هل تعتقد أن أرباحهم تتجاوز 100%

**KHALED AYMAN** · 01-03-2009 01:22 AM

المشاركة الأصلية كتبت بواسطة myr999

الزميل (الوحش الروسى )حضرتك ذكرت ايجار القاعة +نقل +شحن............عزيزى كل هذا موجود فى جميع الدول ادخل على النت واختار اى سيارة عارف سعرها فى مصروشوف سعرها فى امريكا وسوف اعطيك مثال التيدا (مستوردة برضة ) سعرها فى امريكا 9990$ وعليها cash back 750$ السعر النهائى 9240*5,5 =50820 جنية مصرى وسعرها فى مصر 127,500 ليس هذا فقط بل هناك 1800cc وهنا 1600cc يابخت الامريكان مع اطيب امنياتى وارق تحياتى

بس العربيه ب 50820 الف جنيه لسه متحطش عليها جمارك صح ؟؟
الجمرك حوالى 40% !!!!
انا اعتقد (مجرد اعتقاد) ان كل ما سعر بيع العربيه للمستهلك بيزيد مكسب الوكيل بيزيد لكن عمره ما بيوصل ل 100% او 75% و صعب اوى 50% ...
يعنى مثلا العربيه الى ب 100 الف مكسبها مش زى الى ب 200 الف ولا زى الى بمليون .......................

و بعدين مهو فعلا لازم الوكيل يكسب و يكسب حلو كمان لانه دافع مبالغ كبيره جدا علشان ياخد التوكيل اساسا ...
و بيعمل مراكز خدمه و بيصرف عليها و بيدفع للعمال ................
و لسه عايز بقى يصرف على نفسه و يركب عربيات و يشترى اراضى و يكون املاك ...
انا مش مع الوكلاء فى اسعارهم(مش كلهم) بس انا حبيت اوضح ان المكاسب مش عاليه اوى كده و اعتقد ان الى احسن من مكسب العربيه هو مكسب الصيانه (على الاقل متجدده لانك مش بتعمل الصيانه مره واحده).

**myr999** · 01-03-2009 01:49 AM

يا باشا طب دة الوكيل والى بيستوردو وبيبيعو فى المعارض (خليجى)لاحظ انى ال40% قبل السعر مايصل الى 50820 تحياتى

**som3aa** · 01-03-2009 05:36 AM

يا جماعة قلنا ملناش دعوة بالسوق الامريكى بالذات , السوق الامريكى ارخص سوق سيارات فى العالم كله لانه اكبر سوق استهلاكى فى العالم كله !!
هات الاسعار فى اوروبا او اليابان او امريكا و بعدين احسبها!
على فكرة مجموع الجمارك + الضرائب حوالى 61% .

**aif** · 01-03-2009 10:38 PM

اعتقد ان مجمل ربح الموزع لا يزيد عن 15 % وبعد الصروفات يبقى ربحه الصافي من 5 الى 10%
انما تقولو 100% و 50% ..... لأ طبعا مفيش اي تجارة في مصر تجيب كدة الا لو كانت غير مشروعة .... مخدرات .... دقيق مدعم ... سلاح
اما الوكلاء اعتقد ان النسبة ممكن تزيد حاجة بسيطة جدا عن الارقام دي
المكسب الكبير للمعارض بيبقى في المستعمل لأن فيه نصب كتير

**Ahmed Anwer** · 02-03-2009 11:14 AM

المشاركة الأصلية كتبت بواسطة Terrible_DaRsH

على كده كان اى حد اشتغل الشغلانة دى وريح دماغه ..

بس ده ميمنعشي انها مربحه جدا ،،

هامش الربح المعقول مع سلعه بتتباع بحجم كبير و سلعه غاليه زي العربيات بيعمل مبالغ طائله

* مكسب في الصيانة
* مكسب في بيع قطع الغيار

الضمان بيكون علي حساب الشركة الام شامل المصنعية التوكيل مبيدفعشي حاجة

و الشركة الام بتديهم تسهيلات كتير

هيا بس استثمارات عاليه و بترجع بسرعه

**أبو عبدالله** · 02-03-2009 11:50 AM

كا ذكر الأخوة فعلا ان من الصعب والمستحيل فعلا ان يصل ربحية التوكيل 50 %
والنسبة تتراوح بين 10 الى 30 %

ولكن انا سمعت من اكتر من جهة عن التوكيلات اللي بتصنع العربيات هنا في مصر
ان من الأسعار اللي سمعتها ما يشيب له الطفل
يعني مكاسب تصل الى 150 % تقريبا

لأن العربيات اللي بتتقفل هنا المفروض انها تبقى ارخص من الخارج لأسباب كتير ومع ذلك بنلاقيها بنفس سعر اللي في الخارج ويمكن اكتر في بعض الحالات

**m_elsabah** · 02-03-2009 11:58 AM

المشاركة الأصلية كتبت بواسطة aif

اعتقد ان مجمل ربح الموزع لا يزيد عن 15 % وبعد الصروفات يبقى ربحه الصافي من 5 الى 10%
انما تقولو 100% و 50% ..... لأ طبعا مفيش اي تجارة في مصر تجيب كدة الا لو كانت غير مشروعة .... مخدرات .... دقيق مدعم ... سلاح
اما الوكلاء اعتقد ان النسبة ممكن تزيد حاجة بسيطة جدا عن الارقام دي
المكسب الكبير للمعارض بيبقى في المستعمل لأن فيه نصب كتير

