ياريت لو حد اتعامل مع مركز الدلتا يقولنا تجربته
يعنى ايه المشكلة و اتحلت تمام دون الرجوع مرة أخرى
ايه رأيكم فيه اروحله و لا فى حد تانى اضمن لأنى بصراحه لا اثق فى شغل الميكانيكيه .
ياريت لو حد اتعامل مع مركز الدلتا يقولنا تجربته
يعنى ايه المشكلة و اتحلت تمام دون الرجوع مرة أخرى
ايه رأيكم فيه اروحله و لا فى حد تانى اضمن لأنى بصراحه لا اثق فى شغل الميكانيكيه .
فينكم يا شباب هيونداى
ايه مركز الدلتا ده ؟
انا بعمل صيانة عند العدوى ؟ ده اللى تقصده ؟
لأ فى مركز الدلتا امام موقف طلخا الجديد
مركز العدوى ناس كتير مش بتشكر فيه
العدوى بعمل عنده صيانات اللى بيبقى فيها تغيير زيت بس ...
الصيانات اللى مستاهلة شغل بعملها فى غبور ...
هو فعلا العدوى مش كويس .
يا جماعة انا قلت قبل كدة كذا مرة والله العظيم ان اصحاب مركز الدلتا دى ناس محترمة جداً وزوق جداً وشغلهم ممتاز عن تجربة شخصية وفى احد الاعضاء راحلهم وكان مبسوط من شغلهم دة غير انى كنت اتفقت معاهم بحكم انى اعرفهم انهو يعملوا خصومات على الدهان الفرن عندهم ويكون خصومات كبيرة وكمان لو حد عايز الخامات بس ويدهن برة برضة هيكون فية خصم كبير وانا بعت لادارة المنتدى اخد رايهم اعرض الموضوع ازاى بالتنسيق مع الادارة محدش رد علية.:b4_564:
لم يرد لاداره المنتدي اي عرض من سيادتكم اساسا
مشرف القسم
اخ Lion Heart...
انا رديت عليك قبل كدا فى رسالة خاصة بناء على طلبك ..
مع الشكر طبعا للأخ Sindbad اللي دلني على المركز :)اقتباس:
اهلا بيك اخى العزيز ...
انا فعلا عملت صيانة الــ15000 كم هناك فى مركز الدلتا ...
بس بصراحة مش شايف اي فرق بينه و بين المركز التانى ( تاج او المركز الإلكترونى ) ..
فى دلتا ناس محترمة جدا و كل حاجة بس المكان كدا مكنش مريحنى مش عارف لية ...؟
انا روحت المهندس اللى هناك (م/محمد) بيستلم منك العربية و يدخلها ... ممكن انت تطلع تتفرج من الإستراحة ( اللى كانت مهجورة ) و انا معملتش كدا .. انا فضلت واقف لهم على ما خلصوا شغل .. و الموضوع كله اخد حوالى نص ساعة ... 100 جندى ( هو بالنسبة للفيرنا صيانة ال15 المفروض بــ85 بس هما الظاهر عشان مش مركز من مراكز غبور فى بياخدوا الزيادة دي )
انا بصراحة عمري ما جربت مركز من مراكز غبور الرئيسية ... لكن اقدر اقولك ان هنا فى المنصورة موضوع الصيانة دا مش فارق اوي من مكان لمكان ... و انا بعد كدا هعمل صيانة العربية فى مركز تاج ( الإلكتروني) ... اقرب و بحس ان الحركة هناك اكتر و كدا يعنى ...
اى خدمة...
العفو اخي الكريم ... و اي خدمة انا تحت امرك :)
السلام عليكم
أنا عندي عربية ألنترا وبعمل جميع الصيانات في مركز العدوي أوفر أقرب من القاهرة لأني لا أثق في أي مكان آخر
يرجي عدم الكتابه باللون الاحمر
حيث انه مخصص للمداخلات الاداريه
يرجي مراجعه قوانين المنتدي
مشرف هيونداي
أخي الفاضل
أما عن مركز الدلتا فهو مركز حديث ومركز العدوي أقدم المراكز في الدلتا وأنا عندي 3 سيارات رينو ميجان2 وتويوتا 2006 وإشتريت لانسر من سنه لما عرفت إنهم وكيل معتمد لانسر ويكفي فتحين من حوالي10 سنوات وهم وكلاء معتمدين للسيارات المنتشرة في مصر وكفاية الطريقة البيعملوك بها وروح وجرب وحتشكرني
عزيزى مشرف القسم ادناة لينك العرض المرسل بتاريخ 22 يناير 2009
http://www.nilemotors.net/Nile/priva...wpm&pmid=78116
اولا كل عام و حضرتك بخير
الرابط حاولت اقرأة مافتحش , لو لسة فى فرصة على الخصومات ياريت نحاول تانى
كان اخونا كريم منير عمل نفس الحكاية مع م عاطف المسؤل عت الصيانة بغبور , واصتصدر منه قرار مختوم بالخصم للأعضاء اللى على عربياتهم استيكر المنتدى وتقريبا كان خصم 15 % مش فاكر هحاول اجيب لحضرتك الرابط
و طبعا دى هتكون خطوة ممتازة لصالح اعضاء المنتدى و خاصة المنصوريين منهم ,
شكرا لحضرتك و كل عام و حضرتك بخير .
ده الرابط اللى كان كريم منير بيعرفنا ان الخصم متاح لأعضاء المنتدى و لكن بالتوكيل نفسه و ليس بالمراكز المعتمدة
http://www.nilemotors.net/Nile/80394-a.html#post907743
و ده رد م عاطف
http://www.nilemotors.net/Nile/80394-a-3.html
ونص الفاكس المبعوث لمراكز هيونداى
http://www.nilemotors.net/Nile/80394-a-5.html
وده رابط لعروض التوكيلات و مراكز الخدمة
http://www.nilemotors.net/Nile/52680-a.html
فكل هذه العروض جاءت عن طريق الاعضاء من الادارة و اعضاء كمان مش من الادارة انا قلت بس افكر حضرتك لو امكنك التواصل مع هذا المركز و الحصول على عرض كما اشرت من قبل و تكون فايدة لاخوانك من الاعضاء ,
انا اسف طولت عليك سامحنى , كل عام و حضرتك بخير .
طيب انا مسجل للاسف في مركز العدوي بس مش مرتاح فيه والناس حاسس انهم مش فاهمين هما بيعملو ايه ,,, انا فعلا عملت صيانة الاف و الخمسة الالاف ,,, ينفع انقل مركز العدوي مثلا ,,, وتتكلف كام مثلا ,,,, يرجى الافادة ,,, شكرا
ممكن حضرتك تسأل
مركز خدمة عملاء هيونداي ترحب باى شكوى من مالكي هيونداي
بالرابط التالى :
http://www.nilemotors.net/Nile/14777-a.html
و هيدلوك ان شاء الله تعمل ايه .