عائشة عبد الهادي: الحكومة تدرس عرضاً بتوطين 250 ألف أسرة مصرية في ليبيا

**mohmd76** · 27-02-2009 09:42 PM

عائشة عبد الهادي: الحكومة تدرس عرضاً بتوطين 250 ألف أسرة مصرية في ليبيا
27/02/2009
كشفت عائشة عبد الهادي، وزيرة القوي العاملة والهجرة عن مشروع تدرسه الحكومة حالياً عرضته ليبيا لتوطين 250 ألف أسرة مصرية هناك، وقالت: لكن لابد أن نعرف أولاً أين سوف يتم توطين هؤلاء الناس لأننا مش هنبيع ناسنا- بنص تعبيرها- مضيفة: نريد أن تكون كرامة المصري محفوظة كما أن لدينا فرص عمل لمزارعين مصريين بالسودان.
وقالت عائشة عبد الهادي

إن كل ما يحتاج إليه المصريين «بيت ومقبرة»،

وأضافت: المصري يحتاج من يمد له يده ولا يريد أن يتوطن أحد، وأضافت عبد الهادي: «أقول للعاملين بالخارج إن الحكومة تعتذر لكم لأنها لم تكن تنظر لكم لفترات كثيرة، وتابعت: «إن تحويلات المصريين بالخارج ضعف إيرادات قناة السويس ولدينا ثروة بشرية يجب أن نجعلها تنتشر في العالم كله وستكون ثروة وذات عائد لمصر
جريدة البديل اليوم 27/2/2009

**mohmd76** · 27-02-2009 09:44 PM

الشعب للبيع
وجاء اليوم الذى سيتم فيه بيع البشر بعد بيع الغاز والارض وكل ما هو له سعر وثمن عند الحكومة

**lordnykon** · 27-02-2009 11:02 PM

الغريبة ان من زمااااااااااااااااااااااا اان و الشعب مالوش سعر عند الحكومة دلوقتى بقى لينا سعر ؟؟؟؟؟؟؟؟؟؟؟؟؟؟
مش كفاية بقى يا مصر ؟؟
:b4_556:

**Rembrandt** · 27-02-2009 11:12 PM

خلاص قررو يطفشو الناس من البلد؟؟
لا حول ولا قوة الا بللة
مشكور يا محمد باشا علموضوع

**Ghamrawy** · 27-02-2009 11:39 PM

طيب ما فى فكرة أحسن من كده بكتيييير اوى و هى يبعتوا الناس دى لاسرائيل على ان يكون ايجار العيلة المكونة من 5 افراد 10000 دولار فى السنة يبقى الحكومة تخلص من الناس الكتيير و الزحمة و قبضت فلوس و فى نفس الوقت تساعد حكومة اسرائيل الشقيقة على توسيع المستوطنات و زيادة الرقعة الزراعية و بكده يبقوا ضربوا عصفورين بحجر واحد.
اما بالنسبة لليبيا فاعتقد ان المصريين هما اللى حايشتغلوا و يستعبدوا و الليبين حايقعدوا بشوات...زى الخليج ايام الثمانينات و لغاية وقت قريب

**ZAKI32** · 28-02-2009 12:08 AM

ملقوووووووووووش الا ليبيا

حسبنا الله ونعم الوكيل

بيعملونا زى اليهود والله هناك

والمصريين بيأسوا هناك

دا الجماهير المصرية بعد مافزنا بكأس افريقيا فى غانا .

الجماهير المصرية فى ليبا انضربوا عشان كانوا فرحانين

وليبيا كانوا بيشجعوا الكاميرون

واعرف ناس انضربت

وناس اترفع عليه سلاح عشان هو مصرى

نفسى اعرف مصر عملت اية فى ليبيا عشان الكره دة كله.

ولا حول ولا قوة الا بالله

**yehia** · 28-02-2009 12:14 AM

خلاص ؟!!!!

جه اليوم اللى يطلع فيه مسئول رسمى مصرى يصرح بحكم منصبه وهو مازال فى السلطة بأن المصرى يحتاج فقط إلى بيت ومقبرة ..... ؟!!!

