-
الجيتز Vs السيريون
سلامو عليكم.
انا ممكن ادفع من ٧٠،٠٠٠ ل ٧٦،٠٠٠ متهيألى الموجود فى السعر ده الرينو كليو و الهيونداى جتز و الدايهاتسو سيريون.
انا ركبت الرينو كليو و حاست انها ديقه جدا، فايه رآيكو السيريون افضل ولا الجتز مع الاخذ فى الاعتبار انى بسافر المنصورة كتير و عايز عربيه تستحمل و تكون موفره فى البنزين. :lol:
نقل للمقارنات بواسطتي
مشرف هيونداي
-
سيريون و انت مغمض 8)
العربية يابانى 100%, ضمان اطول (100 كم او 3 سنوات), و كيل احسن من غبور. ثبات ممتاز, موتور قوى و فى نفس الوقت موفر فى البنزين, واسعة جدا من جوة برغم ان شكلها ميوحيش بكده
يعيبها ان المانيوال منها مفيش RPM, فممكمن تركب انت واحد, و انا سألت بره قالوا اسعارهم تبتدى من 140 جنيه و انت طالع من غير التركيب, و بتتركب على الموبينة بتاعت الموتور, و ثانيا بح ان الموتور قريب اوى من مقدمة العربية, فى حالة اى حادثة لا قدر الله هو قريب من الاكصدام. هو فى دعامات, بس برده قريب زياده عن اللزوم
-
أول اهل بك بالمنصورة فانا من اهلها
ثاني .... زي م اخونا معاذ قال بالظبط والله وبدون تحييز السيريون وانت مغمض ولعدة أسباب نذكر منها :
السعه الداخليه للسياره .. استهلاك البنزين ... كفاءة العربيه ( ياباني ) .... جودة الخامات .... اكبر فترة ضمان 3سنوات او 100 الف كيلو ..... توكيل محترم جدا ..... قطع غيار معمرة .... اداء عالي جدا من الماتور
وربنا يوفقك
-
جزاكم الله خير يا جماعة
طب العفشة بتاعت الجيتز مش احسن.
-
الاستاذ ابو عبد الله كان دايما يقول ان السيريون عفشتها زى التويوتا كورولا
و التويوتا اكتر حاجة مشهورة بيها نعومة العفشة الرهيبة
فاكيد السيريون تكسب برده :)
بس واضح انك مقتنع بالجيتز اكتر, صح؟
-
انا مناسب من المنصوره عشان كده بروح كتير و على فكره انا رايح بكره يكون ليا الشرف لو ابلت حضرتك يا ابو عبدالله. :)
-
لا انا مش مقتنع بيها اكتر ولا حاجة خالص انا مقتنع بالدايهاتسو طبعا، بس انا ميال للجتز عشان ارخص ٤،٠٠٠ جنيه.
و كمان انا حاسس انا كوتشاتها اكبر و اعلى عن الارض، بس فيها مشكله انها ١٦٠٠ سس يعنى اكيد استهلكها للبنزين عالى.
حد ممكن يقولى الجيتز بتستهلك اد ايه و السيريون؟
-
انا هشتريها انشاء الله بالتقسيط و عرفت ان فى بنك بياخد ٣٠٪ بس بدون ضمنات للسكنين فى مناطق معينه بيسموها المناطق الراقيه، فكان معايا ٢٥٠٠٠ للمقدم ده بالتأمين بكلو. و كده تقريبا هدفع حوالى ١٣٠٠ لمدة ٥ سنوات.
ترشحولى اشترى من مين، انا خايف لحد ينصب عليا، سمعت قصص زى ده كتير، حد فيكو اتعامل مع معرض يرشحهولى؟
-
حضرتك اتعامل مع التوكيل مباشرة
فى معرض لتوكيل دايهاتسو فى شارع النصر فى المعادى, و ده قريب ليك, و فى كمان فى شارع النزهة
-
عندنا سيارة كليو شغالة الى الأن اكثر من مائة و خمسون ألف كيلومتر فى الطرق الزراعية و الصحراوية ، حسب خطوط نقل الكهرباء (أحد مجالات شغلنا) ممتازة ، عفشة و قدرة و تكييف ممتازين
Content Relevant URLs by
vBSEO 3.6.0 PL2