معلش يا جماعه.....
انا عايز اعرف بالظبط ايلي المفروض اعملة عند شراء سيارة ملاكي القاهرة ....لنقل ملكيتها وترخيصها تبع ادارة مرور محافظة تانية ....؟؟؟
انا عارف ان في مواضيع اتكلمت عن حكاية نقل الملكية ...بس يمكن ماتعرضتش لحكاية نقل ملكية مع تراخيص محافظة تانية...
وشكرا..
لا ولا يهمك :)
بتنقل من القاهره لمحافظه تانيه زي ما بتنقل مناي محافظه لاخري الاجراءات واحده.
اول حاجه اللي بيبيع ليك العربيه ملزوم يجيلك شهاده مخالفات من نيابه المرور و شهاده بيانات من المرور و بيعمل ليك توكيل للبيع و الشراء و بتروح الشهر العقاري اي مكتب عموما و بيتبيع العربيه لنفسك و تروح المرور تقدم شهاده المخالفات و عقد البيع الموثق من الشهر العقاري و شهاده البيانات و تسلم اللوحات و بتشتري اورنيك الفحص علشان تنقل الملكيه و بتفحص و بتشوف الضرايب و التاممينات و الحاجات دي و بتستلم لوحات جديده باسم المحافظه اللي انت بترخص فيها.
ملحوظه:لازم شهاده المخالفات و شهاده البيانات لما تروح المرور ما يبقاش فات علي تارخ صدورها اكتر من شهر.
و اي خدمه :)
1 - رخصة سارية
2 - شهادة البيانات (في حالة عدم وجود رخصة سارية)
3 - شهادة مخالفات
4 - لوحات معدنية أصلية (لو مش أصلية معمولة يدوي تروح تسلمها في مرورها)
5 - عقد بيع من الشهر العقاري
والله أعلم
معنى كده انى ممكن لو انا مرور الدقهلية مثلاا و عاوز ارخص عربية ملاكى القاهرة
ممكن لو معايا من البائع شهادة المخالفات و الرخصة و النمر الاصلية ماروحش القاهرة :roll:
اه بالضبط ممكن تسلم اللوحات و لازم يكون معاك الرخصه و شهاده البيانات و شهاده المخالفات و التوكيلاقتباس:
معنى كده انى ممكن لو انا مرور الدقهلية مثلاا و عاوز ارخص عربية ملاكى القاهرة
ممكن لو معايا من البائع شهادة المخالفات و الرخصة و النمر الاصلية ماروحش القاهرة
الله عليك يا حازم موسوعه يابنى والله :wink: :wink:اقتباس:
المشاركة الأصلية كتبت بواسطة hazem_khidr
الله يخليك يا ابو حميد بلاش الكلام الكبير دا لحسن اتغر بنفسي :Dاقتباس:
الله عليك يا حازم موسوعه يابنى والله
لا غرور و لاحاجه انتا موسوعه من غير غرور و الله :wink: :wink: و بعدين أنا ألفتلك كام بيت شعر ياريت يعجبوك :اقتباس:
المشاركة الأصلية كتبت بواسطة hazem_khidr
يا حازم باشا يا عمهم قوللهم على اللى عندعك و دلهم
اعزرنا لو مش عارفين ده احنا أخواتك الصغيريين
ده أنتا الأخ الكبير و الكل قال انتا الأمير
أخوك الصغير أوشى ( أحمد الرفاعى )
يا اوشي دا كلام خطيراقتباس:
يا حازم باشا يا عمهم قوللهم على اللى عندعك و دلهم
اعزرنا لو مش عارفين ده احنا أخواتك الصغيريين
ده أنتا الأخ الكبير و الكل قال انتا الأمير
أخوك الصغير أوشى ( أحمد الرفاعى )
و ما يطلعش غير من بق واحد امير
و مقامك عندي و الله كبير
و علشان كده لما اشوفك حعزمك علي فطير :D :D
وطبعا لازم عقد بيع من الشهر العقاري مش هينفع التوكيل لوحدهاقتباس:
المشاركة الأصلية كتبت بواسطة hazem_khidr
اهم حاجة فى الموضوع لو مش عايز تروح القاهرة تانى انك تجيب شهادة مخالفات لم يمر عليها شهر وتجيب شهادة بيانات لم يمر عليها شهر ودى اهم حاجة فى الموضوع والرخصة السارية فى حالة النقل من محافظة لمحافظة وبالذات الدقهلية بيقولك عايزين شهادة بيانات ( عالم واخدة على التناحة ).
مش شرط الرخصه تبقي ساريه .لو الرخصه منتهيه بتدفع تلت الضريبه زياده مفيهاش مشكلهاقتباس:
والرخصة السارية فى حالة النقل من محافظة لمحافظة
شكرا يا عبدالله باشا
وطبعا انت من المنصورة و عارف السادة الوزراء بتوع مرور الدقهلية
على العموم باستاذنك انى لو اشتريت عربية من محافظة تانية تبقى تساعدنى فى الحاجات دى
يا جماعه الف شكر ...
وشكر خاص لحازم باشا ...
دة ايلي فهمتة وياريت حد يصحح لي لو غلط..
لو السيارة مثلا ملاكي القاهرة...او الجيزة....
البايع هايلسمني ...
شهادة مخالفات + شهادة بيانات + رخصة العربية (سواء سارية او لا ) + توكيل بالبيع والشراء والتصرف
بعد كدة ...اروح اي مكتب للشهر العقاري وابيع العربية لنفسي واستلم العقد المسجل ...
النقطة دي بقي ايلي مهمة...فرضا اني عايز انقلها لمرور الدقهلية ...
هل ممكن اروح بالعربية علي طول بعد الاجراءات ايلي فوق دي ...علي مرور الدقهلية واسلم لوحات القاهرة او الجيزة هناك وافحص وارخص من هناك علي طول ....ولا لازم اروح الاول مرور القاهرة او الجيزة وافحص هناك وبعدين يبعتوني علي المرور ايلي انا هاختارة....
العفو يا باشا علي ايه انت تأمر :)اقتباس:
هل ممكن اروح بالعربية علي طول بعد الاجراءات ايلي فوق دي ...علي مرور الدقهلية واسلم لوحات القاهرة او الجيزة هناك وافحص وارخص من هناك علي طول ....ولا لازم اروح الاول مرور القاهرة او الجيزة وافحص هناك وبعدين يبعتوني علي المرور ايلي انا هاختارة....
لا مش لازم تروح مرور القاهره او الجيزه بتسلم اللوحات للمرور اللي حضرتك تابع ليه :)
الف شكر يا حازم باشا ....مانتحرمش ...
إلا لو اللوحات محلية الصنع (صفيحتين مكتوب عليهم الأرقام يدوي) يبقى لازم تروح تسلم النمر بنفسك في مرورها حتى لو كان مرور حلايب وشلاتين :mrgreen:اقتباس:
لا مش لازم تروح مرور القاهره او الجيزه بتسلم اللوحات للمرور اللي حضرتك تابع ليه
هو بيتكلم علي مرور القاهره و الجيزه و الوحدتين دول بالذات ما بيسلموش غير نمر اصليهاقتباس:
إلا لو اللوحات محلية الصنع (صفيحتين مكتوب عليهم الأرقام يدوي) يبقى لازم تروح تسلم النمر بنفسك في مرورها حتى لو كان مرور حلايب وشلاتين