أروح لمين؟
إحنا في البلد دي مالناش كبير..
أنا أقصد يعني في أوقات الحوادث الفردية ..تحس إن الواحد كده لوحده وعامل زي اليتيم اللي ما رحش معاهم رحلة دريم لاند بتاع كل سنة ..
أتحدث عن ثقافة الشكاوى..
في بلدنا الحبيب إذا كنت مواطن من المواطنين الخايبين اللي بيؤمنوا بالحل السلمي لجميع المشكلات
( و الكلام ده مابيبقاش أخلاق و تربية ده بيبقى بعيد عنك قصر ديل وأنيميا و سوء تغذية)
..إذا كنت واحد من دول فاطمئن عمرك ما هتلاقي حد يغيتك و لا يجيبلك حقك الضايع حتى لوماكنتش من المؤمنين بالحكمة الخالدة اللي بتقول
(إبعد عن القضايا لتتبهدل يا ضنايا)
و نفسك و منى عينك تعمل شكوى في حد ..برضه مش هتعرف
http://dvd4arab.maktoob.com/smile1/6.gifhttp://dvd4arab.maktoob.com/smile1/6.gif
مش مصدقني ..طب فكر كده ..لو كنت في ميكروباص و قرر السواق أن يشترك في الحملة القومية الشعبية (4 ورا) و ظلما و بهتانا حبيت تعترض ..تروح لمين؟..
http://dvd4arab.maktoob.com/smile1/angel.gifhttp://dvd4arab.maktoob.com/smile1/angel.gif
لو سواق التاكسي فجأة قرر يرميك في وسط الشارع عشان سولت لك نفسك الدنيئة إنك تديله جنيه فضة وسط أجرته المضروبة غالبا في 3 ..عايز تستعيد كرمتك المتكعورة على الأسفلت ..تروح لمين؟..
http://dvd4arab.maktoob.com/smile1/great.gifhttp://dvd4arab.maktoob.com/smile1/great.gif
أكلت في يوم قشر بطيخ مقلي على إنه سبيط و قطع من الكانتلوب مسمينها أناناس والغشاشين الظلمة اللي مش هيوردوا على جنة و لاعلى نار ************************http://dvd4arab.maktoob.com/smile1/33.gifhttp://dvd4arab.maktoob.com/smile1/33.gif
سمعت سارينة عربية إسعاف و من قلبك الرهيف إنحرفت توسعلها الطريق و خبطت في عامود و بعدها إكتشفت إن العربية فاضية و كل الحكاية إن السواق كان عايز يركن عشان ينزل يجيب سندوتش حواوشي ..عايز تشتكيه ..تروح لمين؟..
http://dvd4arab.maktoob.com/images/smile2/santa_1.gifhttp://dvd4arab.maktoob.com/images/smile2/santa_1.gif
لقيت موس حلاقة في رغيف عيش و ضميرك صمم إنك لازم ترجعه لصاحبه (أمال دي أمانه) ..تروح لمين؟..
http://dvd4arab.maktoob.com/smile1/44.gifhttp://dvd4arab.maktoob.com/smile1/44.gif
بدأت تلاحظ إن ودانك مش بتطول بالمعدل الطبيعي و كذا مرة مراتك تقولك إن صوت نهيقك و انت نايم ما بقاش زي الأول ..شاكك في صاحب المخبز اللي جنبكوا ليكون بيغش في الدقيق و بطل يضيف نسبة علف الحيوانات اللي مقرراها الوزارة ..تروح لمين؟..
http://dvd4arab.maktoob.com/smile1/winktongue.gifhttp://dvd4arab.maktoob.com/smile1/winktongue.gif
جيرانك بدأوا يلاحظوا إختفاء جماعي للحمير في المنطقة المحيطة بمحل الكفتة اللي على أول الشارع و انت عايز تمنعهم يبلغوا و يحرموك من سندوتش الكباب و الكفتة أبو 75 قرش ..تروح لمين؟ ..
http://dvd4arab.maktoob.com/smile1/19.gif
جالك إنهيار عصبي و تصاب بكوابيس مستمرة بعد مشاهدتك لإعلان (ممدوح فرج) للتخسيس و خايف تفتح التليفزيون من يوميها ليمد إيده يجيبك من قفاك..تروح منه فين و لمين؟..
http://dvd4arab.maktoob.com/smile1/yes.gif
جارك عامل فرح بنته و معلي صوت الميكروفون عشان يسمع حبايبه في زحل و حبايب العريس في المريخ ..نفسك ترفع سماعة التليفون و تطلب النجدة ..لكن على مين؟..مش أنا مرة عملتها؟..الظابط قاللي إقفلي الشبابيك ..لما قلتله الدنيا حر و هنتخنق ..قاللي إعمل جمعية و إشتري تكييف ..آه و النعمة زي ماباقولك كده ..
http://dvd4arab.maktoob.com/images/smile2/essen.gif
غني معايا بقى و بصوت عالي و من غير ما حد ما يرد علينا إحنا الإتنين..أروح لمين و أقول يامين ..ينصفني منك ..ينصفني منك.
http://dvd4arab.maktoob.com/smile1/winktongue.gifhttp://dvd4arab.maktoob.com/smile1/winktongue.gifسيدي الفاضل لقد خالفتم العديد من قواعد وقوانين المنتدي
1: كتابه بالاحمر
2: نقل بدون كتابه ان الموضوع منقول او ذكر المصدر
لن يتم فرض اي عقوبه عليكم باعتبار حسن نيتكم في كتابه الموضوع
برجاء عدم تكرار مثل هذه المخالفات
تم تعديل العنوان ولون الكتابه
يرجى مراجعة قواعد المنتدى
مشرف فرعي 1