الموضوع: مشورة من الأخوة الأفاضل مالكى الواجا

لو انته مهتم بسعر اعاده البيع يبقى طبعا تجيب الانسر.
انا شخصيا كنت هجيب واجا قبل عربيتي و كنت مفضلها عن الانسر بس انا مش بهتم بموضوع سعر اعاده البيع ده.
انا مسمعتش ان فيه مشكله في كبالن الجين تو.. و مع ذلك مفيش علاقه بين كبالن الجين تو و الواجا لأن الموتور مختلف تماما.
من ناحيه القيمه.. العربيه تستاهل فلوسها طبعا.. و لكن بعد نزول اسعار الانسر بقت المقارنه اصعب.

ربنا يعينك في اختيار الصواب.

بص يا سيدى: :)
العربية دى محترمة جدا و خسارة بيعها أصلا لأن ما فيهاش أى مشاكل بس خالى بالك من الكلام اللى هقولهولك ده:
أولا : عند الشراء يفضل تشترى من الوكيل مباشرة و العربيات عنده متوفرة و بتقى فى الغالب جاية نفس الشهر
راجع الكاسيت كويس و اتأكد إنه MP3 و ده اللى نزل فى موديلات 2007 و إنت طالع.ممكن تفاصل فى السعر لحد 89 الف و إنت و شطارتك يعنى ممكن تخفض أكتر من كده.
العربية بتبقى عامله فى حدود 12 كم بس و لو عاملة أكتر من كده ما تخودهاش.
بص على العربية من بره و إتأكد أنها مش متجرحة و إن الفرش من جوه غير متسخ.
بالنسبة للصيانة:
هى كل 5000 كم
و فى كل مرة بتغير زيت و فلتر و ممكن تطلب منهم إن الزيت و الفلتر يكون كل 10000 كم
مراكز الصيانة الحالية هى:
عز العرب طريق إسكندرية الصحراوى و ده تروحه وسط الإسبوع بس سبت و احد لأ.
أمير و جوزيف فى مدينة نصر فى شارع متفرع من مكرم عبيد و ده كل الأيام ما عدا الأحد و المركز كويس.
أتو ماجد شارع الأربعين جسر السويس و دول لسه بدأين و إمكانياتهم الفنية تعبانة.
ملحوظة:
تابع المساعدين الخلفية و إذا حسيت إنهم مش عاجبينك كلمهم و إنت بتعمل الصيانة و هما هايغيروهملك ببلاش و دول حكايتهم إن المساعدين الأصلية إستاندرد و دى ما تنفعش فى شوارع مصر المحروسة و بيغيروهملك بنفس الماركة بس رياضية و للخدمة الشاقة و للعلم هى يابانى تصنيع ماليزى.
أرجو إنى ماكونش طولت عليك و إنى أكون أفدتك
:lol: 8) :lol:
أخوك
ابوعبدالرحمن