الموبايل وقع منى النهاردة فى المياة و مش مصدق الى حصل

**fahd_628** · 28-02-2009 07:44 PM

السلام عليكم

النهاردة و انا ماشى على الرصيف على الترام و الشارع واقف و مليان مياة يعنى غرقان الموبايل غصب عنى وقع من ايدى على الرصيف و قام ناطط برة الرصيف و وقع فى بركة مياة وقع فى بركة يعنى غرق بجد و انا مكنتش شايفة و مديت ايدى فى المياة و طلعتة بعد بحث ( الموبايل نوكيا N82 ) طبعا طلعتة و كانت البطارية فى حتة و الكفر فى حتة المهم بمساعدة الناس الله يباركلهم لقيتة كلة المهم قلت الموبايل خلاص كدة راح فى داهية و التكنولوجيا الى فية عالية و خلاص كدة رااااااااااااح و كل الى علية رااااااااااح و الأسماء و الصور و كل الحاجات المهمة الى للأسف مكنتش واخدلها كوبى على الكمبيوتر

المهم محاولتش افتحة ولا حاجة استنيت لما روحت البيت و قعدت انشف فية بالسشوار نص ساعة :) علشان ينشف كويس و بعدين قمت حطيت البطارية و قلت بسم الله الرحمن الرحيم و بدوس على الزرار و لقيت الفايبريشن اشتغل و الجهاز اشتغل قلت الحمد لله الجهاز سليم بس للأسف فية حتة خضراء كدة فى الشاشة مش عارف اية دية ممكن تبقى نقطة مياة او حاجة بس حجمها صغير اوى المهم كام ثانية كدة و بعدين سمعت موسيقة نوكيا تون قلت الحمد لله السماعات لسة شغالة و بعدين لقيت السينسور بتاع النور شغال و اضائة الزراير اتقفلت و بعدين قلت اجرب المهم الكاميرا و الفلاش الى كنت متأكد انهم باظو و الحمد لله طلعو شغالين و كل الجهاز شغال تماااااااام ما عدا انو مبقاش بيقرى الميمورى كارد بس الميمورى كارد شغالة الحمد لله و مضاعش الى عليها

انا بس قولت اقولكم انكم تخدو بالكم و تعملو Backup لكل الحاجات الى موجودة على الموبايل و الأسماء بالزات و الصور و كل حاجة
و كمان ان لو لا قدر الله حصل موقف مشابه متفتحش الموبايل و تحاول تشغلة لأ استنى لغاية لما تروح و بعدين نشفة كويس جدا و بعدين جرب و ان شاء الله يشتغل

الحمد لله

**maka** · 28-02-2009 07:54 PM

مبروك فلوسك حلال

**mshamy** · 28-02-2009 07:57 PM

قدر الله وماشاء فعل يا فهد باشا
و الحمدلله إنها جت على قد كده
وشكرا على النصيحة ...انا دايما باحاول اخد نسخة من المعلومات اللي على الجهاز من حين لآخر و برضه ممكن الواحد يعملها زي Task على ال MS outlook علشان ما ننساش
وجزاك الله خيرا

**wesam_salom** · 28-02-2009 08:46 PM

نصيحه اخويه
اخلع البطاريه من الجهاز بسرعه
وروح لاى مركز صيانه
وخليه يفتحه وينظفه
واوعى تستنى عليه
والا المشاكل هتبداء تظهر فيه ومش هتعرف تعالجها

**fahd_628** · 28-02-2009 09:09 PM

مبروك فلوسك حلال

الله يبارك فيك و شكرا ليك

قدر الله وماشاء فعل يا فهد باشا
و الحمدلله إنها جت على قد كده
وشكرا على النصيحة ...انا دايما باحاول اخد نسخة من المعلومات اللي على الجهاز من حين لآخر و برضه ممكن الواحد يعملها زي Task على ال MS outlook علشان ما ننساش
وجزاك الله خيرا