فعلا ...إيجاز وإنجاز ...

عملا بمقولة أن خير الكلام ما قل ودل .....

**AhMeD EzZ** · 28-02-2009 12:17 AM

المشاركة الأصلية كتبت بواسطة zaki32

ملقوووووووووووش الا ليبيا

حسبنا الله ونعم الوكيل

بيعملونا زى اليهود والله هناك

والمصريين بيأسوا هناك

دا الجماهير المصرية بعد مافزنا بكأس افريقيا فى غانا .

الجماهير المصرية فى ليبا انضربوا عشان كانوا فرحانين

وليبيا كانوا بيشجعوا الكاميرون

واعرف ناس انضربت

وناس اترفع عليه سلاح عشان هو مصرى

نفسى اعرف مصر عملت اية فى ليبيا عشان الكره دة كله.

ولا حول ولا قوة الا بالله

مش ليبيا بس
كل دول الخليج و تونس و المغرب و الجزائر
و دول هشان عندهم عقدة نقص بعد ما كانو ولا حاجة و اجنا الي كنا بنعلمهم كل حاجة جم هما بشوية البترول الي لقوة بقو يتفرعنوا علينا
الي تقدر تقول عليهم بيحبو مصر
لبنان و سوريا

**mohmd76** · 28-02-2009 12:17 AM

المصيبة والكارثة انه بعد الحرب العالمية الثانية وتدمير اغلب مدن المانيا ان جاء الى مصر ايام حكم جمال عبد الناصر مسؤل المانى لم اتذكر اسمه وطلب منه 20000 عامل وفلاح للعمل فى المانيا ولهم كافة الامتيازات والحقوق والواجبات فوافق عبد الناصر على الفور ولكن حين سمع انهم قد يعطوا العمال الجنسية الالمانيه اصاب عبد الناصر ما اصابه من ......... بحجة القومية العربية والعروبة وكلام كبير كده فرفض تماما
المهم الالمان ظلوا يبحثوا على من يسافر ولم يجدوا الا الاتراك ووافق الشعب التركى
انظروا الان الى تركيا بعد فترة ليست طويلة تمت نقل التكنولوجيا الالمانية الى الصناعه التركية كذلك تحويلات العاملين والخبرات المكتسبة من العمالة الالمانية تمت نقلها الى تركيا والجالية التركيا فى المانيا الان تقترب من تقريبا 5 او 6 مليون تركى وللعلم المسلمين هناك لم يجدوا الا المطاعم والمحال التركية لابتياع طعامهم الاسلامى على الشريعه الاسلامية
انظروا الى تركيا الان وحالها واقتصادها ونظامها ودستورها والى الشعب والبلد والتعليم واخرا الجيش التركى كيف هو هذا الجيش وتسليحه وشركات السلاح التركى
واخيرا السيارة الشاهين
وسنوات الضياع
ومن الذى ضاع وسلم لى على القومية والعروبة

**سمير يونس** · 28-02-2009 04:34 AM

المشاركة الأصلية كتبت بواسطة mohmd76

كما أضافت:
«أقول للعاملين بالخارج إن الحكومة تعتذر لكم لأنها لم تكن تنظر لكم لفترات كثيرة، وتابعت: «إن تحويلات المصريين بالخارج ضعف إيرادات قناة السويس ولدينا ثروة بشرية يجب أن نجعلها تنتشر في العالم كله وستكون ثروة وذات عائد لمصر
جريدة البديل اليوم 27/2/2009

حسبي الله و نعم الوكيل

يعني بدل ما تقول عايزين نحسن في إقتصاد البلد و في ظروف المعيشة عشان المغتربين يرجعوا بلدهم تاني _ عايزة تشرد بقية الناس

اللي عايشة في مصر و تنشرهم في العالم كله!!!!

و أحبك تسافر تبعد تهاجر و تبعت فلوسك دولار أو ريال (أحمد فؤاد نجم)