هتبقى frv ولا new accent

انا عايز اشترى عربيه لاول مره -يعنى مكنش عندى عربيه قبل كده- بس بصراحه عاجبنى شكل الـ frv جدا وشايفها عربيه شيك جدا بس فيه ناس بتشككنى فيها وبيقولى الnew accent جميلة جدا .بس انا عايز اجيب ال frv
مش عارف اعمل ايه ف حين ان الاتنين تقريبا قريببين م بعض ف التمن
ع فكره هجيبها قسط وممكن ادفع لحد 35000 ها اعمل ايه وده مقدم كويس ولا قليل ولو كده ع 5 سنين هدفع كم شهرى كده يعنى ياريت اللى عنده معلومه يفيدنى
انا لما بشوف حد سايقها ف الشارع ببقى عايز اوقفه اساله عنها .هههههههههههههه
انا جديد ع المنتدى ياريت تفيدونى :U_thin1[1]:

R E N D E R

النيو اكسنت احسن و اضمن من جميع النواحي

فى حاجات كتيرة اهم من الشكل و لغاية دلوقتى محدش يقدر يحكم على ال frv
لو عندك استعداد للمخاطرة اشتريها
لكن النيو اكسنت صفقة مضمونة و هتبقى عارف انت اشتريت اية مقابل فلوسك و هى فعلا عربية محترمة و تستاهل

اااااااااااااه كلامكم صح بس عاجبانى ال frv اكتتتتتتتتتتررررررررررر

عاجبانى اوى الحكمه اللى انت كاتبها يا ezzatfox

سيدى الكريم
مرحبا بك فى منتدى البريليانس
والحمد لله لى الشرف ان ربنا اكرمنى بال Frv والحمد لله على نعمته..
مش حقولك انها أجمل عربية ولكن حقولك عن احساسى وتجربتى معاها
العربية من حيث الشكل اظن انها من اشيك العربيات فى الفئة دى وفى فئات أخرى أغلى منها تصميمها شيك جدا وشبابية جدا وخطوطها ناعمة وتديك ايضا احساس بالقوة من الواجهه القوية للعربية .
من الداخل السيارة واسعة جدا بشكل غير عادى وقعدتها مريحة جدا وصالونها فخم وتقفيلها جيد وانيقة , بجانب ان الشنطة واسعة متحسش انها هاتش باك والسبب ان العربية طولها 4.210 متر أطول من اللانوس بواحد سم مع العلم انها هاتش باك واللانوس سيدان وطبعا قاعدة عجلتها عريضة وده بيديها ثبات 2.580 متر وعرض السيارة 1.755 متر .
طبعا لو حنتكلم عن الإمكانيات فحدث ولا حرج ...بس حسيب النقطة دى بعد مكلمك عن ادائها...
العربية ما شاء الله سحبها ممتاز جدا والتسارع عالى جدا وناعمة وثبات ممتاز تحس اكنك راكب سيارة المانى فى الثبات ويمكن ده علشان العفشة بتقنية شركة بورش بس على فكرة العفشة ناشفة شوية ودى بيدى ثبات اكتر حتى فى الملفات الحادة..
بجانب الفرامل القوية طبعا ربنا يستر بس فرامها تسعفك فى المواقف الطارئة والمدعمة بال Abs,ebd .
السيارة يتم تصنيعها فى الصين وهى أفضل سيارة فى الصين وتنتج بمصانع Bmw وهو نفس المصنع اللى بينتج الفئة الخامسة الصينية بجانب ان السيارة تقوم بتسويقها البفارية والصيانة بمراكز خدمة Bmw وضمان ثلاث سنوات أو ستون ألف كيلومتر وكونها بتصنع فى الصين فجميع موديلات السيارات لها مصانع بالصين ..
الجميل فى الأمر ان أى شكوى تحدث من دفعة فى العربية الدفعة التى تليها يتم تفادى الشكوى تماما وتحتوى السيارة على موتور ميتسوبيتشى صنع الصين وعفشة بتقنية بورش الألمانية وعندما تفتح الكبوت وتنظر داخل السيارة ستجد حساسات كثيرة من صنع شركة بورش وبعضها صناعة ألمانية .
اليك مواصفات السيارة Gl...

