الموضوع: الباور الكهرباء فصل في النيو اكسنت

المشاركة الأصلية كتبت بواسطة som3aa

على فكرة دا عيب معروف فعلا و للعلم حضرتك لازم تخلى التوكيل يتحمل تكلفة التصليح لان العيب هى اللى اتسبب فى الحادثة و لو العربية متصلحتش على حسابهم تشتكيهم فى حماية المستهلك و القسم و تعملهم فضيحة.

المشكله ان الباور فصل وبعد كده اشتغل تاني بعد الحادثه ...ومافيش حاجه تثبت ان اللي حصل كان من الباور ...وفي صيانه ال60000 الف هنطلع عنيهم ومش هنمشي الا لما ايه اللي حصل بالضبط

لأ لازم تشتكي في جهاز حماية المستهلك ... وطبعا ً زيه زي أي بلاغ هما الي هيحققوا فيه ويطلعوا بالنتائج ..

حمد الله على سلامتكم ...........بس انا عاوز اعرف حاجه؟! .......... فلنفرض ان الباور فصل فعلا.....طب و ايه يعنى مش ممكن تلف الدركسيون عادى كأنه ما فيهوش باور أصلا بس هيبقه تقيل شويه؟! ولا هو بيقفش خالص؟ّّ!!!!! (يعنى لو العربيه مبطله و الكونتاكت مقفول و الباور فاصل كهربه طبيعى.....هل متقدرش تلف الدركسيون!!!!)

المشاركة الأصلية كتبت بواسطة moudy88

اخويا كان ماشي بعربيته (نيو اكسنت 2006 ) على كوبري ترسا في الهرم ...وكانت الدنيا بتمطر جامد وفاجاه اخويا كان بيتفادا موتسيكل اتزحلق امامه ولما حود الدركسيون الباور فصل وفضل الدركسيون محوود على اتجاه سور الكوبري لحد ماخبط في السور والعربيه وقفت ...ولولا فضل الله سبحانه وتعالى ..ثم ان اخي كان على سرعه 40 كم لكان حدث مالا يحمد عقباه ...والحمد لله كانت الخسائر بسيطه (المقص اتعوج +الاكصدام اتبهدل ) ومن ساعتها وانا واخويا مرعوبين من العربيه وخايفين ليفصل تاني وخصوصا ان مافيش اي سبب لحدوث ذلك ...مع العلم ان العربيه بيبتعملها صيانه دوريه في غبور من الزيرو الى الان (58 الف كم ) ...وربنا يحمي الجميع

ياجميل في داهية اي حاجة المهم ان انتم بخير وحمدلله على سلامتك
ومتهيألي هيونداي كانت عرفة المشكلة ديه علشان كده تفادتها في موديل 2009
وحمد لله على سلامتكم وقدر الله وما شاء فعل

المشاركة الأصلية كتبت بواسطة amir

العيب ده معروف عن النيو اكسنت؟!!!!
طب و الواحد لما يتعرف علي العيب ده ينفع يرجعلنا و يقولنا ولا ايه بقي؟
دي حاجه تخلي الواحد يستبعد العربيات بور كهربا من اساسه

ازيك يادكتور
هو بالفعل تم تلافي العيب ده في موديل 2009 الباور فيه زيت مش كهرباء

الحمد لله انها جت على اد كده

والحمد لله ان اخوك كويس ومحصلوش حاجه

والله المشكله حصلت في عربيتي بالضبط وبرضو 2006

وحصلت كتير معايا بس انا نفضت ومفكرتش اعرف الحل ايه

بس عامه انت تروح التوكيل وتبقى على الضمان وبسرعه قبل ما تتم 60 الف

عامه اول ما بتحصل المشكله بطل العربيه ودورها تاني حتى وهي ماشيه هتدور وهيشتغل الباور

في صديق ليا معاه النترا قالي انه غير فيوز او كتاوت في العلبه الفيوزات الي قدام واتحلت المشكله انا لما بصيت في عربيتي بصراحه معرفتش ايه الفيوز او الكتاوت المختص بالموضوع ده بالاضافه الى اني ملقتش كلمه eps

عامه المشكله دي بتحصل في الصيف معايا وكتير

ياريت لو حليت المشكله في التوكيل او برا تقولي عملت ايه

وامشى بالعربيه عادي بس اعمل حسابك ان لو فصل الباور وقتي وبدون ما تتخض تبطل وتدور تاني وهي ماشيه