الموضوع: لمبه check عندي منوره عالطول اعمل ايه ؟؟

هوكده بالبظبط ولا أنت بتمتحنا.......

يا باشا امتحان ايه لا سمح الله.
انا كل معرفتي حتي الآن تعتبر اجتهادات.
ده اخوك طلع فاكر لمبة الزيت هي لمبة التشيك لمدة اسبوعين (والله يسامحه اللي رد عليا في المشاركه اللي سألت فيها )

المفروض تعلمنا الأول ( دا أنت الكمبيوتر كله يامحمود باشا)

حتفضل انت و ااستاذ محمد ممدوح اساتذتي دايمآ.
بس انا كان نفسي في المعلومة كامله من الكتالوج لاني ملاقيش حاجه فيه بتدل علي الموضوع ده. (او ما اقدرتش اوصللها بمعني أصح)

مش المقصود أن حمايه لما العربيه تولع وغيره....المقصود حمايه للأجهزه وخلافه زى مكونات وحدة التحكم ضد الأخطار (زى خطر حدوث شورت فجائى مثلا ....وبدل ميعدى أمبير كبير من خط ألأمداد بتاع البطاريه لوحدة التحكم مثلا عملوا الفيوز ده وهكذاا

لو الفيوز ده خاص بالكابل الأم للكنترولر و الحساسات والتابلوه (الحاجات المهمه اللي ممكن يحصل لها ضرر لو الأمبير زاد )
يبقي كان المفروض ما يبقاش 10 أمبير ولا حتي 15 أمبير
المفروض علي الاقل 25 أمبير.
ولا ايه رأيك.

.....أنا صح مش مهندس كهرباء.....بس مش معاك فى الكلام ده....لأن كل مكان الفيوز قدرته صغيره كل مكان أفضل .....كحمايه للمكونات الألكترونيه....(دى حاجات حساسه ياريس)

انا برده مش معاك يا باشا...
كل ما الحمل بيزيد كل ما الأمبير بيزيد.

يعني مثلآ لو عاوزين نركب فيوز علي البطاريه 70 أمبير (وده طبعآ درب ون دروب الخيال) بيبقي الفيوز بحد أدني 80 أمبير لأن الطبيعي 70 أمبير علي الكابل.

لو الفيوز ده خاص بالكابل الأم للكنترولر و الحساسات والتابلوه (الحاجات المهمه اللي ممكن يحصل لها ضرر لو الأمبير زاد )
يبقي كان المفروض ما يبقاش 10 أمبير ولا حتي 15 أمبير
المفروض علي الاقل 25 أمبير.
ولا ايه رأيك.

النقطه اللي بنتكلم فيها ان الفيوز ده هو فيوز أمان قبل كابلات دوائر البيان والتحكم.
يعني الأمبير اللي بيمر فيه أكيد حيكون مجموع الأمبير الخاص بالدواير اللي بيحميها مجتمعه....


وخللي بالك يا ريس الكلام ده كله علي أساس ان الفيوز ده وظيفته.
F3 : Hazard
وده فيوز الحمايه ضد التعرض لأى أخطار(زى خطر الحريق مثلا)

......الفيوز الكهرباء بتعدى عليه الأول.....قبل المكون الكهربى أو الألكترونى اللى حيستهلك الحمل ده.......وعمر المكون الألكترونى فى الحاله دى محيكون مقنن له كهربيا أكتر من 10 أمبير......مش الدواير الألكترونيه بيكون فيها الكلام ده برضه....._وأنت عارف أن أى فيوز بيكون بمثابة بوابة عبور للتيار.......يبقى أزاى عاوزه يكون 25 أمبير مثلا....مهو كده ممكن يعدى أمبير كبير ويحرق الوحده.....أنما لما يكون حمله صغير حيتحرق الأول فى حالة التعرض لأمبير كبير وبكده مش حيعدى أى أمبير من العالى ده والوحده حتبأه فى السليم........مش كده برضه ولا أنا مش فاهم كويس

القصد يا باشا ان الفيوز علي حسب الحمل..
وناخد علي كده الفيوز رقم 1 في علبة الفيوزات الرئيسية MAIN FUSE
ده بيبقي 80 أمبير (وده بقي مكتوب في الكتالوج).
وده الفيوز الرئيسي اللي واصل لدائرة الكهرباء كاملة.

اللي انا أقصده ان أمبير الفيوز بيعتمد علي الحمل.

وعلي فكرة انا جبت الكتالوج الاصلي لدائرة الكهرباء للانوس 99 PRINT VERSION

ماعرفش كان معروض في المنتدي قبل كده ولا لأ...
بس ان شاء الله اعرضه في موضوع مفصل.