هما بيعملو كده فى بتوع الفيرنا بس ؟:U_thin1[1]:
ههههههههههههههه
واضح إن فى مشاكل مع غبور و ادارة المرور :44:
عرض للطباعة
هفأ 698 كان ناقص يكتبوا (مره)
هاها ... لأ و كمان بالإنجليزي متهزق ...
مش ملاحظين ان كان فى نمرر "هـ ف أ" برضه قبل كدا و كانت على ماتركس ...
الظاهر انهم مصتقصدين غبووور .... هههههههههه
يا رب ارحمنا من الأرقام دي ..
يوميا بشوف النمرة دى كتير جدا .
ماعتقدش انها كلمة لها اصل من اللغة علشان الناس دى كلها ترفع قواضى يعنى .
لسة شايف زيها فى مدينة نصر
الواحد بقى يمشى يتفرج على النمر علشان يشوف الفلتات دى
:C_laugh[1]: ههههههههههههههههههههه ربنا يكون فى عون أصحاب النمر دى يعنى ياجدعان مش بعيده على مصر بلدنا الحبيبة بيهزقونا قدام نفسنا وقدام الأجانب:10D5C8~1107:
المفروض صاحبها يرفع قضية سب وقذف على الادارة العامة للمرور
في عربية هـ ف أ باشوفها مركونة كل يوم في طريقي و هي سوزوكي ماروتي شكلها لسه عالزيرو (يا فرحته/فرحتها بالعربية الجديدة).
طيب بالشكل ده هيبقى فيه مئات اللوحات هـ ف أ ، ياريت تعملوا لهم رابطة أو مجموعة و ياريت بالصور لفضحهم .... أقصد لإيصال صوتهم. و المفروض ما نعايرش أي حد بيها و نعتبرها زي أي حاجة مش بإيدك لأن ماحدش اختار نمرته يعني. ماحدش اختار أهله ما حدش اختار بلده و كده
بعدين من واقع خبرتي المتواضعة، أنا شايف البلد مش بتعمل أي حاجة إلا و فيها مصلحة المواطن، يعني كفاية أنها رسمت على وجوهكم البسمة لما شفتوا النمر دي. واحد يضحك واحد يشاور واحد يطلع الموبايل و يصور خللي اناس تنبسط و لو كان الانبساط بالرقص على جثة صاحب السيارة فهو فداء لكم
و كان فيه موضوع قبل كده بيقول "تعمل إيه لو أخدت نمرة زي دي؟" الإجابة في رأيي "أمشي بيها عادي خللي الناس تنبسط"
الله يكون فى عون صاحب العربية ديه - انا عربيتى ملاكى اسكندرية و كنت ناوى اغيرها لمرور القاهرة بس بالمنظر ده هجددها برضة فى اسكندرية بما ان هناك النمرة بتتكون من حرفين بس موش هيكون ليهم معنى.
انا لسه شايف عربية بتاعت واحد زميلى فى الشغل النمرة مكتوبة د أ ب و بالانجليزى Bad
ربنا يكون فى عون الجميع.