1991 لادا 2105 عمرة موتور كاوتشات جديده بطاريه جافه جديده ممتازه

**drahmd** · 27-02-2009 11:26 PM

السلام عليكم

العربيه دي عربية والدي انا مش هتكلم ع العربيه كتير العربيه ممتازه مفيهاش غلطه وبجد ع الركوب مش محتاجه مليم يتصرف عليها لسه معمول لها عمره كامله بتجيب معايا 140 على الطوالي.العربيه لسه مغيره بطاريه جافه جديده في الضمان دواخل فبريكه شاسيه تمام تعال شوف وأحكم.مطلوب 26 ألف نهائي أنا مش تاجر وياريت التجار يريحو نفسهم ومحدش يدخل يقلل ف سعر العربيه انا مش مستعجل ع البيع اطلاقا اهي موجوده وممشيه حالنا.الاتصال للجادين فقط ودي مواصفات العربيه

1-ماركة السيارة:لادا 2105 روسي
2-موديل:1991
3-السعه اللتريه للموتور:1300cc
4-حالة الموتور:عامل عمره كامله من ست شهور تقريبا
5-حالة الصاج او الخوارج:العربيه متاخده عند السمكري اتساوى الصاج ع الحديد م الاول ودخلت فرن ورشت وش نضافه بأمانه الصاج مفيهوش الهوا
6-حالة الدواخل:فابريكه بتاعة بلادها
7-حالة الصالون :جيد جدا
8-الحالة العامة او التقييم العام للسياره: ممتازه بأمانه مش محتاجه مليم واحد العربيه مصروف عليها ف آخر سنه اكتر من 10 آلاف جنيه تقريبا كل حاجه فيها متزبطه
9-حالة الكاوتش:خمس فرد كاوتش جداد مامشيوش 2000 كم على بعض وكاوتش الاستبن لم يلمس الارض وجنط الاستبن متغير من شهرين.
10-حالة البطارية:بطاريه جافه جديده بقالها شهر وطبعا لسه ف الضمان
11-مكان المعاينة:بنها
12-السعر المبد ئي كام:26 ألف كاش نهائي
13-اسم صاحب الاعلان ورقم هاتفة:أحمد 0118117489
14- ثاني يد:استعمال استاذ بكلية الطب
15-سبب البيع:شراء جديد ان شاء الله
16-امكانية البيع بتوكيل او اشتراط التسجيل:أي حاجه

**rockana9112007** · 28-02-2009 12:10 AM

لونهاااا اية ؟؟؟

**drahmd** · 28-02-2009 12:13 AM

لونها بيج

**zamalekwebas** · 28-02-2009 08:45 PM

انا بس ليا تعقيب بسيط ويا ريت محدش يقوللي بتبخس اشياء الناس

امبارح في السوق صاحبي اشتري هيونداي فول اوبشن 1997 ب 28.5

انما الصراحة الواحد بيسمع اسعار خزعبلية في المستعمل بطريقة تخرج الواحد من هدومه

**drahmd** · 01-03-2009 12:48 AM

المشاركة الأصلية كتبت بواسطة zamalekwebas

انا بس ليا تعقيب بسيط ويا ريت محدش يقوللي بتبخس اشياء الناس

امبارح في السوق صاحبي اشتري هيونداي فول اوبشن 1997 ب 28.5

انما الصراحة الواحد بيسمع اسعار خزعبلية في المستعمل بطريقة تخرج الواحد من هدومه

ياعم شكرا ع المعلومه هو انا ضربت حد على ايده قلت تعالا اشتري؟ يااخي انا حر كل واحد حر ف عربيته واحد بايع اكسيل فول على 28.5 ياسيدي هو حر ربنا يباركله فيها وفي اللي اشترى انا ع العموم العربيه لو ماجابتش ليا السعر ده انا اولى بيها يعني اهي موجوده لابتاكل ولا بتشرب ولا بتكلفني حاجه.ياجماعه الله يكرمكم no spamming if u have nuttin related to the car plz keep ur opinions and ur experience for ur own self.شكرا

آه وعلى فكره انا عارف ان سعر المستعمل في النازل وان السوق واقف وان سعر الجديد حتىّ في النازل مش هشكّر كتير ف العربيه العربيه حاله ياجماعه اللي حابب ييجي يتفرج أهلا وسهلا

للأمانه:العربيه بتعلّق في الدوران مرّه من كل الف مره المارش بيطلع صوت لف ع الفاضي هي حاجه عبيطه يعني بس برضو قلت تتقال للأمانه.

والسلام ختام

**zamalekwebas** · 01-03-2009 10:01 AM

المشاركة الأصلية كتبت بواسطة drahmd

ياعم شكرا ع المعلومه هو انا ضربت حد على ايده قلت تعالا اشتري؟ يااخي انا حر كل واحد حر ف عربيته واحد بايع اكسيل فول على 28.5 ياسيدي هو حر ربنا يباركله فيها وفي اللي اشترى انا ع العموم العربيه لو ماجابتش ليا السعر ده انا اولى بيها يعني اهي موجوده لابتاكل ولا بتشرب ولا بتكلفني حاجه.ياجماعه الله يكرمكم no spamming if u have nuttin related to the car plz keep ur opinions and ur experience for ur own self.شكرا

آه وعلى فكره انا عارف ان سعر المستعمل في النازل وان السوق واقف وان سعر الجديد حتىّ في النازل مش هشكّر كتير ف العربيه العربيه حاله ياجماعه اللي حابب ييجي يتفرج أهلا وسهلا

للأمانه:العربيه بتعلّق في الدوران مرّه من كل الف مره المارش بيطلع صوت لف ع الفاضي هي حاجه عبيطه يعني بس برضو قلت تتقال للأمانه.

والسلام ختام

ولما كل واحد يسيب معلوماته لنفسه هيبقي اسمه منتدي ليه و حضرتك اخدت الموضوع كأن المشكلة شخصية بينى وبينك

عموما في الاخر اسمها لادا و في الاخر مستعملة برضة

اذا امرت ان تطاع فأمر بالمستطاع

**drahmd** · 03-03-2009 08:08 AM

بعد اذنكم ياجماعه الاتصال للجادين فقط السعر المطلوب كاش مش اقساط.

شكرا

**mxz911** · 03-03-2009 09:58 PM

You should reduce the price because it's so expensive for 1991 Lada 2105 !!

Revise the price plz . there is no such a car like yours with a similar price !!