لسة عامل حادثة دلوقتي

**hazem76kd** · 03-03-2009 05:22 PM

ربنا يسترها علينا جميعاً ويرجعنا الى اولادنا سالمين غانمين وسلمها لله فهذا قضاء وقدر

**amir** · 03-03-2009 06:33 PM

المشاركة الأصلية كتبت بواسطة amramr

أولا حمد لله علي سلامتك.ثانيا الحوادث في كل الدنيا. بس ياتري البهوات بتوع قانون المرور الجديد في بلدنا بيشوفوا الحوادث دي والا كل همهم جبايه الاموال من الشعب؟

المشاركة الأصلية كتبت بواسطة أبـو آســـــر

انا كنت هعمل محضر فعلاً
بس طبيعة المنطقة الي فيها الحادثة مافيهاش الكلام ده
هي اتعملت في اخر شارع القرية الذكية
المنطقة دي الي عرفته ساعة الحادثة ساكنها عرب ( بدو يعني )
و المشاكل هناك بتتحل عن طريق الكبير بتاعهم الي هو حكم بالتعويض ده
و كلمته زي السيف على اي حد هناك
انا الناس الي معايا في الشركة الي ساكنين في المنطقة لما عرفه اني واقف قدام النقطة بتاعة الشرطة علشان اعمل محضر حسسوني اني هعمل جريمة
و اوعى تعمل محضر و تعالى و الكلام ده
بس بصراحة الموضوع اتحل احسن ما كنت عملت محضر و ده من ستر ربنا بردو
لو في اي مكان تاني و لا كنت عرفت اخد حاجة
الناس هناك ليها كبير و كلمته فعلاً بتمشي على الكل

الف حمد لله علي سلامتك
فعلا البلد دي لا صوت يعلو فيها علي صوت القوه
انعدام في الامن و تغييب للقوانين
انا خالي في دبي بيحكيلي ان مينفعش تروح لسمكري منك لنفسك الا لو معاك محضر شرطه
علشان محدش يخبط حد و يجري و بعدين يصلحها
و لما قعدت افكر في تطبيق الموضوع ده في مصر
لقيت بعين الخيال الف سمكري هيشتغلو في اي عربيه من تحت الترابيزه بمبلغ اعلي

البلد لن ينصلح حالها الا بتواجد قوانين تحمي الافراد, سواء انفسهم او ممتلكاتهم, و تطبيق كامل للقانون علي كل فرد في ارض مصر

انما بقي يبقي فيه عندنا فئات من البشر, سواء البدو او الاعراب و غيرهم من اصحاب النسور و الموازين, لا يعنيهم القانون من قريب او بعيد و دايما بيتعاملو و كأنهم فوق القانون اللي بيسري عليك و عليا
يبقي علي البلد السلام

**أشرف العدوي** · 05-03-2009 12:45 PM

معلش ليا سؤال
هو انا لو عملت شغل السمكرة و الدوكو برة التوكيل
بخرج العربية من الضمان
لاني كمان هجيب الكشاف الامامي صيني لانه سعر الاصالي عالي قوي و كمان الأكصدام هيبقى صيني علشان فرق السعر بينه و بين الاصلي
يعني الكشاف الاصلي 685 و الصيني 175
و الاكصدام الاصلي ( فيبر بس ) 900 و الصيني 260
فالموضوع ده هيوفر معايا حوالي 1150 جنيه
و ياريت لو حد يعرف اي حد بتاع قطع غيار استيراد يقولي عليه
لاني مش لاقي حد بيشتغل في الافيو الأستيراد خالص