طول السيارة : 4.210 متر
عرض السيارة : 1.755 متر
ارتفاع السيارة : 1.460 متر
قاعدة العجلات : 2.580 متر
وزن السيارة : 1350 كجم
------
المحرك : ميتسوبيشي 4g18
1584 سي سي
4 سلندر
نسبة الانضعاط : 9.5
Sohc
101 حصان
138 نيونتن.م عزم
بنزين 93 ( يعني 92 من الاخر )
---
ناقل الحركة : يدوي 5 سرعات
--
مقاس العجلات :
195/65r15 مقاس عريض وجنوط عريض بيدعم الثبات
--
المواصفات و الكماليات :
- ايرباج السائق
- ايرباج الراكب الي قدام
- سنتر لوك
- باور
- أحزمة أمان لجميع الكراسى
- Abs
- Ebd
- تعديل وضع الدركسيون ( فوق - تحت)
- امكانية طي الكراسي الخلفية
- كاسيت سي دي اوديو و Mp3 ذو جودة رائعه
- 2 سماعة أمامية وصوتهم قوى جدا ما شاء الله
- 2 زجاج كهرباء أمامى
- تكييف عادي بس قوى
- السيارة عندما تصل سرعتها 20 كم/س يقوم السنتر بغلق الأبواب أتوماتيك وعند سرعة 25 كم/س تطلب منك ربط الحزام ولكن بالصينى.

---------------
الاداء :
من صفر الي 60 كم في الساعة في 5 ثواني
من صفر الي 100 كم في الساعة في 12 ثانية
-----

استهلاك البنزين :
داخل المدينة 9 لتر لكل 100 كم. ده عن تجربتى الشخصية
خارج المدينة 6.5 لتر لكل 100 كم . ده عن تجربتى الشخصية
------------------
اظن كده ان حاولت واصلك صورة عن السيارة ويبقى عليك استخارة الله
واذا كنت محتاج نصيحة فالسيارة معايا عاملة 2480 كم وماشاء الله بحبها كل يوم عن اليوم اللى قابله.

وأى استفسار فى الخدمة...

شكرا على المعلومات القيمة وأجمل حاجة أنك حابب السيارة ربنا يحفظها لك على العموم فيه شوية استفسارات عنها 1- استهلاك البنزين الذى ذكرته مع التكييف 2- سعر السيارة كام الأن 3- أخبار التوكيل وقطع الغيار متوافرة وأسعارها ايه 4- أخبار السيارة مع مالكيها اذا كنت توجهت لصيانتها مع خالص تحياتى

لا شكر على واجب وشكرا على مجاملتك ودعاءك
وبخصوص استفسارك...
1- الإستهلاك ده مع التكيف وده كويس.
2- السعر Gl بس 75000 وال Gls 80000 بس التسليم الفورى بيزيد ممكن 2000 أو 3000 .
3- التوكيل رااائع وقطع الغيار بصراحة معنديش فكره عنها بس فى ناس من المنتدى سألت وعرفت انها معقولة.
4- بصرحة حاجز صيانة يوم الخميس القادم إن شاء الله بس اتعاملت معاهم كان عندى طقطقه خفيفة مع الفرملة القوية حجزت فى مركز الخدمة ورحتلهم بصراحة استقبلونى وكيسوا العربية وحلوا المشكلة فى ساعة زمن وسلمونى العربية زى الفل من غير ولا مليم.
وربنا يكرمكم وتشتروها..

شكرا ياباشا على سرعة الرد بس أنا شايف أن سعر gls أصبح مقاربا جدا لسعر الجين 2 وبالتالى أصبحت المقارنة بينهما فى غاية الصعوبة لأن فيه الكثيرين بالمنتدى بيشكروا فى الجين جامد وبخاصة أن السيارتين لهما نفس الطابع على ماأظن وأعتقد أن الأمر محتاج دراسة موضوعية للسيارتين مع خالص تحياتى

بصراحة مجربتش الجين 2 ومقدرش احكم عليها بس ممكن تدخل وتشوف تجارب الناس عليها وتحكم بنفسك.
وبردك فى الخدمة

فعلان العربية كويسة و لغاية دلوقتى مشية كويش و انتشؤت انتشار سريع
انا عندى معلش سؤال يا مشمش انت بتقول عند 25 كم/ساعة بيقولاك على حزام الامان دة فين هو فية العلامة بس الى انت بتقولة دة فين ؟؟؟؟
و معلش عندى شؤال تانى هو الكاسيت بيقلب فولدارات اصل عندى بيقلب كل 10 اغانى فهل هو كدة ولا ليها طريقة تتعمل

بصراحه انا متشكر جدا ع المعلومات منكم كلكم بس محدش رد عليا ف موضوع المقدم والقسط

اقتباس:

---

المشاركة الأصلية كتبت بواسطة castelo

فعلان العربية كويسة و لغاية دلوقتى مشية كويش و انتشؤت انتشار سريع
انا عندى معلش سؤال يا مشمش انت بتقول عند 25 كم/ساعة بيقولاك على حزام الامان دة فين هو فية العلامة بس الى انت بتقولة دة فين ؟؟؟؟
و معلش عندى شؤال تانى هو الكاسيت بيقلب فولدارات اصل عندى بيقلب كل 10 اغانى فهل هو كدة ولا ليها طريقة تتعمل

---

بص يا سيدى اذا كنت ماشى ومش مركب حزام الأمان السائق لما السرعة تجيب 20 كم العربية بتقفل السنتر متفقين؟؟
وبعديها لما سرعة العربية توصل 25 كم بتسمع صوت وحده ست بتتكلم بالصينى والصوت ده بيظهر فى حالة السائق مش مركب حزام الأمان وخدبالك كده وختسمع الست دى.
بخصوص بيقلب كل 10 أغانى علشان التراك الواحد MP3 بياخد 10 أغانى عادى يعنى.
وادى الإيميل بتاعى لو عاوز تراسلنى
mostafa_hessen@hotmail.com

اقتباس:

---

المشاركة الأصلية كتبت بواسطة render

بصراحه انا متشكر جدا ع المعلومات منكم كلكم بس محدش رد عليا ف موضوع المقدم والقسط

---

ممكن تقسط عند أبوغالى والتقسيط عندهم ب 6 % وممكن فى أى معرض بس سعر الفائده بيزيد
أبوغالى بيشترط عليك تدفع 30 % والباقى ب 6%
يعنى اذا كانت السيارة ب 75000 بدون زيادات:dontudear:
حتدفع 22500 مقدمة والباقى52500 حتزود عليه 6% * 5 سنوات =30% حيبقى الإجمالى الباقى =68250 / 60 شهر = 1137.5 جنيه شهرى
ده خلاف 500 جنيه مصاريف استعلام +1750 تأمين أول سنة +150 جنيه ورق العربية من الدراسة+ 650 تراخيص أول سنة ويبقى مبروك عليك العربية .
الملخص ...
جملة المطلوب عند التعاقد مع البنك
500 استعلام +1750+32 دفتر شيكات =2282 جنيه
جملة المطلوب عند استلام السيارة
22500 مقدمة تدفع فى المعرض+150 ورق السيارة +50 جنيه اكراميات =22700 جنيه
المطلوب لترخيص السيارة 650 جنيه
المطلوب شهرى 1137.5 جنيه قسط شهرى .
وتحت أمرك فى أى استفسار الكلام ده ينطبق على أبوغالى والبنك العربى الأفريقى وحيختلف من بنك لبنك حسب معدل الفائده بس الحسبة بنفس الطريقة .

اولا : انصحك بالجين2 صفقة أربح مع احترامي للسيارتين اللي بتقارن بينهما زي ما قال الأخوة

ثانيا :بالنسبة لموضوع التقسيط , حاول يكون المقدم 50 % أو أكثر من ثمن العربية
وحاول أن يكون القسط الشهر 33% أو أقل من متوسط دخلك الشهري

انا معنديش الصوت دة بس مش مهم ملوش لزمة
وبالنسبة للسيدهات انا قصدى هل هوا بيقلب فولدارات ولا لاء ؟؟؟؟

بالنسبة لموضع ال mp3 انا عندي الدفعة الثانية الCD Aduio و فعلا بيقلب 10 اغاني لما تدوس علي زرار forward بس في البكرة الي علي اليمين مكتوب عليها audio لفها يمين تجري اغنية واحدة و شمال ترجع اغنية.
كمان عايز اقول لكم حاجة مهمة جدا قبل ما تروحوا التوكيل اكشف علي مقياس زيت الموتور علشان تتأكد من الكلام دة لانهم في التوكيل بيحطوا 4 كيلو زيت و هيا بتأخذ 2.75 كيلو من غير الفلتر يعني 3 كيلو تقريبا بالفلتر. راجع المقياس قبل و بعد الصيانة الاولي, لو كنت عملت الصيانة روح المعرض و خليهم يفتحولك عربية زيو تشوف الزيت واصل لفين في المقياس.

ربنا يباركلك هو دة الموضوع

اقتباس:

---

المشاركة الأصلية كتبت بواسطة smax

بالنسبة لموضع ال mp3 انا عندي الدفعة الثانية الCD Aduio و فعلا بيقلب 10 اغاني لما تدوس علي زرار forward بس في البكرة الي علي اليمين مكتوب عليها audio لفها يمين تجري اغنية واحدة و شمال ترجع اغنية.
كمان عايز اقول لكم حاجة مهمة جدا قبل ما تروحوا التوكيل اكشف علي مقياس زيت الموتور علشان تتأكد من الكلام دة لانهم في التوكيل بيحطوا 4 كيلو زيت و هيا بتأخذ 2.75 كيلو من غير الفلتر يعني 3 كيلو تقريبا بالفلتر. راجع المقياس قبل و بعد الصيانة الاولي, لو كنت عملت الصيانة روح المعرض و خليهم يفتحولك عربية زيو تشوف الزيت واصل لفين في المقياس.

---

على فكرة أخى الكريم الكاتالوج فيه ان العربية بتاخد 4 لتر زيت وده قرأته بنفسى فى الكتالوج واظن انهم مش حيكتبوا كلام مش سليم .

هوا فعلا كاتالوج الfrv كاتب بتاخد 4 لتر و خلي بالك دة لكل الموديلات 1.3literو 1.6 و 1.8 بس في كاتالوج ال splendor مكتوب 2.75 لتر و بعدين المهم المقياس بتاع الزيت لما حطوا ال 4 لتر في التوكيل لقيت الزيت اعلي من الmaximum بتاع المقياس بحوالي 3 سم, و بعدين مبقيتش فاهم اة المضبوط المقياس و لا كتالوج الfrv ,و لا كتالوج splendor فروحت المعرض و شوفت مقياس الزيت في عربية زيرو لاقيتة علي الmaximum بالضبط و يتهيئلي هو دة المضبوط.

اقتباس:

---

المشاركة الأصلية كتبت بواسطة castelo

انا معنديش الصوت دة بس مش مهم ملوش لزمة
وبالنسبة للسيدهات انا قصدى هل هوا بيقلب فولدارات ولا لاء ؟؟؟؟

---

بصراحة مجربتس الفولدرات لأنى بحط الملفات على Rote بس أجرب وأشوف

اقتباس:

---

المشاركة الأصلية كتبت بواسطة smax

هوا فعلا كاتالوج الfrv كاتب بتاخد 4 لتر و خلي بالك دة لكل الموديلات 1.3literو 1.6 و 1.8 بس في كاتالوج ال splendor مكتوب 2.75 لتر و بعدين المهم المقياس بتاع الزيت لما حطوا ال 4 لتر في التوكيل لقيت الزيت اعلي من الmaximum بتاع المقياس بحوالي 3 سم, و بعدين مبقيتش فاهم اة المضبوط المقياس و لا كتالوج الfrv ,و لا كتالوج splendor فروحت المعرض و شوفت مقياس الزيت في عربية زيرو لاقيتة علي الmaximum بالضبط و يتهيئلي هو دة المضبوط.

---

عموما حسأل فى الموضوع ده واجيب الخبر اليقين
وألف شكر على الملاحظة الهامة

اقتباس:

---

المشاركة الأصلية كتبت بواسطة meshmesh78

ممكن تقسط عند أبوغالى والتقسيط عندهم ب 6 % وممكن فى أى معرض بس سعر الفائده بيزيد
أبوغالى بيشترط عليك تدفع 30 % والباقى ب 6%
يعنى اذا كانت السيارة ب 75000 بدون زيادات:dontudear:
حتدفع 22500 مقدمة والباقى52500 حتزود عليه 6% * 5 سنوات =30% حيبقى الإجمالى الباقى =68250 / 60 شهر = 1137.5 جنيه شهرى
ده خلاف 500 جنيه مصاريف استعلام +1750 تأمين أول سنة +150 جنيه ورق العربية من الدراسة+ 650 تراخيص أول سنة ويبقى مبروك عليك العربية .
الملخص ...
جملة المطلوب عند التعاقد مع البنك
500 استعلام +1750+32 دفتر شيكات =2282 جنيه
جملة المطلوب عند استلام السيارة
22500 مقدمة تدفع فى المعرض+150 ورق السيارة +50 جنيه اكراميات =22700 جنيه
المطلوب لترخيص السيارة 650 جنيه
المطلوب شهرى 1137.5 جنيه قسط شهرى .
وتحت أمرك فى أى استفسار الكلام ده ينطبق على أبوغالى والبنك العربى الأفريقى وحيختلف من بنك لبنك حسب معدل الفائده بس الحسبة بنفس الطريقة .

---

متشكر جدا ع الاضافات الجميييييييييله قوى دى
بس انا رحت اوماترا بتاع فيات قاللى البنوك بتاخد اقل حاجه 8 وقاللى ممكن توصل 10 % كمان
بس انا ممكن ادفع مقدم كبير يوصل 35000 او 40000

اقتباس:

---

المشاركة الأصلية كتبت بواسطة render

متشكر جدا ع الاضافات الجميييييييييله قوى دى
بس انا رحت اوماترا بتاع فيات قاللى البنوك بتاخد اقل حاجه 8 وقاللى ممكن توصل 10 % كمان
بس انا ممكن ادفع مقدم كبير يوصل 35000 او 40000

---

ربنا يوفقك

انا عن نفسى لو فكرت اشترى عربية تانى هجيب الfrv

اقتباس:

---

المشاركة الأصلية كتبت بواسطة meshmesh78

عموما حسأل فى الموضوع ده واجيب الخبر اليقين
وألف شكر على الملاحظة الهامة

---

meshmesh باشا عايز اعرف قالولك اية في التوكيل في موضوع زيت الموتور ال4 لتر.
شكرا

اقتباس:

---

المشاركة الأصلية كتبت بواسطة meshmesh78

عموما حسأل فى الموضوع ده واجيب الخبر اليقين
وألف شكر على الملاحظة الهامة

---

انا عندى مستوى الزيت مظبوط عند الmax وهما كاتبين فى الايصال بتاع الصيانة انهم زودوا العربية 4لتر زيت
بس نفسى اعرف بيحطوا زيت نوعة ايه؟

اقتباس:

---

المشاركة الأصلية كتبت بواسطة khaledazizeg

انا عندى مستوى الزيت مظبوط عند الmax وهما كاتبين فى الايصال بتاع الصيانة انهم زودوا العربية 4لتر زيت
بس نفسى اعرف بيحطوا زيت نوعة ايه؟

---

متأكد انه علي الmax و لا اعلي منة ب1 سم تقريبا!
هما بيحطوا تقريبا زيت شيل الي بيقعد 10000 كم.

اقتباس:

---

المشاركة الأصلية كتبت بواسطة smax

متأكد انه علي الmax و لا اعلي منة ب1 سم تقريبا!
هما بيحطوا تقريبا زيت شيل الي بيقعد 10000 كم.

---

انا متأكد وبكرة ان شاء الله هشوفه تانى

جيب البريليانس عربية جامدة جددددددددددددددددددددددا