صباح الفل على الجميع.
عربيتى لانسر البطه 1993 . هل ممكن عمل عزل صوتى للسياره . وهل يوجد مراكز أو محلات لعمل هذا العزل وأين توجد هذه المراكز .. أفيدونى ولكم جزيل الشكر.
عرض للطباعة
صباح الفل على الجميع.
عربيتى لانسر البطه 1993 . هل ممكن عمل عزل صوتى للسياره . وهل يوجد مراكز أو محلات لعمل هذا العزل وأين توجد هذه المراكز .. أفيدونى ولكم جزيل الشكر.
بص يا سيدي انا عندي نفس المشكلة بس حليت جزء منها انا كنت مستني حد يرد بس الضاهر مفيش فايدة انا معايا لانسر 92 والصوت مضايقني جدا لان كان معايا قبلها نوبيرا 2002 فطبعا الفرق كبير في الهدوء فرحت للسروجي واشتريت 1.5لباد حاجة زي الموكيت بس تقيل مخصوخ للعربيات بيتحط تحت الموكيت الاصلي للعربية انا عندي تحت الموكيت بس مش كفاية المهم خليت السروجي يشيل كل الكراسي والموكيت والعربية بقت علي الصاج وكنسها ونضفها وشال الكونسول بتاع الفتيس بقت صاج وفرش اللبيد في الارضية كلها ومن تحت التابلوة وحوالين الفتيس وخلاها زي الموكيت الاصلي بتاعها وبعدين فرش الموكيت وقفل الكراسي هتحس بفرق خصوصا في المطبات هتحس ان صوت المطب مكتوم عن الاول وصوت الماتور هيهدي بس انا عايز حاجة اقوي من كدة ولسة بدور لكن بالنسبة ليك هيبقي تمام لان انا بقارن بين الصوت في اللانسر والصوت في النوبيرا وشكرا ويريت ترد عليا وتقولي عملت اية :36_1_37[1]:
بس متهيألى كده هيزيد من سخونه العربيه خصوصا فى الصيف
ممكن كمان تغير كاوتش الأبواب
وممكن تركب اللباد تحت الكبوت وفى صدر العربيه ورا الموتور
لا بلعكس دى بكدى بيعزل الصوت والحرارة بس زى ما قالك بنسبة 50 % يعنى نص العمى ولا ............؟
فى نصيحة اخرى هى عمل العزل فى الابواب من الداخل تحت الفرش بخامة مش فاكر اسمها هى عملة زى الورق المفضفض و سمكها 3 مم
انا مجربها مع شغل الكبوت و الارضية والنتيجة الاجمالية 85% فرق عن الاول
لو شايف ان المشاركة فعالة اشكر
فى نصيحة اخرى هى عمل العزل فى الابواب من الداخل تحت الفرش بخامة مش فاكر اسمها هى عملة زى الورق المفضفض و سمكها 3 مم
انا مجربها مع شغل الكبوت و الارضية والنتيجة الاجمالية 85% فرق عن الاول
ممكن اعرف الخامة دية منين
بص الخامة دى موجودة عند محلات مستلزمات السروجى هى عاملة زى الزجاج الصوفى بس بس وش منها سلفر والتانى فومو فى منها سمكها حوالى0.5 سم واقل هات اقل سمك علشان يكون مناسب للباب
شكرا يا باشا هو بيتلصق علي الصاج ولا بيركب ازاي واسعارة اية وشكرا
شكرا يا باشا هو بيتلصق علي الصاج ولا بيركب ازاي واسعارة اية وشكرا
|اسف على التاخير فى الرد
يص ياباشا هو بيتلصق من الاطراف على الصاج
1- يقلل من الضوضاء داخل السيارة
2- يقلل من تسرب الحرارة الى الداخل
انا مش فاكر سعرة كان كام بس انا عملت السيارة كلها الابواب و الارضية و الكبوت ب 500 جنية مع شوية تظبيط فى الفرش ممكن يكلفك حوالى 100 الى 200 جنية
شكرا يا باشا علي الرد بس هي عربيتك نوعها اية وهل فرق فعلا في الصوت والحرارة ومع التكييف اية الاخبار
طيب ممكن نعرف عملتها عن مين ... لان مش كل السروجيه بيفهمو فى الموضوع ده .
نعم صحيح 90 % من السروجيه مش بيفهمو فى الموضوع ده ولا عندهم علم اساسا بية للاسف
انا جبت الموضوع دى من احد المواقع لشركة المتخصصة فى العزل للسيارات فى امريكا .
بص رقم 1 انا نزلت سألتلكم على سعر المادة العازلة هى فى حدود 10 جنية للمتر دى السمك الرفيع للابواب
بتلصق على الصاج فى الابواب ثم القرش.
اما الارضية بتوضع المادة العازلة السميكة حوالى 1سم سمكها سعر المتر فى حدود 15 جنية مع العلم معظم السروجية
بيحطوا العزل فى الدوسات فقط بس المفروض انة بيبطن الارضية كلها عند الفتيس والكنبة وكلة ثم الارضية.
وقم 3 الكبوت ودى بيشترى جاهز اسمة سقف الكبوت او بيتفصل عند السروجى
ودى بيدى نتيجة فرق عن الاول 85 % وبتحس انك راكب عربية زييييرو
اما ادا كنت طماع وعايز 100% فدى صعب اوى لاان معظم الصوت والحرارة بيدخل من الزجاج و الزجاج ومعظم العربيات الزجاج غير مقاوم للصوت والحرارة
ملحوظة المادة العازلة اللى بتكلم عليها وش منها فوم والتانى سلفر (فى مادة بترش اسفل العربية زى البلاك ضد الحرارة والصوت عند البهيجى )وبكدى انت عملت اللى عليك والباقى على ربنة
على فكرة الموضوع مش صعب انت ممكن تعملوا بايدك وتوفر فلوس السروجى
وانا تحت امر الجميع فى اى سؤال youssef.nashed@hotmail.com
شكرا يا jojooo باشا على الشرح الجميل ده
و لكن بصراحة عن نفسى انا شايف ان فك الكراسى و الكنبة و كونسولة الفتيس و تركيب الطبقة دى و تركيب كل الحاجات دى تانى هايبقى صعب على الواحد مننا ... مش كده و لا ايه ؟؟:dzey:
اعتقد السروجى هايقى اقدر على كده
و تحياتى
السلام عليكم شكرا يا باشا علي الرد وموضوع فك الكراسي والكونسول سهل جدا بس عايز عدة انا عملتة مرة بس مفكتش الكراسي عشان العدة بس الكونسول والعتي والكنبة كلة فكيتة
أنا عندى لانسر كريستالة مو98 وقريت إن ممكن أركب عازل ( لباد ) أسفل موكيت السيارة وللكابوت ( سقف كابوت ) وخلف الموتور وذلك لعزل الصوت فهل ده زى فائدة فى سيارتى وإلا السيارة مش محتاجة يعنى يكون ليه تأثير وإلا لأ لأن الحديث كان على لانسر مو92 وهل اللباد اللى ح يركب على الكابوت مش ح يسخن الموتور أرجو الإفادة
بس على فكرة موضوع (فى مادة بترش اسفل العربية زى البلاك ضد الحرارة والصوت عند البهيجى ) أخطر حاجة لأن المادة دى لما بيتم رشها بتعمل نتوء وثغرات وفتحات صغيرة لأنها مادة لزجة وبيكون نتيجة ذلك مع الخوض فى المياه والأتربة وخلافه إصابة جسم السيارة من الأسفل بالصدأ والتلف وربنا يستر
بص انت الوحيد القادر على المعرقة ادا كانت السيارة محتاجة عازل ولا
هل انت راضى عن عزل سيارتك؟
لان ادا كانت الاجابة نعم يكون ملوش لزوم وتوفر الفلوس
اما سقف الكبوت ادا كان الردياتير والمروحة بحالة تمام هيكون التاثير لا يزكر
بس هو بيسخن شوية ولا تنسى السيارة بتنزل فى معظم الاوقات بلعازل دى ومعمول حسابة
السلام عليكم
انا جبت العازل اللي ناحية فوم وناحية سلفر وركبتة في الكبوت وبعدين شلتة ثاني لاني وجدت انة بيتأثر بالحرارة
جرب تجيب اي جنب كدة وتقربة من الحرارة تجدة انكمش ولو جربت تقرب لة ولاعة تلاقي اتحرق وولع والمكان دة كلة حرارة فقلت ممكن تسخن العربية ويكرمش ولو حد مش مصدق يجرب انا لاانصح بة في الكبوت ولاكن داخل العربية مفيش مشكلة
وشكرا0
يا حسام باشا مين اللى قال ان العازل اللي ناحية فوم وناحية سلفر بيركب فى الكبوت
انا قولت انة بيتلصق على الصاج فى الابواب و الارضية
اما الكبوت بيشترى جاهز او بيتفصل عند السروجى من نفس مادة الفابريقة
انظر المشاركة رقم 17
وشكرا على تحزير السادة الاعضاء شكرا ياحسام
يا ريت لو حد يعرف سروجى كويس قريب من مدينة نصر ممكن يعمل الحوار دة يدلنا عليه
تقريبا بكام عزل الكبوت وممكن اجيبة وادية لسروجي يفصلة
سلامى لكل الاعضاء الجامدييين اوى وكنت محتاج مساعدة
انا عندى عربية لانسر وكل لما اشغل انوار العربية بتحمل على الماتور وعايز اعرف دة طبيبعى ولا مش طبيعى ولو كدة اية هو ممكن يكون العيب عندى وعايز حد يبعتلى المانيوال بتاع العربية البطة لحسن انا مش لاقية ibrahem_elkhabery@hotmail.com وشكرا لكل الاعضاء