الموضوع: هل تعتقد أن أرباحهم تتجاوز 100%

المشاركة الأصلية كتبت بواسطة saidbakr

في هذه المشاركة، احببت استطلاع رأي الأعضاء الكرام حول نقطة هامة مرتبطة بموضوع حملة خلوها تصدي. هذه النقطة تتلخص في اعتقاد البعض و انا منهم بأن أرباح الوكلاء و الموزعين في مصر قد تصل أو تتجاوز في كثير من الأحيان عن بيع السيارة الواحدة نسبة ربح 100%، بمعنى مثلاً أن السيارة تكون قد كلفته بعد ثمنها و جماركها و شحنها 50 الف جنيه و يبيعها الوكيل بمبلغ 100 الف جنيه او اكثر.


هل تعتقد أن ربح الوكيل في أغلب الأحيان قد يصل أو يتجاوز 100%

لا ماظنش ..
لسبب إنت لو حسبتسعر العربية بره + قيمة شحنها + قيمة جمركها = مبلغ معين ..

إحنا يا جماعة ناسين نحسب ( إستهلاك و إيجار قاعات العرض (ده لو إيجار) و تكلفة تشغيل القاعة الواحدة) + مرتبات الموظفين فى التوكيل + حملات الدعاية + الضرائب على المبيعات + نسبة الفائد + ربح الوكيل الشخصى + بدلات العمال + أجر العامل باليومية + حاجات تانية ....
هتلاقى الربح مش بالصورة إللى الناس متخيلاها .

المشاركة الأصلية كتبت بواسطة Relentless_mayhem

لا ماظنش ..
لسبب إنت لو حسبتسعر العربية بره + قيمة شحنها + قيمة جمركها = مبلغ معين ..

إحنا يا جماعة ناسين نحسب ( إستهلاك و إيجار قاعات العرض (ده لو إيجار) و تكلفة تشغيل القاعة الواحدة) + مرتبات الموظفين فى التوكيل + حملات الدعاية + الضرائب على المبيعات + نسبة الفائد + ربح الوكيل الشخصى + بدلات العمال + أجر العامل باليومية + حاجات تانية ....
هتلاقى الربح مش بالصورة إللى الناس متخيلاها .

باشا موش عاوزك تنسى حاجة مهمة، إن الوكيل ما بيشتريش زي حضرتك او زيي لما بتجيب من برة، انا او انت بنجيب من برة من وكيل او بياع و ده بدوره له مكسبه من أصل التمن.

أما الوكيل الحبوب فبيشتري جملة ومن المصنع مباشرة، يعني نسب خصم كبيرة و شحن أرخص و بالتالي حسبة جمارك ارخص و مصاريف تانية ارخص. و ما تنساش كمان اشتغالات الوكيل بعد كدة في قطع الغيار و الصيانة.

حتى كمان و مع ده كله، لما تروح تشتري عربية(دبي مثلا) من برة في الغالب بعد الجمارك و الشحن و خلافه، بتلاقيها ارخص من هنا.

ممكن فى العربيات الصينى

لا لا ولا حتى 50%
=
خلينا بس نفصل الكلام .. لو قصدك مكسبه بالعربية ة قطع الغيار وكده يبقى اه ممكن 50 % دى
=
لكن لو على العربية بس فده مستحيل .. لان الدولة بتأخد نصف ثمن العربية على الأقل جمارك .. والتوكيل له مكسب بقى من 10 الى 30 ألف كمتوسط ..
-=
معظم وكلاء الألمانى مكسبهم مبالغ فيه زى الفكترا قبل التخفيض و الجيتا زمان لما كانت بتبدأ من 170 و المينى كوبر و الفئة التالتة 316 .. كل دول مكسب الوكيل فيهم لا يقل عن 20 الف بالذات توكيل بى ام بيزود على تمن العربية كتيييييييير .. صحيح ده فى مقابل خدمة 5 نجوم لكن مكسبه مبالغ فيه فى ثمن العربية ...
-
اما العربيات الصينى فمتعرفش لها ثمن لكن مهما حصل لا أعتقد مكسب الوكيل الصينى ممكن يعدى 15 الف فى العربية الواحدة

مفتكرش.متنساش انهم بيدفعوا عمالة وضرايب

لا يُمكن ...... و يستحيل أن يصل مكسب الوكيل لأكثر من 15 إلى 30 % حسب ثمن العربية النهائي .
تعالوا نأخد مثال
الجين بتتباع في كل البلاد ( مصر - جنوب أفريقيا - تايلاند - أنجلترا - أستراليا ..... ) بنفس السعر أو بتتراوح النسبة ما بين أعلى من مصر أو أقل من مصر قليلا .
و لكن ثمن السيارة في النهاية متقارب جدا .
معنى كلام حضرتك أن الجين 2 على سبيل المثال ثمنها واقف على التوكيل بعد دفع الضرائب و الجمارك ب 40 ألف جنيه !!!
و هو بيبعها ب 80 ألف ؟؟؟؟
يعني ثمن العربية الأصلي مثلا 15 ألف جنيه من المصنع ؟؟؟؟


أنا أعتقد أن مكسب الوكلاء الحقيقي في الصيانات و أسعار قطع الغيار المبالغ في سعرها .
إنما ثمن السيارة فقط .......... ممكن يكون في حدود 10 إلى 30 % من ثمنها حسب السعر النهائي
يعني مكسب عربية ب 60 ألف غير مكسب عربية ب 150 ألف غير مكسب عربية فوق 200 ألف .

اكيد مش هاتوصل لخمسين في الميه حتي...

عربيه ب 60 الف صعب يكون تكلفتها 40 الف علشان يكسب فيها 20 الف جنيه...

و برده عربيه ب 200 الف صعب يكون تكلفتها 130...

20-30% ده ممكن يكون مكسب المستورديين و المصنعيين المحليين...