الي مالكي الفيرنا سؤال بخصوص العفشة و الطنابير؟؟؟؟

**mostafabakry** · 31-08-2007 01:22 AM

السلام عليكم جميعا

يا ريت يا جماعة حد يساعدني و يرد عليا
انا بفكر في شراء فيرنا 1600 بس سمعت من اكتر من واحد ان العربية عفشتها وحشة خالص و بتبوظ بسرعة خاصة و نتوا عارفين ان شوارعنا كلها مطبات و حفر و نقر و ترع كمان
و البعض قاللي ان العربية فيها عيب في طنابير الفرامل
بس بصراحة كل اللي قال كدا معندوش فيرنا بس بيقول انه له اصحاب معاهم فيرنا و بيشتكوا منها
يا ريت حد يرد عليا و يقولي ان الكلام دا صح ولا غلط
بصراحة العربية داخله دماغي جدا و شكلها مقبول بالنسبة لي خصوصا ان سعرها كويس خالص

شكرا

**bishoo33** · 31-08-2007 01:42 AM

لو الكلام ده صح ماكنتش تلاقى فى كل شارع على الأقل سيارة فيرنا وجرب تنزل تشترى فيرنا كاملة 1600 مش حتعرف وده أكبر دليل على انها سيارة كويسه يعيبها فقط من وجهه نظرى انها ضيقه من الخلف اضيق من اللانوس ولكن موتور ولا يا ولا وعزم جبار بالنسبه لحجمها الفيرنا best value بالنسبه لفئتها السعريه وأحلى من الأفيو الأغلى بحوالى 6000 جنيه وكلام فى سرك الحق دور على واحده 1600 كاملة عشان أنا سامع ان انكل غبور بيفكر يستبدلها بالفيفا الهندى ويركز فى الكبير الألنترا والسوناتا
وربنا يوفقك فيما هو خير لك

**Ahmed_Ezz** · 31-08-2007 02:18 AM

بالعكس العفشة اكتر من ممتازة و الطنابير مافيهاش اى مشكلة و الموتور جبار
عن تجربتى مش حتندم و ربنا يوفأك ان شاء الله فى ال 1600.

**bassam nagy** · 31-08-2007 12:01 PM

لو الكلام ده صح ماكنتش تلاقى فى كل شارع على الأقل سيارة فيرنا وجرب تنزل تشترى فيرنا كاملة 1600 مش حتعرف وده أكبر دليل على انها سيارة كويسه

كلامك مظبوط ياستاذ محمد

**mostafabakry** · 31-08-2007 12:42 PM

اولا شكرا لكم جدا يا جماعة علي ردودكم المقنعة
انا فعلا كنت مستغرب الكلام دا و مش مصدقة و خاصة ان عندنا في الغردقة التاكسي كله فيرنا و بتجري في الشوارع زي الصواريخ

شكرا لكم

**mtema99** · 31-08-2007 02:31 PM

يا جدعان كلمه كويسه او وحشه ديه بتبقى بالمقارنه بمن حولها

**mostafabakry** · 31-08-2007 02:41 PM

مش فاهم قصد حضرتك ايه يا استاذ matema99
ممكن توضح
:?:

**mtema99** · 31-08-2007 02:47 PM

يعني مينفعش اننا نقيم عربيه بمفردها
لازم نقيمها بالمقارنه بكل اللي معاها في نفس الفئه و مش قصدي الفئه السعريه
لازم نقيمها مع اللي معاها فالفئه بتاعتها من نحيه الجوده و قلت العيوب و السعر و اسعار ما بعد البيع و جوده خدمه ما بعد البيع و الوكيل و سمعته في مصر و التكنولوجيا و كله عشان نعرف بالظبط مكان العربيه و تصنفها في الفئه بتاعتها

**mostafabakry** · 31-08-2007 02:54 PM

يا باشا احنا دلوقتي مش بنقيم العربية
انا فعلا قيمتها مع مثيلاتها زي الدايو و الآسبيرانزا لقيت انها افضلم من وجهة نظري الشخصية ممكن حضرتك تختلف معايا في كدا
و لكن سؤالي كان اني سمعت من اكتر من واحد ان الناس بشتكي من ضعف عفشتها و في مشكلة في الطنابير بتاعتها و بصراحة اللي قالوا الكلام دا لا يملكوا فيرنا و لكن سمعوا ايضا الكلام ايضا من ناس تانية
انا كنت بتاكد من اصحاب الفيرنا هنا في المنتدي و ما حدش بيشتكي منها في الموضوع دا
الغريب ان الناس في المنتدي بتشتكي من الزوايا و انا ما سمعتش بره حد بيشتكي منها ؟؟؟؟؟؟؟؟؟؟؟؟؟

انا شاكر جدا لحضرتك لردك و اهتمامك و لكم مني كل التقدير

**Ahmed Anwer** · 03-09-2007 12:14 PM

لأ حضرتك ، بإختصار الفيرنا عيبها الوحيد ثباتها و ده طبيعي في الفئة بتاعتها حتي الياريس و اللانسر خفاف
و بتتحل لما تجنط
هيا يعني مش خفيفة ، الخفة اللي تقلقل بس تسوق بالعقل وانا سافرت بيها و كانت مريحة جدا و ممتعة
بخصوص العفشة و الطنابير ، معنديش خلفية في الحكاية دي اوي عشان العربية لسه جديدة بس لما جيت اشتريها سألت مهندس عنده مركز صيانة في الحرفيين قاللي عكس الكلام ده بالعكس قال انشف و اقدر علي التحمل من اللانوس و الله اعلم

الموضوع: الي مالكي الفيرنا سؤال بخصوص العفشة و الطنابير؟؟؟؟

LinkBack

أدوات الموضوع

عرض

-

-

-

-

المواضيع المتشابهه

اسعار التيل و الطنابير الEBC و العفشة الرياضية

صيانة ال 80 الف و الطنابير و العفشة ؟

سؤال ضرورى بخصوص الطنابير ؟؟

يا جماعة عايز اجدد العفشة و التيل و الطنابير

الى مالكي اللادا:العمرة و العفشة يكلفوا كام؟

الكلمات الدلالية لهذا الموضوع

المفضلات

المفضلات

ضوابط المشاركة