شكرا ليك يا باشا و فعلا انا حطيت كل حاجة على الكمبيوتر

نصيحه اخويه
اخلع البطاريه من الجهاز بسرعه
وروح لاى مركز صيانه
وخليه يفتحه وينظفه
واوعى تستنى عليه
والا المشاكل هتبداء تظهر فيه ومش هتعرف تعالجها

حتى لو انا نشفتة كويس جدا جدا جدا و كل حاجة شغالة ؟

**أبو عبدالله** · 28-02-2009 09:33 PM

نصيحة يا فهد
انك تطفيه ولازم حد يفتحه علشان يرش جواه اسبراي تنظيف ويطمن ان معدشي فيه ميه خالص
لأن اكيد فيه ميه جوه لأن الأسشوار من الخارج كده مش هيشيل كل الميه بالتأكيد

**fahd_628** · 28-02-2009 10:41 PM

نصيحة يا فهد
انك تطفيه ولازم حد يفتحه علشان يرش جواه اسبراي تنظيف ويطمن ان معدشي فيه ميه خالص
لأن اكيد فيه ميه جوه لأن الأسشوار من الخارج كده مش هيشيل كل الميه بالتأكيد

خلاص يا ابو عبد الله حبقى اروح لواحد ينظفهولى

و شكرا ليكم على النصيحة

**KoDaK_Gti** · 28-02-2009 10:54 PM

المشاركة الأصلية كتبت بواسطة أبو عبدالله

نصيحة يا فهد
انك تطفيه ولازم حد يفتحه علشان يرش جواه اسبراي تنظيف ويطمن ان معدشي فيه ميه خالص
لأن اكيد فيه ميه جوه لأن الأسشوار من الخارج كده مش هيشيل كل الميه بالتأكيد

كلام مظبوط
لازم البوردة تتنضف بالاسبراى او البنزين لأن المية هتعمل صدأ بعد فترة على أيسيهات البوردة وتبدأ المشاكل
وخلى اللى يفكه ينضفه قدام عينك وانت واقف

**fahd_628** · 28-02-2009 11:21 PM

كلام مظبوط
لازم البوردة تتنضف بالاسبراى او البنزين لأن المية هتعمل صدأ بعد فترة على أيسيهات البوردة وتبدأ المشاكل
وخلى اللى يفكه ينضفه قدام عينك وانت واقف

فعلا كلامكم صحيح

انا حروح فى اقرب وقت لأى واحد بتاع موبايلات محترم اشوف الموضوع دة

**Dr Ahmed** · 28-02-2009 11:30 PM

حضرتك فكرتنى بزمان كان معايا نوكيا 3100 وللا إيه مش فاكر ، أبيض وأسود ، نسيته على تابلوه العربية فى عز الحر رجعت لقيت الشاشة سوداء تماما ولحد ماروّحت

لما دخلت البيت أول حاجة -كمحاولة يائسة- حطيته فى الفريزر

كام ساعة خدته وشغلته واشتغل!!!!!!!
ولا كأن حاجة حصلت!!!!!!!

فضل من الله ونعمة

الموضوع: الموبايل وقع منى النهاردة فى المياة و مش مصدق الى حصل

LinkBack

أدوات الموضوع

عرض

الموبايل وقع منى النهاردة فى المياة و مش مصدق الى حصل - انشر الموضوع فى :

-

-

-

-

-

-

-

-

-

المواضيع المتشابهه

مشكلة انقطاع المياة فى اسكندرية...اخبار المياة معاكوا اية ياسكندرانية؟

أنا آسف إني كنت مصدق...

حد مصدق ... والله انا ما مصدق

فيديو و صور - انا مش مصدق-

أتا مش مصدق... سونى وحش كده؟؟

الكلمات الدلالية لهذا الموضوع

المفضلات

المفضلات

ضوابط المشاركة