الطلاق فى مصر انتشر بصورة بشعة

**samohaa1000** · 01-03-2009 10:09 PM

اسمحولى بعيدا عن السيارات انا محتاج اعرف رأيكم فى موضوع خطير حاليا فى مصر وهو كثرة الطلاق ومعظمهم من حديثى الزواج انا قابلت من اصحابى اكتر من 22حاله شفتها بنفسى وكلها مشاكل تافها ومتستاهلش مش عارف فى ايه بالظبط ممكن تشاركونى بصراحة انا شايف ان الوضع بقى غريب جدااا خصوصا من البنات الى بتصر على الطلاق حتى لو فى اطفال ممكن اسمع مواقف منكم ورأيكم

**abdalla45** · 01-03-2009 10:30 PM

فى ملخص صغير جدا شقه مفيش ولما بيتجوز بيعيشها مع اهله ولو جبلها شقه او لو والدها ميسور وتكرم بالشقه هتزله ودا سبب مش صغير او لو عيشها مع اهله كل يوم خناقات وامك وابوك شغل مفيش وكل يوم زن وشماته من الزوجه قبل الناس مصاريف تهد الحيل وفشخره كدابه مش معنى كلامى ان كله من البنت نيجى بقى للشباب كل واحد عاوز يوصل بطياره مش عايز يطلع السلم درجه درجه بينط فبتنكسر رقبته المفروض قبل ميفكر يتجوز ويفتح بيت يكون قد المسئوليه ويكون عارف انها مش حاجه سهله ولازم يرتب اموره الاول عشان ميقعش بعد كده فى القيل والقال صحيح موجز طويل شويه بس يلا اعزرونى

**samohaa1000** · 01-03-2009 10:37 PM

المشاركة الأصلية كتبت بواسطة abdalla45

فى ملخص صغير جدا شقه مفيش ولما بيتجوز بيعيشها مع اهله ولو جبلها شقه او لو والدها ميسور وتكرم بالشقه هتزله ودا سبب مش صغير او لو عيشها مع اهله كل يوم خناقات وامك وابوك شغل مفيش وكل يوم زن وشماته من الزوجه قبل الناس مصاريف تهد الحيل وفشخره كدابه مش معنى كلامى ان كله من البنت نيجى بقى للشباب كل واحد عاوز يوصل بطياره مش عايز يطلع السلم درجه درجه بينط فبتنكسر رقبته المفروض قبل ميفكر يتجوز ويفتح بيت يكون قد المسئوليه ويكون عارف انها مش حاجه سهله ولازم يرتب اموره الاول عشان ميقعش بعد كده فى القيل والقال صحيح موجز طويل شويه بس يلا اعزرونى

متفق معاك 100%

**moh_kamal67** · 01-03-2009 10:42 PM

اه يامساء المواجع: لسة من اسبوع متدخل فى مشكلة بين كتكوتين صغار لسة كاتبين كتابهم وماتجوزوش ، قعدوا سنتين وبعدين العروسة شافت ان العريس ليس هو ما كانت تتمناه(لايصلح) ، يعنى سلبى شوية على موش حبيب مخضرم على ياترى بكرة مخبيلنا ايه على شوية زن فى الودان على شوية تسخين على شوية سوء رد فعل = عند المأذون وتم الطلاق لاصرار الزوجة ولم تنجح محاولاتى للصلح ولا حول ولا قوة الابالله البشر بيتطلقوا دلوقت على هيافات هيافات هيافات

**samohaa1000** · 01-03-2009 10:43 PM

انا كمان لاحظت ان مفيش خبرة ولا دراية نهائى من المتزوجين خالص بالنسبة للبنت امها من يو ما بتتولد وتفضل تزن عليها امتى اشوفك فى فرحك امتى اشوف يو عدلك وبعدين البنت تفضل تحلم وتغيش فى خيالها وبعدين تفاجئ بالواقع
اما الراجل بقى فمشكلتة اكبر بيستعل على الزواج لاسباب كتيير جداا وبعدين بعد شهر العسل يكتشف انو استعجل
وبعدين سؤال لية الستات عنيدة وبتحت راسها براس الراجل لية مفيش مودة ورحمة لية مفيش حب لية مفيش رضا بين الناس انا حزين والله على الى بيحصل اليومين دول دة فى قصص كتير الواحد بيعشها ومش عارف اية الى هيحصل تانى

**pro_samir** · 01-03-2009 11:07 PM

الجواز متاعبة ومسؤلياتة كتير

فأكيد لو الواحد مش لاقى مقابل من الحب والمودة والتفاهم والصداقة يعوضة عن كل دة يبقى الطلاق هوا الحل الأنسب والأريح من المسؤليات اللى بدون مقابل دى

مجرد وجهة نظر !