انا فكرت في كده بس اللمبة مطفيه على طول مش بتنور غير لما باخد ملف جامد او مطب جامد بس وبتطفي تاني
بيتهيئلي لو حطيتها على الاسكنرمش هيبان حاجة لانها هتكون مطفيه - ولا ممكن يبان في ايه حتى لو مطفيه
عرض للطباعة
مين قال كدة يا باشا؟؟
الكونترول بيحتفظ فى الذاكرة بتاعتة باخر 4 اعطال خلت اللمبة تنور بالتالى حتى لو اللمبة مطفية حيبقى كود العطل متسجل عندك... الا لو فكيت البطارية بعد ما اللمبة طفت و فى الحالة دى الاكواد المتخزنة حتتمسح
MMamdouh
كان ممكن تمسح اللفظ اللى أنت ذكرته ده.....وتقول على اللى أنت مش فاهمه بدل أسلوب الحداقه ده (لأن صعب أوى الحداقه دى تأكل معايا)......مش كده صح ولا أيهاقتباس:
يا جماعة صلوا على النبي- بجد انا بكن لكم كل الاحترام للاستاذ سمير ودريفت لفر بس انا عاوز اقولكم حاجة انتم بتتكلموا كلام كبير جداً يصعُب على امثالي فهمه فيوزات وزامبيرات اسف امبيرات وحاجات عجيبة هو انتم بتتكلموا في الفيزياء النووية ولا ايه
انا مش فاهم اي لفظ اللي حضرتك تقصده يا استاذ سمير لو قصدك زامبيرات - دي غلطة مطبعية فعلاً وانا مالحظتهاش غير بعد ماكتبت وانا مش عارف حضرتك تقصد ايه بالحداقة - لو حضرتك شايف ان في حاجة دايقتك مني فأنا باعتذرلك لاني باعتبرك اخويا الكبير لان بيتهيئلي حضرتك اكبر واحد سناً في منتدى الدايو :satelite:
طيب كنت قوللى وأنا كنت بعتلك ورقه تانيه تكتب عليها بدل الورقه اللى أنت طبعتها دى ومش لاقى غيرها معاك......وكويس أنك فهمت أنى عجوز (مدقدف ياعنى ) وأكبر واحد فى المنتدى سننا (شايف العصايه اللى بتسند عليها )...............مش قولتك أنك عامل حدق والدليل ردك الحالى (بس خالى بالك اللى لسه أنت بتذاكره دلوقتى .....أنا اللى مألفه من زمااااااااااااااااااااااا اااااااان )....وعامة ولا يهمك أنا حبييت بس أوصلك رسالتى علشان تخللى بالك وأنت مشغل المطبعه.............:C_laugh[1]:اقتباس:
انا مش فاهم اي لفظ اللي حضرتك تقصده يا استاذ سمير لو قصدك زامبيرات - دي غلطة مطبعية فعلاً وانا مالحظتهاش غير بعد ماكتبت
........شوف فى الحاله بتاعتك دى....طالما الموضوع بتاع اللمبه ده حصل نتيجة المطب المحترم اللى بتقول عليه ..... فى الحاله دى المفروض بيتعمل حاجه فى عمليات تشخيص الأعطال أسمها الPRELIMARY CHECKS......يعنى الفحوصات المبدئيه قبل ماتحط العربيه على الأسكانر (طالما اللمبه مش منوره على طول وبتقيد وتطفى ).....يعنى عيب مش موجود بصفه دوريه (غير مستمر ) وبيطلق عليه عيب مؤقت فى عملية التحكم..........على أساس بيحدث فقد مؤقت فى عملية التحكم نحو العيب ده (وفعلا وحدة التحكم بتحتفظ بيه فى الأرشيف بتاعها والأسكانر هو اللى بيطلعه )....والهدف من الفحوصات المبدئيه دى هو البعد عن أستخدام الأسكانر (أولا لتوفير تكلفة الكشف بالأسكانر بالأضافه الى أن الأسكانر لما يحدد عيب فى دايرة تحكم معينه وتكون أنت أو أى واحد معرفتش تعمل الفحوصات دى صح .....ممكن فى الحاله دى تغير قطع غيار زى حساس معين ....هو أصلا سليم ....وبالتالى دى تكلفه بدون داعى )اقتباس:
أرسل أصلا بواسطة azamell
طيب انا خدت مطب محترم بعدها اللمبه فضلت منورة شوية بعدين طفت بس كل لما اخد ملف جامد تنور شوية واول ما الف تطفي ولما اقف في اشارة فالعربية بطلت مني لقيتها نورت برضه وبعدين طفت ولسا بتعمل الحركة دي بقالها اسبوع
ده سببه ايه ولو من خرطوم الماب ده ممكن حد يحط صورته عشان انا ماعرفش هو فين