السلام عليكم ياوحوش
انا عندى مشكله انوا فى صوت رجه قدام بحس بيها فى الحفر وسكة المترو مثلا كأن حاجه مفكوكه وانا كنت قلتلهم فى التوكيل وقالولى مساعدين بس انا غيرتهم واختفت الرجه وبعد اسبوع رجعت تانى.
ايه تشخيصكم للمشكله دى؟؟؟؟؟؟؟؟؟؟
عرض للطباعة
السلام عليكم ياوحوش
انا عندى مشكله انوا فى صوت رجه قدام بحس بيها فى الحفر وسكة المترو مثلا كأن حاجه مفكوكه وانا كنت قلتلهم فى التوكيل وقالولى مساعدين بس انا غيرتهم واختفت الرجه وبعد اسبوع رجعت تانى.
ايه تشخيصكم للمشكله دى؟؟؟؟؟؟؟؟؟؟
لازم تجربة يا باشا......بس غالباً هتبقى فى المقابلة أن شاء الله.
لو مستعجل روح لكار بويز فى أخر طريق السندباد عند حمدى لادا
أسأل على المهندس خالد غازى و قوله جايلك من طرف أحمد عبد المقصود.......متقلقش منه خالص....أنا معظم شغل العفشة بعمله عنده من أيام أول عربية ليا لحد الميجان بعد لما طلعت من الضمان.
ممكن تكون علبة الدركسيون يا باشا .... اكسر الدركسيون عالأخر و شوف بيطلع صوت تكة كده و لا لأ
انا كمان عاليمين عندي صوت كركبه
بس ما عنديش التكه لو لفيت يعني مش الكبالن
ممكن العفشه عايزه تربيط ولا ايه؟؟؟
كانت عندي يا باشا قبل كده ولما كشفت في التوكيل قالي انها عايزة يتغيرلها البيضة وجلب المقصات وغيرتهم والصوت اختفى بعد كده ...
ماشى يا كبير......بس أبعتلى تليفونك على الخاص
واضح إننا هانكون كتير هناك
يا جماعة من باب الأحتياط مش أكتر, راجعوا على صواميل ربط الكواتشات, عسان حصلت معايا كام مرة و طلع صامولة مفوتة أو مش مربوطة كويس, خصوصا لو كنت لسه عامل أى شغل و اضريط أحل و أربط فرد الكاوتش.
بالنسبه يا جماعه للرجرجه ممكن تكون من شدادات عمود الشكمان محلوله او حاجه. وممكن احيانا العلبه الصاج اللي فوق علبه الشكمان انا حصل معايا كده ولما رحت اربطها لقيت شدادات الشكمان محلوله علي الاخر وكانت علبة الشكمان حتقع في الارض. لما ربطها راحت الرجرجه
أنا رحت كاربويز النهاردة الساعة 12 الضهر كانوا قافلين ومافيش حد خالص موجود جنبهم علشان أسأل على المواعيد
همة بيقفلوا يوم السبت؟؟
أنا عايز أكشف على حاجات كتير من باب الإطمئنان
و لو عايز أجيب بوجيهات سبليت فاير, موجودة عندهم و لا أجيبها من برة؟
السلام عليكم ورحمة الله انا عاوز اشرحلكم موضوع الصوت اللى بييجى فى المطبات بعد اذن الاخوة وارجو ان تستفيدو وارجو بعد التجربة وظهور النتيجة ان شاء الله تدعون لى السر يكمن فى السكاترا او علبة الدركسيون بمنتهى البساطة بها جلبة من خامة التيفلون بالجانب الايمن وانت جالس على الدركسيون هذه الجلبة ضعيفة فى هذه الارض المليئة بالحفر والمطبات اما بالجانب الايسر فيوجد رجلاش الاسكاترا عبارة عن سوستة ومكبس لاحكام اكس الاسكاترا قم بفك الاسكاترا مع مراعاة الفلات كيبل للايرباج وهو موجود تحت طارة الدركسيون مباشرتا واجعل الدركسيون مغلق ثم بعد ذللك قم بعمل جلبة بدل التالفة واكبسها وتكون محكمة ثم ارجع كل حاجة لمكانها وتحذير من لف الدركسيون والاسكاترا محلولة لان هذا سيؤدى الى قطع شريط الفلات الموجود تحت الدركسيون مما يؤدى الى اضاءة لمبة السرفيس والاير باجز ويتطلب تغييره وهو 1800 جنيه وارجو ان يقوم بها متخصص ولاتنسو الدعاء وهذا ما اعلم والله اعلى واعلم محمد الحرفة
بس انت بتتكلم بس عن الرينو هنا, مش كدة؟ (بما إننا فى منتدى الرينو)
بس للأسف أنا معايا لانسر
انا اسف جدا لكن انا مقدرش اتعرض لمشكلة الانسر لان الموضوع مختلف وسوف يطول شرحه لان الرينو البور الخاص بها موجود بعمد الدركسيون والاسكاترا حلها وتقفيله بسيط وغير مكلف اما الانسر البور الخا بها بور هيدروليك وليس بور كهربا وده هيصعب الشرح شوية ثم ان حل الاسكاترا فى الانسر عادتا بيحتاج تغيير طقم اصلاح اسكاترا وده بحوالى 650 جنيه لان علشان اوصل للجلبة الى بتعمل الصوت لازم افك بعض الازاء فى نفس السكة وبالتالى بتبوظ علشان كده بتحتاج طقم الاصلاح وشكرا جزيلا محمد الحرفة الاسكندرية
أستاذ محمد الدسوقى
معلش حرتك رحتلهم بدرى شوية.....أنا رحت الساعة 2:30 و كانو فاتحين.......غالباً فتحوا متأخر النهاردة.....خيرها فى غيرها أن شاء الله.
أستاذ محمد الحرفة.....كلام حضرتك هايل بس يا ريت لو فى شرح تفصيلى أكتر و يا سلام لو بالصور كمان......جزاك الله خيراً.
ان شاء الله رب العالمين............ عن قريب جدا سوف اضع لجميع اخوانى ملاك الرونو وليست الرينو بعد حصرى لجميع مشاكلها وحلوللها بتوفيق من الله عز وجل لاثبات مدى قدرة تلك السيارة الرائعة ومدى قدرة هؤلاء المهندسين المحترمين العاكفين على العمل والاخلاص ومدى احترام هذه الشركة الحكوميةالكبيرة واشكر كل من اهتم وقرا موضوعى المتواضع واشكر كل من قام بالرد ولاتترددوا فى طرح اى مشكلة وان شاء الله يوفقنى الله فى حلها والسلامو عليكم
رحت كاربويز النهاردة
شكلهم ناس محترمة فعلا
بس لسة بافكر فى كلامهم و لو هاعمله عندهم أو فى التوكيل
ـــــــــــــــــــــــــ ـــــــــــــــــــــ
يا باشا حل مشكلتك عندى .........
انا معايا اللوجان وكان فيها نفس مشكلتك
كنت بسمع رجة ورا وقدام...........
لما رحت التوكيل قالولى مفيش فيها حاجة فرحت لواحد معرفة بس شاطر .
قالى ان فلا صاجة تحت ورا عند الباب اللى ورا مش مربوطة كويس .
وقالى ان الكارتيرة اللى قدام(القاعدة اللى تحت الموتور) مش مربوطة كويس .
فقام بإعادة تربيطهم وبعديها لم اسمع اى صوت .:S_thum1[1]: