سوال مطبخى هام ومش عايز احراج قدام الناس

انا اتدبست فى عزومة شوى يوم الجمعة الى جاى

وناوى اشوى فراخ بس مش بعرف اعمل التدبيلة الصح ليها

ياريت حد يقدر يفدنى التدبيلة تتعمل ازاى وتكون حاجة جامدة

وانا ناوى اعمل جنبيها مكرونة اسبجتى وبطاطس

هو كلنا شباب فى بعض يعنى صحابنا

هاتها مشويه من الشارع وريح دماغك

ما انا فكرت فى كدة

بس الفكرة كلها ان هما عايزنا نشويها بنفسنا

وهتكون اوفر

الجمعة الى فاتت شوينا فرختين كلفتنا 90 جنية بكل حاجة

بس علشان اشترينا شواية جديدة

بس التدبيلة ما كنتش مظبوطة فعلشان كدة بسال علشان عايز التدبيلة الصح

انت تستنى بقى اسالك الحاجه بس بكره وارد عليك منا خيبه برده زى حالاتك

30 طريقة لتدبيله للحم والفراخ

http://akhawat.islamway.com/forum/lo...hp?t43825.html

طريقتى الخاصة بقى سر المهنة مش هتلقى اتطعم منة

بص يا سيدى لو عايز شوى فى الفرن العادى

زجاجة كاكولة زجاج مملؤة بالماء تضع فى صيناية واقفة

وخلاطة التوابل

بصل مخرطة-ملح - فلفل- توابل - وتتدعك الفرخة من الداخل والخارج

ثم تلبس فى الزجاجة اايهاا اللى ان تحمر وتشتوى

لحد لم تحمر من نص ساعة الى ساعة

الطريقة التانية

تقطع الفرخة الى 4
وتدهن بمزيج من عسل نحل + ليمون

وتوضع فى صنية مسطحة ومع رشة فلفل اسود وتوضع فى الفرن

تترك الى ان تحمر

وبلهانة والشفاء

اى تتبيلة كل ما تتحط في الاكل بدرى احسن
انا كنت باستعمل
بصل ، فلفل اسود ، كمون ، فلفل اخضر ، ليمون ،

مستنى ردك يا عبدلله

وشكرا ليك اخى الغالى على الوصفة الجميلة دى

بس للاسف احنا هشويها على الفحم مش فى الفرن

فانا كنت سمعت ان فى تدبيلة بالبصل والفلفل والخل والملح والفلفل الاسود والزبادى بس مش متاكد منها

فياريت لو حد يدلنى

وهشوف اللينك الى انت بعتة دا

انا هقول التتبيله اللي اعرفها
بصل , ثوم , ملح وفلفل وأي بهارات تانيه انت بتحبها وممكن ليمونه كامله تغسلها وتحطها مع الخلطه ديه ولو عاوز تضيف فلفل اخضر اوكي ولو زبادي ماشي مفيش مشكله
تاخد كل ده وتضربوا في الخلاط وتحط الفراخ في التتبيله يوم كامل
وتاني يوم تبدأ بالشوي وبالهنا والشفا
اي خدمه ولا اجدع طباخ او طباخه
متنساش قبل الشوي تشيل الفراخ من الخلطه دي سواء هتشوي فحم او شواء عادي

اقتباس:

---

المشاركة الأصلية كتبت بواسطة musiccairo

انا هقول التتبيله اللي اعرفها
بصل , ثوم , ملح وفلفل وأي بهارات تانيه انت بتحبها وممكن ليمونه كامله تغسلها وتحطها مع الخلطه ديه ولو عاوز تضيف فلفل اخضر اوكي ولو زبادي ماشي مفيش مشكله
تاخد كل ده وتضربوا في الخلاط وتحط الفراخ في التتبيله يوم كامل
وتاني يوم تبدأ بالشوي وبالهنا والشفا
اي خدمه ولا اجدع طباخ او طباخه
متنساش قبل الشوي تشيل الفراخ من الخلطه دي سواء هتشوي فحم او شواء عادي

---

تمام كده انا لسه شاوي الجمعه اللي فاتت فراخ بارضوا
وياسلام بقي لو معاك شويه مسطرده تدعك بيهم الفرخه قبل الشوي علي طول
وعلي فكره احنا كنا سيبين الفراخ في التدبيله من يوم الثلاثاء لحد الجمعه
كل ماتقعد اكتر تكون احسن
بس اهم حاجه انك تقطع الفراخ كويس وتشرطها كويس علشان تطلع مستويه كلها من جوه

الله فتحتوا نفسي للاكل. الله يسامحكم خاصة اني ضعيف جدا امام الفراخ المشوية عالفحم. انا متعود اروح مطعم مشهور جدا هنا في الدوحة اكل عندة الفراخ المشوية (المسحبة) اسمة مطعم تركيا المركزي، اي حد عايش في قطر هايعرف المطعم دة، بس اية خرررررررررررررررررررررررر ررررررررررافة وتودي في داهية.

