهم من بعدها والعربية حسيت ان الدركسيون بقى تقيل ولما بلف بسمع العجل كانه بيصرخ فقولت اكيد كده فيها ظبط زوايا
طلعت اظبط الزوايا لقيت الراجل بتاع الزوايا بيقول لى ان العجله الشمال مأخرة لورة 1.5 او 2 سنتيمتر وقال ان فى الخبطه خزنت فى الشاسية وقال لى انك لما تيجى تجدد العربية خلى السمكرى يعملهالك وانه علشان يظبط العربية راح حاطط لى من ناحيه العجله اليمين حشوه كده و شد عليها علشان يخليها على استقامه واحده مع العجله الشمال
خلصت عنده قولت اطلع للسمكرى اشوف رايه ايه طلع عليه قال لى ان مفيش حاجه فى الشاسية لانه لو فى كان فى خطبه او حصل تخزين او حاجه كان الرفرف ظهرت عليه زى تقوسات لبرة وبص السمكرى لقى ان الراجل أخر العجله اليمين قال لى انت كده محتاج عفشجى علشان يظبط لك العجلتين قدام بعض لان اللى عمله بتاع الزوايا كده غلط لانه رجع العجله اليمين
عاوز اسئل اللى حصل ده ايه الاصح فيه وامشى مع كلام مين
عاوز اعرف ازاى اعالج الوضع ده

**samirayad** · 27-02-2009 06:33 PM

لازم عفشجى ميه ميه الأول يكشف على العربيه ويحدد المطلوب ويراجع على مجموعة التوجيه الأول.......وبعد كده هو اللى حيقول محتاجه سمكرى ولا لا .....لو فيه شغل مطلوب لضبط أبعاد معينه........وبعد كده لو مطلوب ظبط زوايا حتتعمل.......................

**michohat** · 27-02-2009 06:51 PM

شكرا للرد السريع وان شاء الله هطلع ع العفشجى ف اقرب وقت

**samirayad** · 27-02-2009 06:53 PM

المشاركة الأصلية كتبت بواسطة michohat

شكرا للرد السريع وان شاء الله هطلع ع العفشجى ف اقرب وقت

ربنا يوفقك يا أستاذ/ مجدى.....وأبقى برضه قولنا عملت أيه وقالك أيه......علشان برضه تكون ونكون مقتنعين بوجهة نظر العفشجى ......وكمان علشان ميشتغلكش.......وقول الحمد لله على كل حال

**max_ziro** · 27-02-2009 07:49 PM

حصل معايا نفس الموضوع و عملهولى بتاع الزوايا الى قدام قصر عابدين عملى فيها زرجينة و خد تقريبا 20او 30 مش فاكر و عملهالى و انا بظبت الزوايا عادى اسمها زرجينة مش هتاخد ربع ساعة و الحمد لله العربية دلوقتى تمام بس انا رحت للراجل دة عشان كل الناس بتقول علية تمام ...
والله اعلم
ربنا معاك ..

**moby** · 27-02-2009 09:06 PM

المشاركة الأصلية كتبت بواسطة michohat

السلام عليكم ورحمه الله وبركاته
يوم الثلاثاء اللى فات كنت باخد الملف اللى بعد موقف مدينه السلام والطريق زحمه نزلت فى حفرة بالعجل الل فى جنب العربية الشمال (ربنا يسامحهم) فى الطريق المهم من بعدها والعربية حسيت ان الدركسيون بقى تقيل ولما بلف بسمع العجل كانه بيصرخ فقولت اكيد كده فيها ظبط زوايا
طلعت اظبط الزوايا لقيت الراجل بتاع الزوايا بيقول لى ان العجله الشمال مأخرة لورة 1.5 او 2 سنتيمتر وقال ان فى الخبطه خزنت فى الشاسية وقال لى انك لما تيجى تجدد العربية خلى السمكرى يعملهالك وانه علشان يظبط العربية راح حاطط لى من ناحيه العجله اليمين حشوه كده و شد عليها علشان يخليها على استقامه واحده مع العجله الشمال
خلصت عنده قولت اطلع للسمكرى اشوف رايه ايه طلع عليه قال لى ان مفيش حاجه فى الشاسية لانه لو فى كان فى خطبه او حصل تخزين او حاجه كان الرفرف ظهرت عليه زى تقوسات لبرة وبص السمكرى لقى ان الراجل أخر العجله اليمين قال لى انت كده محتاج عفشجى علشان يظبط لك العجلتين قدام بعض لان اللى عمله بتاع الزوايا كده غلط لانه رجع العجله اليمين
عاوز اسئل اللى حصل ده ايه الاصح فيه وامشى مع كلام مين
عاوز اعرف ازاى اعالج الوضع ده

بعد التحية
من رأى تكشف أولا على المقص لأنه المفروض يتأثر أولا قبل الشاسيه ولو كده يبقى حلها بسيط وتغير المقص..

**dr_timo** · 28-02-2009 12:04 AM

المشاركة الأصلية كتبت بواسطة max_ziro

حصل معايا نفس الموضوع و عملهولى بتاع الزوايا الى قدام قصر عابدين عملى فيها زرجينة و خد تقريبا 20او 30 مش فاكر و عملهالى و انا بظبت الزوايا عادى اسمها زرجينة مش هتاخد ربع ساعة و الحمد لله العربية دلوقتى تمام بس انا رحت للراجل دة عشان كل الناس بتقول علية تمام ...
والله اعلم
ربنا معاك ..

فعلا محتاجة زرجينة عند بتاع ضبط زوايا محترم ممكن تروح لبريدجستون اللي في مدينة نصر

**mrghost** · 28-02-2009 12:08 AM

المشاركة الأصلية كتبت بواسطة samirayad

لازم عفشجى ميه ميه الأول يكشف على العربيه ويحدد المطلوب ويراجع على مجموعة التوجيه الأول.......وبعد كده هو اللى حيقول محتاجه سمكرى ولا لا .....لو فيه شغل مطلوب لضبط أبعاد معينه........وبعد كده لو مطلوب ظبط زوايا حتتعمل.......................

+10000000000000

**MoMohsen** · 28-02-2009 12:18 AM

فيه نوعين من الزرجينة فتح و قفل او زرجينة تقديم و تأخير.
زرجينة الفتح ممكن تتعمل عند بتاع الزوايا او عفشجى لكن زرجينة التقديم فى الاغلب بتكون عند السمكرى.