مواضيع كتير بتتكلم عن الكار كير بس للاسف ما قدرتش أوصل لمكان كويس من خلال تجارب الاعضاء.
انا جربت بنزينه وطنيه الاوتوستراد وبصراحه تجربه فاشلة وغير محترفين بالمره
ياريت اللي جرب مكان كويس يقولنا
عرض للطباعة
مواضيع كتير بتتكلم عن الكار كير بس للاسف ما قدرتش أوصل لمكان كويس من خلال تجارب الاعضاء.
انا جربت بنزينه وطنيه الاوتوستراد وبصراحه تجربه فاشلة وغير محترفين بالمره
ياريت اللي جرب مكان كويس يقولنا
ايه يا رجاله محدش جرب كار كير قبل كده
ولا رد في الموضوع ؟!!!!!!!!
السلام عليكم يا اخي
انا عن نفسي مشترك في محطه موبيل مصر الجديده ال اما المحكمه بامانه محطه محترمه جدا وفيها خدمات كتير وممكن كمان تعمل كرت عضويه 100ج بس وتستفيد بي 12 غسله بودي لسياره مجانا وكمان في مع كارت اخر يشمل علي خصم 40 % من اي خدمه تانيه مثل عمل بولش او معطر او تنظيف سقف او ارضيه وحجات كتير اوي وكمان كل ماتروح اكتير بتجمع نقط وتكسب هدايا اما الحاجه ال عجاباني هي اي حد من اصحابك ممكن يستفيد بهذا الكارت يعني مش بتاعك انته بس
شكراً لاهتمامك يا اسلام
كنت عايز اسألك بس هل في عندهم غسيل الصالون و الفرش الداخلي بالبخار. وهل يتم فك الكراسي و الفرش الداخلي لتنضيف الارضية.
وارجو من باقي الاعضاء التفاعل
شكرا للمعلومة الجميلة
ماقولتش حضرتك ساكن فين او مكان عملك علشان تلاقى ردود تناسب مكانك لو قريب من المعادى فى هناك كتير
.
انا قريب جدا من المعادي
مين في المعادي كويس ؟؟؟!!!
غير بنزينه كالتكس اللي فشارع النصر عشان جربتها وطلعت تعبانه
اعتقد ان في واحد اخر شارع 9 بين الثكنات و طرة تقريبا قبل الكوبري بس انا جربت بنزينة موبيل على الاوتوستراد قرب المطار كويسة جدا و تقوم بغسيل الصالون و الفرش الداخلي وتنضيف الارضية.
بنزينة وطنية فى شارع ذاكر حسين فى مدينة نصر بعد جمعية الوفاء و الأمل. أنا جربت غسيل المتور جاف و كانوا كويسين. أعتقد هتلاقى عندهم اللى انت عاوزوا
دورت كتير .. و شفت كتير .. و ملقتش أحسن من إن أعملها بنفسي .. بشتري حاجات الكار كير كلها و أديها .. و الموضوع سهل تاخد بتاع 7 ساعات كدة :k38:
بص ياباشا
لو انت تعرف شارع مزرعة البط اللى فى احمد ذكى وقدام البنزينه على طول تدخل شارع مزرعة البط ده هتلاقى اول شارع شمال فيه مجرد ماتدخله هتلاقى محل كبير كار كير واخد اليمين والشمال كمان قصاد بعض غسيل وتشحيم وتغيير زيوت وخدمه ممتازه احسن من اى بنزينه
واسعاره مهاوده جدا وهيعجبك شغلهم ان شاء الله وانا بتعامل معاهم على طول
لا للاسف معرفوش .... بس اللي يسأل ميتهوشاقتباس:
لو انت تعرف شارع مزرعة البط اللى فى احمد ذكى وقدام البنزينه
اوعى يكون ده اللي اسمه السني ؟؟!!
انا جربت وطنيه في اوتوستراد مساكن شيراتون
ووهي عامه زي الفل
احب اضيف لصاحب الموضوع انت مطالب انك لما تلاقي حاجه مش عاجباك تقولهم ويعيدوها مليون مره لحد ما تنضف
مش تسيبهم وتمشي وبعد كده تقعد تطلع في عيوبهم
انا عموما فين وفين لما بعمل كار كير بينضف الباب مره ويفضل وسخ
وانا بقعد على دماغهم كلهم لا ياحبيبي تنضفه تاني وتالت لحد ما ينضف
هما بياخدوا 85 جنيه ده غير اني بديهم تبس ما لايقل عن 10 جنيه
يعني لازم متمشيش من هناك الا وانت مرضي تماما
الا لو في حاجه ممكن متطلعش زي مثلا زيت بقع ونشف مش هيطلع الا بصعوبه شويه حاجات زي كده
اكيد انا بحاول اعمل اللي حضرتك بتقول عليهاقتباس:
احب اضيف لصاحب الموضوع انت مطالب انك لما تلاقي حاجه مش عاجباك تقولهم ويعيدوها مليون مره لحد ما تنضف
بس انا فتحت الموضوع اصلا عشان كلنا نعرف الاماكن المتميزه ونتعامل معاها
يعني انا مره شفت في الحرفيين محل كار كير صغير بس واضح انهم محترفين مش هتحتاج انك تفضل واقف قدامه تعرفه شغله
لدرجه انهم كانو بيفكو الكراسي و تطلع بره العربيه تتنضف بره وفرش العربيه بالكامل يتظبط ............
فلو حد جرب يعمل الموضوع ده في الحرفيين يقلنا تجربته
بس المهم بيرجع الكرسى زى ماكان؟؟
فى واحد فى مصر الجديده عباره عن جراج عند نادى الشمس شغلهم ممتاز جدا بس لسعارهم لا تقل عن 150 جنيه لو مستعد تروح ابقى اوصفلك مكانهم
انا محتاج حد بتاع كار كير لان السقف عندي و الدواسه بقي لونهم اسود و هما المفروض رمادي فاتح ممك اعرف انضفهم فين و بكام و شكرا ليكم
عن تجربه وخبره مع بتوع الكار كير
افضل كار كير في مصر هو
برفكت كار كير صاحبه كان عايش بره وشغال باحترافيه وشغلهم عالمي وبيستخدموا منتجات اسمها ميجوايرز انا جربته واصحابي قوق الممتاز
عنوانهم
ش عبد المنعم رياض المهندسين بجوار بنك فيصل الاسلامي
برفكت كار كير اسمهم
وبالنسبة للاخ اللى وصف كار كير عند احمد زكى امام البنزينة اول شمال
ممكن تقولى اسم الكار كير ده بالظبط ايه علشان انا من سكان المنطقة دى