الموضوع: مساعدة في تقييم ميجان بانوراما 2006

المشاركة الأصلية كتبت بواسطة heema78

السلام عليكم
انا عارف ان الموضوع ده بقي شبه مكرر كل شوية بس معلش اكيد الاستشارة فيها فايدة للجميع
انا معروض علي عربية ميجان 2006 عاملة 65 الف كم بانوراما كل الكماليات بما فيها مثبت سرعة وصاحبها باين عليه محافظ عليها وحالتها كويسة بس انا قلقان من حاجتين
1) انها خرجت من الضمان وخايف بعد لما اشتريها تطلعلي اي مفاجاة غير سارة

لو العربية مواظبة على الصيانة الدورية فى التوكيل و إنت ناوى تستمر كده يبقى إن شاء الله لن تظهر أى مفأجات غير سارة

المشاركة الأصلية كتبت بواسطة heema78

2) انها عاملة 65 الف كم انا مش عارف ده كتير ولا لا بس انا كان نفسي في عربية عداد خفيفي يعني بالكتير 20 او 30 الف بس بصراحة زهقت ومستعجل لان مشوار شغلي طويل ومتعب اوي فبفكر اخلص وخلاص طالما الحالة كويسة
فكنت عاوز رايكم ياتري 65 الف كم يعتبر كتير ولا بالنسبة لعربية حديثة يعتبر ولا حاجة ؟؟؟

65 الف فى 3 سنوات يعتبر معدل طبيعى يعنى العربية تعتبر ماشية فى حدود 22 الف فى السنة

لكن لو بدور على عربية فى حدود 20 او 30 الف يبقى خليك فى موديل 2007 أو 2008

المشاركة الأصلية كتبت بواسطة heema78

ثانيا ايه تقيمكم للسعر بتاعها وكده واخد بالي من ايه وانا بكشف عليها في التوكيل
شكرا

على ما أظن إن سعرها حيبقى فى التمانينات و يفرق حسب الحالة
تأكد من إن السيارة قامت بالصيانات الستة (10 الاف حتى 60 الف ) فى التوكيل فى مواعيدها

65 الف فى 3 سنوات يعتبر معدل طبيعى يعنى العربية تعتبر ماشية فى حدود 22 الف فى السنة

هو 65 الف في 3 سنين معقول بس انا كان قصدي 65 الف في عمر العربية عموما يعتبر كتير ولا يعتبر ولا حاجة؟؟

يعني انا بتهيالي اجمل فترة في عمر اي عربية هي بعد اول 10 الاف فتفتكروا في حاله الميجان الفترة الحلوة ديه بتستمر لغاية كام الف؟؟ 100؟؟ 200؟؟؟

ايه رايكم؟؟ يعني ياتري لو اشتريت عربية عاملة بالفعل 65 الف هلحق استمتع باحسن فترة في حياتها ولا لا؟؟ :)

لا طبعا يا باشا حتقدر تستمتع بيها طبعا الفرنساوى معروف فى عمر ماتوره وخش وشوف مواضيع بجو فى عريات بيجو 405 عملت مليون كيلو ولسه معمرتش والكلام ده والله مبضحك عليك خشوشف فى بيجو وكمان عمر الماتور الفرنساوى اعلى من الالمانى بس ياترى حضرتك سعرها كام العربيه النت شايفها اصلى انا برده قدامى واحده وبفكر زيك اجيبها بس القدامى 2005 وبرده بفكر فيها

المشاركة الأصلية كتبت بواسطة ahmed1_com

لا طبعا يا باشا حتقدر تستمتع بيها طبعا الفرنساوى معروف فى عمر ماتوره وخش وشوف مواضيع بجو فى عريات بيجو 405 عملت مليون كيلو ولسه معمرتش والكلام ده والله مبضحك عليك خشوشف فى بيجو وكمان عمر الماتور الفرنساوى اعلى من الالمانى بس ياترى حضرتك سعرها كام العربيه النت شايفها اصلى انا برده قدامى واحده وبفكر زيك اجيبها بس القدامى 2005 وبرده بفكر فيها

هو طالب فيها 85 الف مش عارف ده يبقي معقول ولا كتير شوية وبما ان انا اصلا مش بعرف افاصل يبقي ان شاء الله لو خلصت فيها مش هيبقي بعيد عن المبلغ ده