تغيير المصابيح الأماميه لل 318i

**Abdallah** · 10-04-2009 10:22 PM

حضرتك ممكن تعملهم فى الحرفيين او فى بورسعيد, هتركب رينجات فى الفوانيس وهيغيرلك وش فانوس الاشارة بواحد ابيض متكربن ولكن قطعة البلاستيك دى اعتقد نظرا لأختلاف الموديل.
السعر على حسب ضمير الصنايعى ونضافة الشغل.

**sha2e** · 10-04-2009 10:30 PM

لوبخصوص الاشارة سهله بتجيب اشارة زرقه او بيضه او حمرا وبتركبلها اللمبه الل تعجبك سواء صفرا او تلجي

ولو عايز تشوف على عربيتك هيبقى شكلهم عامل ازاى
ممكن تصور عربيتك وتحط صور الفوانيس الل انت عايز تشترتيهم واحنا نوريك هيبقى شكلهم عامل ازاى على عربيتك

**sha2e** · 10-04-2009 11:07 PM

سورى الصورة مكنتش ظاهرة

قبل

بعد

**MoOoD** · 11-04-2009 04:35 AM

المشاركة الأصلية كتبت بواسطة bimmeraddict

الفوانيس اللي أنت عاوزها مش بس تختلف في الرينجات لأ بتختلف كمان في العدسة اللي جوة الفانوس.ولو عاوز تجيبهم جداد هتلاقيهم غاليين جدا بس هتلاقيهم عند أيمن غرارة في روكسي في شارع دمشق.الحل أنك تدور عليهم استيراد في بورسعيد أو الحرفيين

هما فعلا الجداد غاليين
والفانوس إلى أقصده بالإشاره
لاحظ ان الاشاره عندى عدله لكن المطلوبه بها دوران كما الصوره

فى إختلاف فى الإشاره والجزء فى الفانوس
لو تعرف أسعار الاستيراد وإذا ممكن ينفع يركب عندى المدور كما الصوره
يبقى كتر خيرك
مشكور أخى على الإهتمام والرد

**MoOoD** · 11-04-2009 04:42 AM

المشاركة الأصلية كتبت بواسطة Abdallah

حضرتك ممكن تعملهم فى الحرفيين او فى بورسعيد, هتركب رينجات فى الفوانيس وهيغيرلك وش فانوس الاشارة بواحد ابيض متكربن ولكن قطعة البلاستيك دى اعتقد نظرا لأختلاف الموديل.
السعر على حسب ضمير الصنايعى ونضافة الشغل.

دى صوره للفانوس الى اقصده

لاحظ ان فانوس الإشاره غير والفانوس الأصلى كذلك
وأشكرك يا جميل على المرور

**MoOoD** · 11-04-2009 04:47 AM

المشاركة الأصلية كتبت بواسطة sha2e

لوبخصوص الاشارة سهله بتجيب اشارة زرقه او بيضه او حمرا وبتركبلها اللمبه الل تعجبك سواء صفرا او تلجي

ولو عايز تشوف على عربيتك هيبقى شكلهم عامل ازاى
ممكن تصور عربيتك وتحط صور الفوانيس الل انت عايز تشترتيهم واحنا نوريك هيبقى شكلهم عامل ازاى على عربيتك

ايه شغل التعديل الجامد ده ...تعديل الصوره عاجبنى :)
بس ياريت تشوف الرديين السابقين
ومشكور على المرور و الصوره أخى

**sha2e** · 11-04-2009 01:38 PM

المشاركة الأصلية كتبت بواسطة MoOoD

ايه شغل التعديل الجامد ده ...تعديل الصوره عاجبنى :)
بس ياريت تشوف الرديين السابقين
ومشكور على المرور و الصوره أخى

انا مش مختلف مع الردين السابقين فى حاجه
انت ؤدامك حاجه من الاتنين يا تشترى فانوس الموديل الل بعده كامل وتركبه وهيكون بالاشارة بتعته وتدفع فيه فلوس كتير
يا تغير الاشارة الموجوده عندك وتركب فى فانوسك رينجات وهوا دا الحل الاوفر بالنسبه ليك ودا الل قولتلك عليه هتجيب أشاره بيضه بدل بتعتك وتكربنها وتغير اللمبه بواحده تالجى وتكربن الفوانيس وتركبلها رينجات

فى رأي الشخصى لو الفانوس والاشارة متكربنين مش هيبقى باين اوى هما بتوع انهو موديل بالظبط (عدله ولا بدوران ) زي ما حضرتك ذكرت وهتبقى كده استفدت من فرق السعر الل هيكون بين الاتنين

الصورة ل الاشارة بس قبل ما تظبط الفانوس ويبقو بنفس درجة اللون الاثنين وساعتها بش هيكون واضح هوا فانوس انهو موديل بالظبط

ارجو ان اكون اوضحت وجهة نظرى

**MoOoD** · 11-04-2009 01:55 PM

وجهه نظرك وضحت أخى
وإن شاء الله لو ملقيتش الفانوسيين بسعر منطقى هغير الشكل كما أوضحت أخى
معلش بس انا مفهمتش فى أول مره
بس ربنا يكرم وحد يعرفنى الأسعار
أصل انا مش عاوز ألعب فى الفانوس الأصلى وانت عارف انا كده هركب حجات كتير والمشاكل هتكتر...فلو طلع الفانوس التانى سعره قريب أجيبه أحسن ما الأصلى يبوظ