أحب أوضح وأقول إن أرباح الوكلاء تتراوح ما بين 75 % و 100 % وفي بعض الأحيان بتزيد عن الـ 100 % . علي فكرة السيارة إسبيرانزا أول ما نزلت حسام أبو الفتوح كان عايز ينزلها بـ 32.000 جنيهآ لكن حصلت مشاكل كبيرة والتوكيلات الكبيرة والصغيرة كمان أعترضت علي السعر بشدة وكان كلامهم بيقول أنت عايز تبوظ لنا السوق وبعد كده نزلت السيارة بضعف الثمن وزادت بعد كده كمان ( دي رابطة كبيرة أوي ومصالح كتيييرة أوي . رابطة الوكلاء طبعا ). فاكرين في فيلم عمارة يعقوبيان لما نور الشريف (رجل الأعمال) حصل على توكيل سيارات شهير وجاله في الحفلة خالد صالح (رجل النفوذ) وقاله دي لقمة كبيرة أوي عليك يا حاج ومش هينفع تكلها لوحدك وقاله (يا حاج ده أنت هتكسب من التوكيل ده ( 300 مليون) جنيه في السنة) .الكلام ده كان في 2006 يعني كانت أسعار السيارات أقل من كده شوية . مين يصدق إن السيارة لانوس كانت في 2005 بـ 38.000 جنيه وفي 3 سنين بس يدوب 3 سنين يزيد ثمنها بالشكل ده دي تقريبأ تضاعفت .والسبب في الزيادة دي إن الـ 3 سنين دول 2005 و 2006 و 2007 زادت فيهم أوي مبيعات السيارات الزيرو بسبب تمويلات البنوك . لما أكون أنا تاجر (جشع وطماع) وعندي سلعة والطلب عليها بيزيد كل يوم عن اليوم اللي قبله يبقي ليه ما أرفعش سعرها وأكسب أكتر وأكتر وأكتر . مكاسب التوكيلات دي خيالية وفوق الخيالية كمان . وأي كلام هيتقال غير كده مش هصدقه

**أبو عبدالله** · 02-03-2009 02:53 PM

المشاركة الأصلية كتبت بواسطة mohamed_elsabah1977

أحب أوضح وأقول إن أرباح الوكلاء تتراوح ما بين 75 % و 100 % وفي بعض الأحيان بتزيد عن الـ 100 % . علي فكرة السيارة إسبيرانزا أول ما نزلت حسام أبو الفتوح كان عايز ينزلها بـ 32.000 جنيهآ لكن حصلت مشاكل كبيرة والتوكيلات الكبيرة والصغيرة كمان أعترضت علي السعر بشدة وكان كلامهم بيقول أنت عايز تبوظ لنا السوق وبعد كده نزلت السيارة بضعف الثمن وزادت بعد كده كمان ( دي رابطة كبيرة أوي ومصالح كتيييرة أوي . رابطة الوكلاء طبعا ). فاكرين في فيلم عمارة يعقوبيان لما نور الشريف (رجل الأعمال) حصل على توكيل سيارات شهير وجاله في الحفلة خالد صالح (رجل النفوذ) وقاله دي لقمة كبيرة أوي عليك يا حاج ومش هينفع تكلها لوحدك وقاله (يا حاج ده أنت هتكسب من التوكيل ده ( 300 مليون) جنيه في السنة) .الكلام ده كان في 2006 يعني كانت أسعار السيارات أقل من كده شوية . مين يصدق إن السيارة لانوس كانت في 2005 بـ 38.000 جنيه وفي 3 سنين بس يدوب 3 سنين يزيد ثمنها بالشكل ده دي تقريبأ تضاعفت .والسبب في الزيادة دي إن الـ 3 سنين دول 2005 و 2006 و 2007 زادت فيهم أوي مبيعات السيارات الزيرو بسبب تمويلات البنوك . لما أكون أنا تاجر (جشع وطماع) وعندي سلعة والطلب عليها بيزيد كل يوم عن اليوم اللي قبله يبقي ليه ما أرفعش سعرها وأكسب أكتر وأكتر وأكتر . مكاسب التوكيلات دي خيالية وفوق الخيالية كمان . وأي كلام هيتقال غير كده مش هصدقه

وده بياكد كلامي فعلا
لأن العربيات اللي انت بتتكلم عليها دي بتتصنع هنا في مصر
والمفروض سعرها فعلا يبقى كده
طيب انا سمعت من مصدر موثوق به بالنسبة لي
ان مثلا الشيفروليه الدبابة اللي بتتعمل هنا في مصر
تكلفتها بالظبط حوالي 35 الف جنيه
بس دي تكلفتها على الوكيل بدون مصاريف تانيه
يعني واقفه عليه كده طبعا لسه هتضيف الربح بتاعه وباقي الحبشتكنات التانيه

**myr999** · 02-03-2009 10:42 PM

تذكرو يا حضرات انى الجمارك كانت نزلت للسيارات 1600cc الى 40 % فنزلت الاسعار جامد لمدة شهر او شهرين تقريبا ثم رجعت زى الاول بالضبط والفرق راح فى كروش الوحوش ثم ان اغلب اعضاء مجلس الشعب لهم معارض او مشاركين فى معارض (المصالح تتصالح والشعوب مالهاش مطارح )تحياتى

مشاهدة نتائج الإستطلاع: هل تعتقد أن الوكيل يصل او يتجاوز ربحه 100%

الموضوع: هل تعتقد أن أرباحهم تتجاوز 100%

LinkBack

أدوات الموضوع

عرض

-

-

-

-

-

-

-

المواضيع المتشابهه

سيارة مستعملة لا تتجاوز 50 الف

هل تعتقد أن الله (سبحانه و تعالى) غضبان على مصر؟؟؟؟؟؟

هل تعتقد فيه بيع وشراء من قسم المبيعات في هذا المنتدي

هل تعتقد أنك تجيد الحكم على الآخرين ادخل وشوف !!!!!!!

الكلمات الدلالية لهذا الموضوع

المفضلات

المفضلات

ضوابط المشاركة