الموبايل وقع منى النهاردة فى المياة و مش مصدق الى حصل

**fahd_628** · 28-02-2009 11:36 PM

حضرتك فكرتنى بزمان كان معايا نوكيا 3100 وللا إيه مش فاكر ، أبيض وأسود ، نسيته على تابلوه العربية فى عز الحر رجعت لقيت الشاشة سوداء تماما ولحد ماروّحت

لما دخلت البيت أول حاجة -كمحاولة يائسة- حطيته فى الفريزر

كام ساعة خدته وشغلته واشتغل!!!!!!!
ولا كأن حاجة حصلت!!!!!!!

فضل من الله ونعمة

هههههههههههههههههههههههه

انا والله كنت يائس جدا جدا جدا و قولت لايمكن الموبايل يشتغل تانى :) و عملت محاولة يائسة انى انشفة و بجد كنت و انا بدوس على الزرار عارف انة مش حيشتغل و لو اشتغل حلاقى سماعات بايظة او شاشة محروقة كدة يعنى لكن الحمد لله

**Bassel** · 28-02-2009 11:44 PM

احمد ربنا ان السسشوار مبوظوش
عشان حسب معلوماتي انو غلط
عشان ساعات بيكثف بخار مياه وكمان ممكن يعلي درجة الحرارة جامد ويبوظ حاجة جوة

**bee** · 28-02-2009 11:47 PM

المشاركة الأصلية كتبت بواسطة fahd_628

السلام عليكم

النهاردة و انا ماشى على الرصيف على الترام و الشارع واقف و مليان مياة يعنى غرقان الموبايل غصب عنى وقع من ايدى على الرصيف و قام ناطط برة الرصيف و وقع فى بركة مياة وقع فى بركة يعنى غرق بجد و انا مكنتش شايفة و مديت ايدى فى المياة و طلعتة بعد بحث ( الموبايل نوكيا N82 ) طبعا طلعتة و كانت البطارية فى حتة و الكفر فى حتة المهم بمساعدة الناس الله يباركلهم لقيتة كلة المهم قلت الموبايل خلاص كدة راح فى داهية و التكنولوجيا الى فية عالية و خلاص كدة رااااااااااااح و كل الى علية رااااااااااح و الأسماء و الصور و كل الحاجات المهمة الى للأسف مكنتش واخدلها كوبى على الكمبيوتر

المهم محاولتش افتحة ولا حاجة استنيت لما روحت البيت و قعدت انشف فية بالسشوار نص ساعة :) علشان ينشف كويس و بعدين قمت حطيت البطارية و قلت بسم الله الرحمن الرحيم و بدوس على الزرار و لقيت الفايبريشن اشتغل و الجهاز اشتغل قلت الحمد لله الجهاز سليم بس للأسف فية حتة خضراء كدة فى الشاشة مش عارف اية دية ممكن تبقى نقطة مياة او حاجة بس حجمها صغير اوى المهم كام ثانية كدة و بعدين سمعت موسيقة نوكيا تون قلت الحمد لله السماعات لسة شغالة و بعدين لقيت السينسور بتاع النور شغال و اضائة الزراير اتقفلت و بعدين قلت اجرب المهم الكاميرا و الفلاش الى كنت متأكد انهم باظو و الحمد لله طلعو شغالين و كل الجهاز شغال تماااااااام ما عدا انو مبقاش بيقرى الميمورى كارد بس الميمورى كارد شغالة الحمد لله و مضاعش الى عليها

انا بس قولت اقولكم انكم تخدو بالكم و تعملو Backup لكل الحاجات الى موجودة على الموبايل و الأسماء بالزات و الصور و كل حاجة
و كمان ان لو لا قدر الله حصل موقف مشابه متفتحش الموبايل و تحاول تشغلة لأ استنى لغاية لما تروح و بعدين نشفة كويس جدا و بعدين جرب و ان شاء الله يشتغل

الحمد لله

بالصدفة البحتة لسه امبارح مصلح لاب توب وقع عليه نسكافيه ..

لما موبايل يقع لاقدر الله من اي حد اول حاجه تعملها تفصل الباور يعني تشيل البطارية ..

