العربية ولعت

**mido01050** · 28-02-2009 11:42 PM

موقف غريب و رزل حصلي من ساعتين بالظبط
و أنا بقفل العربية خلاص و بركن المطر ابتدا مرة واحدة بغزارة فقفلت العربية بالسنتر ومشيت خطوتين بعيد عن العربية فلاحظت نور من ورايا ببص على العربية لاقيت الكابينة كلها دخان و منورة جريت على العربية و فتحت الباب بالريموت ببص لاقيت نار من تحت التابلوة تحت الدركسيون أنا أصابني الرعب و مكنتش شايف من الدخان مدييت ايدي تحت الكرسي جبت الطفاية و المفاجأة ( الطفاية مش شغالة
أنا دايما بعين فوط صفراء تحت الكرسي عشان أمسح بيها العربية مديت ايدي تحت الكرسي جبتها و قعدت أكبس بيها على النار بعد ملفييت واحدة على ايدي و كنت بطفي بالأتنين التانيين ( الحمد لله الناربدأت تهدى لوحديها) و قدرت أشوف المصدر كان مجموعة سلوك تحت التابلوه و بعد ما ساحو النار بدأت تطفى لواحديها. فتحت الكبوت بسرعة و قمت شادد كابل البطارية كان أخويا شاف الموقف من البلكونة و نزل يجري يساعدني بعد ما سمع الأنذار عمال يضرب.
أنا أعصابي سايبة لحد دلوقت و الله . هدور على كهربائي أشوف هيقوللي ايه اللي حصل

**fahd_628** · 28-02-2009 11:45 PM

قدر الله و ما شاء فعل

بس هوة العربية اية ؟

**mido01050** · 28-02-2009 11:48 PM

لادا 2105 موديل 95

**lancerevolution** · 28-02-2009 11:53 PM

قدر الله و ما شاء فعل
الحمد لله إنك مكنتش جوا العربية ساعتها
غالبا حيكون السبب إن عوازل الأسلاك دى تدهورت و عمرها الإفتراضى خلص فممكن و أنت نازل خبطها قربوا من بعض عملوا شرارة سبب الحكاية دى " أنا شوفت اسلاك بتعمل كدا بتطلع شرارة كان سلك السماعة بتاعت الكمبيوتر بقاله 7 سنين فالعازل كان منهار "

**ZALABANY** · 28-02-2009 11:54 PM

قدر الله وما شاء فعل وإن شاء الله سليمة

**crazylambada** · 28-02-2009 11:59 PM

كويس ان الموضوع حصل قدامك
و لحقت عربيتك
الحمد لله على كل حاجة

**EslaM_NagY** · 01-03-2009 12:00 AM

حمدا الله على سلامتك.

**powerofhelll** · 01-03-2009 12:03 AM

الحمد لله انك سليم
قدر الله و مشاء فعل

**mazen86** · 01-03-2009 12:05 AM

حمدا الله على سلامتك.

**mido01050** · 01-03-2009 12:12 AM

متشكرجدا . أنا عندي سؤال , دلوقت هل أقدر أدور العربية و أطلع بيها و لا ايه . يعني أشوف السلوك المحروقة و أعزلها عن بعضها بلازق و أوصل البطارية و أدور العربية . ممكن يحصل حريق تاني ؟؟؟؟؟؟
نصيحة يا جماعة افحصوا طفايات الحريق كويس و أتأكدوا أنها شغالة أنا ان شاء الله أول حاجة هصلحها الطفاية . أنا كنت عاينها في شنطة العربية لحد ما واحد من يوميين قاللي خللي بالك حط الطفاية تحت الكرسي بتاعك دايما عشان تقدر تطلعها بسرعة في أي وقت ( معرفتش قيمة النصيحة دي و قيمة الطفاية أصلا الا لما حصل الموقف ده).

الموضوع: العربية ولعت

LinkBack

أدوات الموضوع

عرض

-

-

-

-

-

المواضيع المتشابهه

ولعت الاسعار

الصيانة ولعت

المروحة ولعت

الحمد لله على كل شىْ كنت هاموت النهاردة .العربية ولعت وانا ركباها

شقة الجيران ولعت......

الكلمات الدلالية لهذا الموضوع

المفضلات

المفضلات

ضوابط المشاركة