على الرغم من ان الأضاءه بتاعت العربيه النيسان لا يختلف عليها اثنان بس الواحد برده كان عاوز الأفضل وطبعا لأن الزينون هوه الى بيفرق فى الأضاءه بس تم منعه فى قانون المرور الجديد وسعره ايضا مبالغ فيه
وبعد بحث فى منتدانا العزيز وجدت ان البديل للزينون هو لمبات المانى من صنع شركة OSRAM
يسمى Night Breaker
الميزه الفعليه الى انا لاحظتها بعد تركيب اللمبتين فى العالى ان الأضاءه فعلا زادت بدرجه مبالغ فيها
العلبه بتاعت اللمبتين مكتوب عليهم انهم بيزودوا الأضاءه 90%انا ماقدرش اقول ان الكلام دا كدب لأنى شفته ولاحظته بنفسى
وكمان اللمبه مش بتدى اضاءه صفراء دى بتدى اضاءه 10% بياض اكتر بس ماحدش يفتكر انها بتدى اضاءه ابيض تلجى بس برده مش اضاءه صفراء زى العاديه
الميزه الأخرى ان اللمبات دى مش بتحتاج كتاوت ولا حاجه يعنى بتطلع اضاءه زيادة 90% بنفس الفولت والوات
انا شاريهم من اسبوع بس ما حبيتش اكتب عنهم الا بعد ما اجربهم
بصراحه مكسب ممتاز وصفقه رائعه للى عايز يزود اضاءة العربيه
وعلى فكره اللمبتين عليهم ضمان سنه
وسعرهم 130جم
انا جبتهم من المعادى
الى عايز عنوان المحل يراسلنى على الخاص لأن ادارة المنتدى ترفض الأعلان عن اى محل
او اى سلعه
والله المستعان