الموضوع: سوائل لاهل الخبرة

لا موش طبيعى بس انت لسه فى التليين و مع الوقت عداد لفات الموتور هايقل معاك

بالنسبة للسرعة ماتزودش على الـ 100 كلم

انا عندي وجهة نظر بخصوص موضوع التليين و سرعة العربية و كيفية المشي بيها، و جهة نظري بتتلخص في كلمة بسيطة، اديها طول ما هي قابلة.

ده يعني ايه؟ إنك من غير حرق و قرص على العربية، طول ما انت لاقيها بتسحب معاك فاديها المراد ودوس، بس برضوا لازم تدوس بحنية حتى و لو وصلت 150 او 180 دي موش مشكلة.

بس فيه ملحوظة تانية، و دي موش خاصة بس للعربيات اللي بتلين، و لكن طبعا في التليين اولى، لما تكون ماشي على طريق سريع مفتوح، اتجنب دايما انك تخليك ماشي على سرعة ثابتة فترات ومنية كبيرة، يعني من حين إلى آخر تبقى تشد شوية، او تكن شوية.

المشاركة الأصلية كتبت بواسطة empiror21

الحمد للاله جبت الجين 2 بفضل المنتدى الرائع و لي سوائل اولا العربيه بتجيب 100 على rpm 3 مش اقل ؟؟ طبيعي و لا لأ السرعه القصوى كام على اول 1000كم علشان احافظ على العربيه اخيرا العربيه اكتر من رائعه الحمد لله و شكرا

أنت أوتوماتيك و لا مانوال ؟؟؟
و 100 على الغيار الكام ؟؟؟

لو مانوال .... و الغيار الخامس .... يبقى مفيش مشكلة هي كل الجين 2 كدا في المانوال و دي صورة العداد على كذا سرعة :
أول صورة ... سرعة 80 على الغيار الرابع


الصورة التانية
سرعة 90 على الغيار الخامس و للآسف معنديش صورة لسرعة 100 و لكن عند سرعة 100 بيكون عداد اللفات عند 2900 لفة



في الأوتوماتيك معرفش و الناس اللي معاها أوتوماتيك يقدروا يفيدوا أكتر خصوصا أن الأستاذ أحمد صيام قال مش طبيعي يبقى في الأوتوماتيك المفروض يكون أقل .


بالنسبة للتليين
يجب أتباع كتيب التشغيل في هذا الموضوع
و كتيب التشغيل بيقول ما تزودش عن 100 في أول 1000 كم و بالكتير 110 كم - س على الغيار الخامس و عدد لفات الموتور ما يزدش عن 3000 لفة .

الطريقة المفضلة في التليين
عدم السير على سرعة ثابتة و غيار ثابت لمسافة طويلة
يعني تمشي عشرة كم ... على سرعة 80 إلى 90 على الغيار الخامس و بعدين تقل للغيار الرابع و تثبت السرعة ما بين 70 إلى 80 و هكذا دواليك .
في الغيار الأول يجب تشبيعه حتى عدد لفات 3000 لفة و لا تقوم بالتغيير قبل ذلك . ( ما تقلقش من صوت الموتور ) و الثاني نفس الموضوع .
فيه شرط كمان .... أنك ما تحرقش على الغيارات أو تحاول تجيب سرعة بسرعة أو وقت قصير ... سيب العربية تأخد وقتها في التغيير و الوصول للسرعة المرغوبة .

أفضل سرعة لتوفير البنزين في العربية هي سرعة 90 على الغيار الخامس و سرعة 75 - 80 على الغيار الرابع .

و مبروك العربية

مبروووووووووووك جين2 الجميلة ربنا يديك خيرها ويكفيك شرها وزى مقال الاخ توت فى التلين
ربنا يوفق

انا عندي وجهة نظر بخصوص موضوع التليين و سرعة العربية و كيفية المشي بيها، و جهة نظري بتتلخص في كلمة بسيطة، اديها طول ما هي قابلة.

ده يعني ايه؟ إنك من غير حرق و قرص على العربية، طول ما انت لاقيها بتسحب معاك فاديها المراد ودوس، بس برضوا لازم تدوس بحنية حتى و لو وصلت 150 او 180 دي موش مشكلة.

الاخ الفاضل سعيد بكر

انا عندى ليك سؤال
انت ليينت كام عربية زيرو قبل بكده بنفسك ؟
لان صاحب الموضوع بيسال اهل الخبرة و اشك بصراحة فى ان عربية زيرو يتعمل فيها كده و تعمر معاك

ثانيا يا باشا كتيب التعليمات بتاع العربية اللى انا امتلكها و قراته كلمة كلمة قبل ماعمل بالعربية اى حاجة بيقول ان المفروض تجنب السرعات العالية فى اول 1000 كلم

انا باوجه نظر حضرتك بس ان ردك ممكن الراجل ياخد بيه و فى الاخر هو اللى هايضر لانه بصراحة رد عارى تماما من الصحة

بس فيه ملحوظة تانية، و دي موش خاصة بس للعربيات اللي بتلين، و لكن طبعا في التليين اولى، لما تكون ماشي على طريق سريع مفتوح، اتجنب دايما انك تخليك ماشي على سرعة ثابتة فترات ومنية كبيرة، يعني من حين إلى آخر تبقى تشد شوية، او تكن شوية.

الملحوظة دى انا موافقك عليها

بعد ازنك يا جماعة عندى سوال
بعد ما العربية تلين ومثلا باقت عاملة 5000 كليو
لو حد بيحب الجرى ممكن يقرص على الغيار لغايت 7 و 8 rbm
عادى ولا فيها مشكلة ؟

طيب وبالنسبة للمانويل عادى لو جابت 7 او 8 Rbm ولا ايه ؟