السلام عليكم
ايه اخبار العزل الحرارى عندكوا فى اللادا 2107 2105
سىء ..........متوسط..............ممتاز
و هل العربية لو وقفت فى الشمس ساعتين بتتحول
الى صوبة زجاجية وشوية وبتقلب بسونا و
لامفيش الكلام ده خالص
وهل تكييف مجدى ولا زى قليته
عرض للطباعة
السلام عليكم
ايه اخبار العزل الحرارى عندكوا فى اللادا 2107 2105
سىء ..........متوسط..............ممتاز
و هل العربية لو وقفت فى الشمس ساعتين بتتحول
الى صوبة زجاجية وشوية وبتقلب بسونا و
لامفيش الكلام ده خالص
وهل تكييف مجدى ولا زى قليته
هو انا حطيت الموضوع فى قسم المرسيدس ولا ايه
بص يا باشا انا هتكلم عن ال 2107 لاني هي دي اللي انا جربتها ، هي اللادا طبعا ذي مانتا وصفت بالظبط لوسبتها في الحر بتتحول لصوبة بس ممكن تتغلب على الموضوع دة بوضع فامية اول درجة (0-0) وان شاء الله متعملش مشاكل مع المرور لانة ميش هيبان اوي ، وبعدين لازم يبقي معاك شماسة نوع كويس تحطها على الزجاج الامامي (بلاش الشمسات الورق استعمل المفضضة).
التكييف بقي نوعين فية الروسي كان بينزل زمان ودا الناس بتشكر فية ، وفي تكييف الحالي صيني بس بصراحة ميش اد كدة وبيعمل مشاكل على الشد بتاع العربية وبيعلي صوتها (بتنعر) ، وبيخلي العربية تطفي في الاماكن الزحمة والحل للمشكلة دي بيلعبوا في حاجة كدة في التكييف والكربرتير (ميش عارف هي اية بالظبط) بس بيعلي صوت العربية قوي وبيستهلك بنزين وبياثر على الكاربرتير جامد ، يعني بصراحة لحد كبير قوي موضوع التكييف في اللادا دة مشروع ميش ناجح قوي ، بس يعني هو ممكن يضيع الحرارة شوية بس متعتمدش على كفاءة تبريد ..:Copy of majd(4)::Copy of
العربيه بتبقى سخان!!!
لو فيها كوبايه مياه هتغلى وتعملى بيها شاى ميه ميه!!
سىء جدااا العزل الحرارى بتاعها
طاب و ما فكرتوش فى حل لمشكلة العزل دى
هو انتم بتتكلموا في العزل الحراري و لا التكييف؟؟
لو من ناحية التكييف فبصراحة مجربتوش و عشان كدة مقدرش افتي بس لو صيني يبقي يعني اكيد الروسي حيكون افضل منه.
اما من ناحية العزل الحراري فأي عربية في الحر بتبقي فرن طالما من غير زجاج فاميه.
عزلها فعلا مش كويس
بس ممكن تجيب شماسات و تحطها على الازاز
بالنسبه للتكيف انا معنديش تكييف فيها فمقدرش افيدك
هو عزلها مش أد كده
ممكن فعلا بشماسة أمامية ولو حتى ورق حتنتهى المشكلة
أنا عندى شماسة ورق اللى على شكل بكرة بتتفرد وتتلم ... ممتازة
وممكن للشبابك الخلفية تجيب الستائر البكر السوداء اللى بتتلم لوحدها لما تفتح الزجاج ولما ترفع الزجاج بتتفرد
بكده حتبقى العربية تمام
==========================
التكييف
انا عندى تكييف فى العربية وهى لادا 2107 مصرى مو 2007
التكييف مش صينى يا جماعة
التكييف عندى يابانى made in japan
ونوعه sanden
وعلى كلام البعض ان ده هو نوع التكييف اللى موجود فى اللانسر