يا جماعه انا محتاج استشارتكم
انا قدامي اوبل فكترا موديل 99 فابريكه برا و جوا كامله مانيول ماشيه 150 الف عافشه و كاونش و بطاريه جداد رايكم تعمل كام و فين احسن مكان اكشف عليها فيه ارجوكم فيدوني بسرعه و شكراااا
عرض للطباعة
يا جماعه انا محتاج استشارتكم
انا قدامي اوبل فكترا موديل 99 فابريكه برا و جوا كامله مانيول ماشيه 150 الف عافشه و كاونش و بطاريه جداد رايكم تعمل كام و فين احسن مكان اكشف عليها فيه ارجوكم فيدوني بسرعه و شكراااا
لا تدفع اكتر من 62 الف لو العربية 1600 cc اما لو العربية 2000cc اصرف نظر احسن لانك حاتدفع جامد فى التراخيص على عربية مستعملة فى النهاية ده الى جانب ان قطع غيار الاوبل ناااااااررر
العربيه gls ولا cd ؟؟
1600 ولا 2000 سىسى؟
بالنسبة لترخيص ال 2000 سىسى لو موديل 99 هيكون 500 جنيه وكل سنة هتقل 50 جنيه لغايه ما تثبت عند ال 200
لو 1600 هيبقى 300 وشوية ومش هتقل خالص
الفرق مش كبير فى صالح انك تركب عربيه قوية وثابته وبتشد صح
ثانيا قطع اوبل نااااااار ليه؟؟
انت تعرف حاجة المانى ارخص منها؟؟؟؟
ثانيا قطع الغيار الاصليه بتعيش يعنى تمنها فيها
انت جبت الكلام ده منين يعني كل الناس اللي معاها اوبل بترميها دلوقتي الاوبل ال 2000cc من احسن العربيات اللي ممكن تركبها
و مين اللي قال قطع غيارها نار تيل الفرامل ب 120 جنيه و الفانوس كامل ب 200 جنية جديد و عربيه برستيج و شكل و امااااااااااااااااااااان مش زي حاجات تانية كتير ورق
و بعدين احسب انت هتغير تيل الفرامل كل كم كيلو في الاوبل و احسبها في اي عربية تانية
طب انت بتنصحة باية بقة لو الاوبل وحش بتنصح بايه بنفس السعر ده
لانسر و لا فيرنا و لا لانوس و لا نوبيرا و لا اوبل فكترا
شكرا على الايضاح
عربيه محترمه توكل علي الله
ربنا يديك خيرها و يكفيك شرها
تعمل بتاع 55000
لو العربيه نضيفه جدا ماتزيدش عن 55 وانت وصاحبها والعمليه بالتراضي بينك وبين البايع برده انا انصحك انك ماتكشفش غير في التوكيل لان اولا دي مستعمله ثانيا دي اوبل وبصراحه ياجدعان الأوبل سوقها اتضرب ضربه شديده اولا سعرها هبط جدا عن السنه اللي فاتت كمان تقلت حركة الشراء والبيع فيها ودا سبب نزول اسعارها بس بصراحه الأوبل عربيه نضيفه اخر حاجه بس لما تكون نضيفه =فابريكه= شركه بالذات جوه = لان التصليح فيها بيعور الجيب شويه ودا سبب تاني عشان سوقها يضرب
عربية جميلة توكل على الله . وربنا يحمى لينا الاوبل لانها فعلا عربية ممتازة جدا . وعلى فكرة انا معايا 99 مانيوال . وكلام م\ محمد مختار مظبوط جدا فى كل اللى قالة
شكرا يا شباب علي الردود الجميله و الحمد لله تم الشراء ,,,, العربيه جبتها بقالي اسبوع كدا و اول امبارح كنت هتحبس علشان اتمسكت ماشي عكس في طريق معرفش انه عكس بس الحمد لله الموضوع خلص علي غرامه 1221 :_Alshmokh11: و مع شويه التظبيط و الكلام دا علشان تقف علي غرامه مش حبس الموضوع قفل ال 1500 :K14: بس يلا الحمد لله انها جت علي قد كدا بس بجد موضوع مهين قوي ان الواحد يبقي انسان محترم و رايح شغله الصبح و ولا ليه في اي حاجه و لا تاجر سلاح و لا مخدرات و يتمسك و يتعرض علي النيابه ولا المجرمين بجد حاجه مقرفه :I_angr1[1]:
المهم بقي انا كنت في اسكندريه امبارح و العربيه ما شاء الله طول الطريق و انا راجع 170 180 زي الفل
بس لما نزلت عند اصحابي في اكتوبر و قعدنا نشد شويه و بتاع كنت ماشي 160 و جيت امسك فرامل مره واحده الفرامل مسكت شويه بس لقيت ان انا بضغط عليا لدواسه و الفرامل بتهدي بس مش بتقفش و الدواسه وصلت للاخر لحد ما حسيت اني هلبس في صاحبي من ورا فا شديت الهاند
رايكم دا من التيل و الا ايه ؟
و لو عايز ازود زيت الفرامل اجيب نوعه ايه ؟ و بكام و منين
معلش طولت عليكم بس دي اول خبره ليا مع الاوبل فا هرخم عليكم شويه :biggrin2::8954[1]: