حسبنا الله ونعم الوكيل
عرض للطباعة
حسبنا الله ونعم الوكيل
والله انا عندى لما عجلة بتتخرم باخد الاستبن بتاع العربيه التانيه وامشى بيه لحد ما اروح لبتاع الكاوتش اللى بتعامل معاه فقط وعمرى ما اعملها عند واحد ماعرفوش لان واحد ابن حلال قبل كده عمل خابور فى فرده وبوظها ومن ساعتها حرمت حتى بزود الكاوتش بالكمبروسر بتاع فيشة الولاعه لان خلاص مبقاش فى ضمييييير
بص ياباشا اللى هايفيدك المهندس نجاد مسؤول فى بريدجستون fit&fix
شوف الموضوع ده وهو بيشرح فيه كل حاجة بتخص الكاوتش
http://www.nilemotors.net/Nile/showthread.php?t=31221
اتمنى اكون افادتك :)
ويجعله عامر
حسبي الله ونعم الوكيل
مش هزود في بنزينة مهما حصل
دة غيير اني الي بيزود بيزود وخلاص ممكن يخليها 30 او 45 مش في بالهم اي حاجة
انا اشتريت كمبروصر صغير وحطيتة عندى ى الجراج و بزود بيه عجل عربيتى تفاديا للمشكلة دى
و حسبى الله و نعم الوكيل فيهم
بصراحة انا لما بسافر اسكندريه بظبط الكاوتش عند بنزينة امارات مصر
اول طريق مصر اسكندريه الصحراوى عند كارفور قبل الكارتة بتاعت البوابة
بجد توحفة فى جهاز هناك توحفة بتكتب الرقم اللى عايز تظبط عليه مثال
بكتب 30 وبحط الخرطوم ونظام شاشة بيقولك الكاوتش متذود على كام ناقص او زيادة
لو زيادة بينقصة ل 30 لو ناقص بيزود على 30
حد جرب قبل كده الموضوع ده ؟!
ويجعله عامر
لا حول و لا قوه الا بالله
و الله حاجه تزعل :( :(
لازم يكون لك واحد بتاع كاوتش ثقة تتعامل معاه
ولو اضطريت تتعامل مع حد تاني يبقى يغيرلك الفردة بالاستبن فقط
ولو لازم يبقى انت تنزل من العربية وتفضل واقف جنبه ... ح يقولك اكسر العجل يمين او شمال ما تسمعش كلامه ...هو بس عاوزك تبعد عنه لغاية ما ينفذ جريمته
انا اتعمل معايا نفس الموضوع ده من سنه فاتت