الموضوع: سائقو القطارات لـ«النيابة»: تشغيل الجرارات الجديدة سيؤدى إلى كوارث

صعب شوية موضوع إن الإرتفاع 30 سم زيادة هيخلى الجرار يصطدم بالكبارى ، لأن فيه ناس بتسطح على العربات أحياناً زى ما أنتم عارفين وأكيد جسمهم أكبر من ال 30 سم حتى فى حالة الجلوس

موضوع الوزن ، أعتقد فرق الوزن فى الجرار بالنسبة لوزن القطار ككل هتكون لا تذكر ، طيب فيه قطار بيبقى محمل ركاب ووزنه خفيف نسبياً وفيه قكار بضاعة وقكار بينقل خامات ، وأكيد فى عامل أمان محترم فى تصميم أى كوبرى ، مش معقول فرق الوزن بين الجرار القديم والجرار الجديد هيهدم الكبارى

المشاركة الأصلية كتبت بواسطة AlmAhAtmA

بعد طبعا ما بعت العربيه بقيت اعتمد علي القطارات اسبوعيا بين القاهره و الاسكندريه

الموضوع اللي حضرتك فتحته ده فعلا اكبر دليل علي اهدار المال العام

المشكله كمان ان اللجنه الهندسيه اغفلت ان الجرارات الجديده اتجاه واحد اي كابينه مفرده و ليست زوجيه و ده معناه بمنتهي السهوله حتميه تعديل جميع محطات البدايه و النهايه اللي حتستخدم الجرارات الجديده و ده ببساطه شيئ مستحيل

احلي حاجه في الموضوع ان الهيئه دهنت الجرارات القديمه اللي شغاله علي خط مصر الاسكندريه باللون الازرق زي الجرارات الجديده علشان الناس تفتكر ان الجديد نزل الخدمه

بعد تجربه لاكثر من 6 شهور اسبوعيا ذهاب و اياب تعليقي علي حال الهيئه القوميه للسكك الحديديه (حسبي الله و نعم الوكيل)

علي فكره محطه سيدي جابر تم نقلها مؤقتا لمحطه مكشوفه و لمده 4 اشهر و السبب اقامه مول تجاري افقي علي امتداد الارصفه القديمه للمحطه و طبعا كالعاده الارصفه المؤقته لا فيها امان و لا نظام ولا اي حاجه و يجعله عامر

احلي حاجه في الموضوع ان الهيئه دهنت الجرارات القديمه اللي شغاله علي خط مصر الاسكندريه باللون الازرق زي الجرارات الجديده علشان الناس تفتكر ان الجديد نزل الخدمه

فعلا الاسبانى عاملينة ازرق والتكيفات بايظة والناس تتخانق مع الكمسرى علشان يكتب على ظهر التذكرة ان التكيف عطلان علشان يستردوا فرق التكيف الكمسرى هو الى بيزعق للناس علشان يسكتوا ؟؟؟؟؟؟؟؟؟؟؟؟

المشاركة الأصلية كتبت بواسطة Sameh

صعب شوية موضوع إن الإرتفاع 30 سم زيادة هيخلى الجرار يصطدم بالكبارى ، لأن فيه ناس بتسطح على العربات أحياناً زى ما أنتم عارفين وأكيد جسمهم أكبر من ال 30 سم حتى فى حالة الجلوس

موضوع الوزن ، أعتقد فرق الوزن فى الجرار بالنسبة لوزن القطار ككل هتكون لا تذكر ، طيب فيه قطار بيبقى محمل ركاب ووزنه خفيف نسبياً وفيه قكار بضاعة وقكار بينقل خامات ، وأكيد فى عامل أمان محترم فى تصميم أى كوبرى ، مش معقول فرق الوزن بين الجرار القديم والجرار الجديد هيهدم الكبارى

وأكيد فى عامل أمان محترم فى تصميم أى كوبرى

احنا فى مصر وجميع الكبارى الى موجودة موجودة من قديم الازل
وبعدين موضوع الارتفاع دة بصراحة انا مفهمش فية بس السواقين ادرا بس انا بلاحظ ان القطار وهو ماشى سريع بيتنطط من على القضبان يعنى حضرتك بتبص على العربية الى قدامك بتلاقيها طالعة نازلة من كتر السرعة وخصوصا فى التحويلات انا طبعا بتكلم على الديزل والاسبانى

وبعدين فى حاجة انا ملاحظها حاليا مافيش صيانة للقضبان خالص يعنى دايما كان بيبقا فى صيانة للقضبان فى كفر الدوار وكفر الزيات حاليا انا ملاحظتش اى صيانة خالص!!!!!

تمام يا أستاذ ميشو ، بس الفرق مش هيبقى طن على فكرة ، أتصور إن وزن القاطرة لا يقل عن 30 طن وبالتالى الفرق اللى بيتكلموا فيه أكيد فى حدود 10 طن مثلاً

العربيات الملاكى العادية وزنها حوالى طن ونص ، عارف العربية النقل بالمقطورة وزنها فاضى 19-20 طن بدون حمولة ولما بتحمل بتبقى حوالى 70-80 طن ، أعتقد جرار القطار أثقل من المقطورة الفارغة ، بس أياً كان مش لدرجة يوقع الكبارى ، أكيد الإعتراض عشان الجرارات الجديدة عايزة عمالة أو سائقين أقل مثلاً أو فيه أى سبب تانى مرتبات أو غيره