ولو المياه مالحة تفكه لو تعرف وتحطه في مياه حلوة وتوديه لحد بتاع صيانة .. لو عندك ادوات هتشيله من المياه وتنشفه كويس بواسطه هوت اير بس تقفل الحرارة تماما وبارفع بوز للهوت اير تنشف بعناية الاجزاء الصغيره ومتملش ومش معنى انك شايفه ناشف انه نشف لا لازم تتاكد مليون في الميه انك مشيت على الجهاز كويس جداااااااااااا بالهوا بتاع الهوت اير .. وبعدها تجيب اسبراي تنظيف بيتباع في راديو شاك ومحلات قطع غيار الاجهزة .. ولو مش متوفر قدامك تجيب بنزين تنظيف وتغسل بيه الجهاز وتكرر التنشيف تاني وتجرب الجهاز قبل ما تقفله .. وفيه معلومة صغيره ..
الاسبراي بيشيل المواد العضوية (العرق - الاوساخ الناشفه) .. لكن لو مثلا وقع نسكافيه او اي حاجه فيها سكر او في البحر يعني مياه مالحة مش هيشيل التلزيق والسكر ده الا المياه الحلوة وفي ساعتها ..

اعمل بنصيحه الاخوة وتاكد انه من جواه نشف تماما ونظفه كويس ..

**fahd_628** · 28-02-2009 11:47 PM

احمد ربنا ان السسشوار مبوظوش
عشان حسب معلوماتي انو غلط
عشان ساعات بيكثف بخار مياه وكمان ممكن يعلي درجة الحرارة جامد ويبوظ حاجة جوة

الحمد لله

بس انا كنت عامل درجة الحرارة على 1 مش 2 ( فية 1 و 2 ) لأنى لو عملتة على 2 ممكن حاجة تسيح

**yuyu0000yuyu** · 28-02-2009 11:49 PM

الحمد لله مالك فعلا حلال وشكرا على النصيح الغليه

**fahd_628** · 28-02-2009 11:53 PM

Good News

الميمورى كارد اشتغلت

الحمد لله مالك فعلا حلال وشكرا على النصيح الغليه

الله يكرمك يا باشا

و شكرا ليك

**Terrible_DaRsH** · 01-03-2009 12:06 AM

انا معايا 6630 بقاله 5 سنين وربنا يطولى فى عمره :)
مع انى عندى احدث الموبايلات مركونة وبسيبهم لاخواتى من كتر حبي فى ال 6630 ...
التليفون ده وقع منى مرة من 4 سنين اول ما اشتريته من على موتوسيكل (تخيل) . وقلت ده خلاص كده هيترمى فى الزبالة .
جمعته وروحت بيه البيت و بجرب بالصدفة لاقيته اشتغل بس الوش اتخربش شوية . من ساعتها وانا بعشق التليفون ده ..
عموما المال الحلال مش بيضيع وان شاء الله ميكونش حصلك اى خسائر فى التليفون .

**dr.nemo** · 01-03-2009 12:07 AM

الحمد لله
حصلت مع واحد اعرفه
وقع منه(6110 الفيصلية) في دورة مياه(أعزكم الله)
طلعه وغسله كويس وسابه تحت مروحة لفترة وشغله واشتغل عادي خالص

**momenhamdy** · 01-03-2009 12:08 AM

استاذي العزيز فهد
قدر الله و ماشاء فعل والحمد لله علي كل حال
بس بعد كدا بلاش تخلي الموبيل في ايدك و انت ماشي خليه دائماً في جيب الجاكيت او البطلون افضل
وربنا يباركلك فيه

**AhMeD EzZ** · 01-03-2009 12:12 AM

الحمد لله
كويس انة مجرالوش حاجة
حصل معايا موقف زي دة بس في نوكيا 5310
وقع في كوباية بيبسي بس الحمد لله فصل مدة وبعدين اشتغل كويس

الموضوع: الموبايل وقع منى النهاردة فى المياة و مش مصدق الى حصل

LinkBack

أدوات الموضوع

عرض

-

-

-

-

-

-

-

-

المواضيع المتشابهه

مشكلة انقطاع المياة فى اسكندرية...اخبار المياة معاكوا اية ياسكندرانية؟

أنا آسف إني كنت مصدق...

حد مصدق ... والله انا ما مصدق

فيديو و صور - انا مش مصدق-

أتا مش مصدق... سونى وحش كده؟؟

الكلمات الدلالية لهذا الموضوع

المفضلات

المفضلات

ضوابط المشاركة