انا رائي انك تدخل بحوالي 50 الف في مشروع كافيه
عرض للطباعة
انا رائي انك تدخل بحوالي 50 الف في مشروع كافيه
بص بقى من الاخر حل من اتنين يا تسبهم بالبنك وتاخدالفوايد يا اما يتنصب عليك لانك معندكش خبره فى اى مجال بس ممكن راى مع انى دكتور بيطرى ممكن تستسمرهم:w6266d كروت الشحن مش بتخسر
هوه بص القاعده الاولى فالاستثمار الا تضع البيض كله فسله واحده نوع استثماراتك ونشاطاتك و المبلغ ده اصلا اوعى يكون تحويشة العمر يعني لو تحويشة العمر يبقى احسن انك تبدأ ب 100 مش بال 200 كلهم وبعدين تنوع مصادر الاستثمار حاول تاخد فكره عن الاسهم والسندات وبورصة العملات الاجنبيه الموضوع مش مكلف انك تخش بس عاوز دراسه كتير وحاول تخصصلو 5-15 % من استثماراتك ووزعها على جميع الاوراق الماليه وبكده يبقى انت عملت تقليل للمخاطر وبعدين برضو عندك بعض المجالات المضمونه اللي ممكن تحط فيها فلوسك زي الاراضي في اراضي حوالين القاهره فاماكن ممكن كمان سنه تبقى اماكن جامده وتشتريها برخيص وتبيع بالغالي وممكن ترفع او تدبلك راس المال
ودا فالاول رايي الشخصي الذي يحتمل الصواب والخطأ واله الموفق
ميكروباس تويوتا 2008 سياحه يشتغل مصر اسكندريه الاجره 20*15 = 300 فى الفرده الواحده يعنى رايح جاى 600 شيل 200 للعربيه و السواق 400*30=12000 فى الشهر
ملاحظات : فى الاعياد هتعمل فردتين او تلاته مرتاح
ايام الخميس و الاعطال فردتين
فى المصيف ميامى بتلاتين 30*15=450 يعنى رايح جاى 900
أنا اعمل فى قطع غيار السيارات الجديدة و كنت قبل ذلك مدرس ودخلت فى التجارة منذ 5 سنوات وكنت خائف جدا والحمد لله ربنا أكرمنى
كلمنى و أرجو من الله أن اساعدك رقم الموبايل 0108929121
بص يا جميل انا فى مجال قدامى وناوى ادخل فيه بس مستنى لما اخلص دراسه
وهو الاجهزة الطبية
لو تحب تتعرف على المجال ده اكتر قولى
بص حضرتك اولا مش كل الاجهزة الطبية بتكون جديده يعنى السوق بتاع المجال ده المستعمل والجديد
تمام والبلد المنشأ روسيا وامريكا والصين
والاجهزة انواعها كتير بداية من اجهزة السونار والاشعه والتعقيم وتلاجات وسراير طبية
وكل ده بيكون عليه طلب
والتخزين بيكون فى مخزن او فى اى مكان بيصلح كمخزن
والعرض ده عن طريق ناس كتير منهم دكاتره فى القصر العينى وتجار ومستشفيات ( بتمشى معارف )
برده عايز انبه حضرتك لحاجه
اولا كل دى مجرد افكار وانت هتشوف اللى يناسبك منها
وبعدين انا متفق معاك تمام ان التجاره مجال جميل جدا
بس لازم يكون عندك خلفية عن السوق واحواله ويكون عندك تصورات عن السلعه اللى ممكن تمشى فيه او لأ
ثانيا مفيش مجال تجاره بيبقى مضمون 100% يعنى دايما حط فى اعتبارك احتمال الخساره
وبعدين فى كلام كتير بيتقال عن حاله ركود فى السوق
وانا ضد الكلام ده اشمعنى احنا بنقول كده فى الوقت اللى اكبر نسبة استثمار اجنبى بتتوجه حاليا للسوق المصرى
الحكاية كليها عايزه تخطيط وتنظيم صح
وانا هقولك على اكتر من مثال
لو حضرتك متفرغ اعمل سفرية لروسيا مثلا انا رحت هناك وهما عندهم منطقة مصانع فى اوكرانيا حاجه خيال وبتاخد كتالوج من المصنع (قطع غيار مثلا) وبيبقى فيه كل الاسعار وحضرتك بتحدد الاوردر بتاعك وبتستلمه منهم وبعد كده بتشحنه وانا كان معايا تجار قطع غيار بيعملو كده وبيروحو هناك يجيبو الكونتنرات بتاعتهم بالطريقه دى اوفر ومكسب ليهم
او عندك العقارات والاراضى وطبعا ده مجال غنى عن التعريف
ممكن تعمل شركة توزيع ادوية ودى رأس مالها بيكون مش كبير وفى نفس الوقت احتمال الخساره فيها بيبقى قليل لانك بتحاسب بعد ما بتبيع
الاستيراد والتصدير بس متهيألى هتحتاج شريك معاك لانك هتحتاج رأس مال اكبر من اللى معاك
متهيألى موضوع الكافيهات والسايبر والكلام ده كله مبيجيبش همه ومشاكلهم كتير
ولو عندك حد بيفهم فى الزراعه برده دى ارباحها كويسة جدا وبتعتمد على المحصول واحسن نوعين للمجال ده هما ( البطاطس - الفاكهه)
لان الاولى انت قبل ما تزرعها بتكون متعاقد مع حد انه ياخد المحصول بتاعك وبتلتزم بزرع شتله بمواصفات معينه
والفواكه لانها الفرز الاول منها بيتصدر لدول زى روسيا لانها فى الشتا هى بتستورد لانها مبيبقاش عندها امكانية للزراعه
والفزر التانى والتالت بياخده منك تجار
واخر حاجه هقولها لحضرتك ان اللى بيبع سلعه تمنها جنيه بيحتاج يبيع 100 علشان يعمل ربح 10 جنية
واللى بيبع سلعه تمنها 10 جنية بيحتاج بس يبيع 10 علشان يعمل نفس الربح