الموضوع: ايه تأثير المطر علي العربيه "في السفر او المشي جوا البلد"

مش مستاهلة تنشيف ياباشا دة يبقى ذل بجد
المية مش هتئذى الصاج عشان دة معالج وهى بتنشف لوحدها من الهوا لو ماشى
اما من تحت ابقى اغسلها فى بنزينة بضغط مية من تحت عشان الطين ينذل وميصديش تحته حاجة

اما الموتور فلا ينص بغسلة اصلا عشان فيه حساسات بتتأذى من غشامة عمال البنزينة

كبر دماغك ....بس أهم حاجه متمشيش فى المطر الا أم تكون المساحات شغاله كويس.....ولو عطلت المساحات أقف على جنب لحد ماالمطر يتوقف........

بمناسبة المساحات...
الطبة بتاعة قربة الميه مش موجوده "الطبة اللي تحت في القربة" هل دي بتتباع او ليها بديل.

وكمان أبقى هدى السرعه شويه علشان كفاءة الفرامل بتبقى قليله فى الأحوال دى..............

مشكور علي النصيحه يا باشا.
وفي الاحوال العادية الحمد لله الكاوتش جديد. والفرامل بتكلبش العربيه في الارض علي عكس ماهو معروف عن اللانوس "وبدون تعديل"
لكن طبعآ مش في احوال المطر. اخوك برده سواق قديم.

وياريت بعد أنتهاء الرحله تبقى تديها غسله كويسه بخرطرم ضغط الميه فيه ضعيف وتجفف كويس الأماكن المداريه (بين الأبواب بعد فتحها وأسفل الأبواب وحروف الشنطه وهكذا....)

ان شاء الله.

- طيب هل ضروري غسل العربيه من تحت. ولا هي بتبقي اتغسلت في الشتاء ؟؟؟
- وبعدين انا لاحظت حاجه غريبة:
كان في صوت تزييق في العافشة الامامية من يومين. وقت اروح اغسل العربيه من تحت في المشحمه وبعدين اروح أزيت واشحم العافشة.
بس بعد المشوار ده لاقيت العربيه حرير... ومافيش اي صوت تزييق او خلافه. !!!!!!!!!!!!!!

بقولك أيه بمناسبة شغل الأقتباسات الجميل اللى أنت عامله ده..........................ماتعلمنا شويه الليله دى..........وقولنا الحياه ماشيا أزاى بصفتك أستاذنا فى الكمبيوتر ......لأن أخوك على قده برضه.....ولو فيه برنامج أو حاجه بتعمل منها paste &copy ....ياريت تقولى أنزله أزاى ومنين ..............****

يا باشا ده انت الاستاذ الكبير.

الموضوع سهل.


1- باظلل الجزء اللي عاوز ارد عليه وبعدين اعمل ليه نسخ COPY
وادخل المشاركة واضغط علي اقتباس
ورمزه


2- بيظهر الكلمتين دول ومعهناها اقتباس" ولكن بدون النقطه الحمراء الي انا ضايفها"
َ[.QUOTE.] [/quote]

وبيكون المؤشر بين القوسين. تضغط ENTER وبعدين تعمل لصق PASTE

3- فيبقي الشكل كده
َ[.QUOTE]
ازيك يا سمير باشا
[./QUOTE]
4- وطبعآ من غير نقط.... والنتيجة تظهر كده في المشاركة

ازيك يا سمير باشا

وتكرر الموضوه ده مع كل اقتباس.

وفي حل تاني انك تستخدم الاقتباس المتعدد... لكني باستسهل الاقتباس في الرد السريع.

واي صورة عاوز تضيفها تعمل ليها COPY و PASTE عادي جدآ.

وادعي لاخوك ابو يوسف بقي.

السادة الأعضاء الكرام..

يوم الأثنين الماضي كنت راجع بالليل من السويس و كان المطر غزير جدا لمسافة تقدر بحوالي 70كم من الطريق , و أليكم ماأتبعته طوال تلك الرحلة :

1- نظرا لأن الأضائة عندي شديدة (معدلة) فقد كنت أستخدم النور العالي علي فترات متقطعة طبعا حتي لا أؤذي السائقين الذين أمامي و بحيث أكشف الطريق أمامي بوضوح
2- المساحات كانت تعمل بالسرعة القصوي مع أستخدام متقطع علي فترات لطلمبة غسيل الزجاج لأزالة المياه و الطين المتراكم من جراء أطارات السيارات الأخري و خاصة النقل الثقيل
3- أستخدام أشارات الأنتظار
4- السير بسرعة معقولة (100 كم/ساعة) نظرا لأن الأرض مبللة
5- عدم الأقتراب من السيارات التي أمامك و خاصة النقل , لتفادي تراكم الطين علي الزجاج و الفوانيس الأمامية
6- عند الأضطرار لأستخدام الفرامل يتم أستخدامها برفق و بشكل متقطع و ليس مرة واحدة
7- الألتزام بالحارة المرورية قدر الأمكان و لو أضطررت لتغييرها فليكن بحرص شديد