اقتباس:

---

المشاركة الأصلية كتبت بواسطة fadymelad

انا اتدبست فى عزومة شوى يوم الجمعة الى جاى

وناوى اشوى فراخ بس مش بعرف اعمل التدبيلة الصح ليها

ياريت حد يقدر يفدنى التدبيلة تتعمل ازاى وتكون حاجة جامدة

وانا ناوى اعمل جنبيها مكرونة اسبجتى وبطاطس

هو كلنا شباب فى بعض يعنى صحابنا

---

ياباشا انت حددت يوم الجمعه بس ماقولتش المكان فين والساعه كام بالظضط :B4_564:علشان اقولك التتبيله المناسبه
:10D5C8~1107:

التتبيلة اللي بنعملها علطول
ملح وفلفل وخل وبصل وتوم وليمون
بس اهم حاجة التشريط علشان الفراخ تتشرب الخلطة
كنت بشوب ناس بتحط هيل (حبهان) مع الخلطة دي بسيط

اهم حاجه فى التتبيله الزبااااااااااااااااااااد ى
الله اما بلغت

كلكو كدا شباب ذكور
مفيش ولا انثى ترد مع انهم خبره
الظاهر البنات مبقتش تعرف تعمل اكل

زبادي + ملح + فلفل + حبهان + كمون + عسل نحل + لمون + بهارات شوية " من عند رجب العطار " + باربكيو صوص بس مش كتير معلقة شاي بس + كلة يضرب في الخلاط و تنقع الفراخ فيه لمدة يوم او اتنين
بس انت مقلتش العزومة فين :)

اقتباس:

---

المشاركة الأصلية كتبت بواسطة musiccairo

كلكو كدا شباب ذكور
مفيش ولا انثى ترد مع انهم خبره
الظاهر البنات مبقتش تعرف تعمل اكل

---

ما هو ما شاء الله مخلوش لينا حاجه نقولها :Ob_mak1[1]::Ob_mak1[1]:
لو عندك روز ماري هيخليلها ريحه حلوه
اه و ورق لوري
وبالهنا والشفا

تفقد هذا الموقع

http://www.acookweb.com
و بالهنا و الشفا

انا عندى تتبيلة روعععععععة
لكل فرخة هات
كيلو بصل (معلش مش كتيير على الطعم)
وملعقة كبيرة فلفل اسود
وملعقة كبيرة ملح
وملعقة كبيرة توابل مشكلة (الى بتحبها شطة او كمون واوووو)
و10 فصوص ثوم مدقوقين
و5 ملاعق خل كبيرة
وورق المونيوم او كيس كويس
هاتخل كل المكونات مع بعض لح مايكونوا زى العجين وبعدين تعملهم زى الجبل كدة فى الكيس وتدفن جواها الفراخ او اللحم وتسيبها على الاقل 12 ساعة قبل الشوى وبعدين
تطلعهم وتشوى على طوول بدون ماتشيل البصل والزايد عليها
وتخليها لما تستوى
وانا عندى اختراع حلو
تجيب باقى التتيبلة الى قعدت 12 ساعة وتحشيهم فى رغيف عيش زى الحواوشى وتشويهم وتخلية لحد مايتحمص و تقطع الرغيف وتحط مع كل وجبة قطعة صغيرة طعمها بيكون جااااااااامد

اقتباس:

---

المشاركة الأصلية كتبت بواسطة Mido80

الله فتحتوا نفسي للاكل. الله يسامحكم خاصة اني ضعيف جدا امام الفراخ المشوية عالفحم. انا متعود اروح مطعم مشهور جدا هنا في الدوحة اكل عندة الفراخ المشوية (المسحبة) اسمة مطعم تركيا المركزي، اي حد عايش في قطر هايعرف المطعم دة، بس اية خرررررررررررررررررررررررر ررررررررررافة وتودي في داهية.

---

هو أنت في الدوحة وكمان بتروح التركي المركزي

ده أنا زبون دائم هناك ... حتى أسأل المعلم علي

احنا لازم نتقابل

بجد مش عارف اقلكم اية

دا احنا عملناها الجمعة الى فاتت بس ما كنتش حلوة فقلنا لازم الجمعة الى جاى تتعمل مية مية

متشكر جدا ليكم يا جماعة

والعزمة يا رجالى فى عمارة من الى قدام مودرن اكاديمى فى المعادى

بس الساعة كام دى مش هقول بقى :F_eyeb1[1]:

أهم حاجة هات الفراخ صغيره يعنى كيلو و نص بالكتييييييييييييييير عشان أنا عماتها قبل كدا مع صحابى و جبنا الفرخة 2 إلا شوية و مكنتش بتستوى حلو

اقتباس:

---

المشاركة الأصلية كتبت بواسطة fadymelad

بجد مش عارف اقلكم اية

دا احنا عملناها الجمعة الى فاتت بس ما كنتش حلوة فقلنا لازم الجمعة الى جاى تتعمل مية مية

متشكر جدا ليكم يا جماعة

والعزمة يا رجالى فى عمارة من الى قدام مودرن اكاديمى فى المعادى

بس الساعة كام دى مش هقول بقى :F_eyeb1[1]:

---

طيب المفروض ان احنا نروح المعادى ونمشى ورا الريحه علشان نعرف العماره :U_thin1[1]:

شكرا ليك يا غالى على حكاية الحجم وفعلا دى انا كنت عامل حسابى فيها ان اجبهم كيلو ونص بس علشان تستوى حلو

اقتباس:

---

المشاركة الأصلية كتبت بواسطة medooooo

طيب المفروض ان احنا نروح المعادى ونمشى ورا الريحه علشان نعرف العماره :U_thin1[1]:

---

ههههههههههههههههههههه

لا مش للدرجاتى انت هتروح المعادى صقر قريش عند مودرن وتطلع كل عمارة لاخرها لغاية ما تلقينا على السطح
:10D5C8~1107:

كدا مش هقدر اضيف حاجه الشباب قامو بالواجب

انا بجيب فراخ كبيرة بقطعها 8 اجزاء والحتت التخينة شوية بشرحها بالسكينة
اللتبيله بقه مع انها سر المهنة هاقولها وخلاص وبجد جربها هاتلاقهيا احلى من الجاهز اللبناني والسوري
ملح وفلفل وبهارات وبصله كبيرة وتوماية كبيره وطماطميتين واضربهم كلهم في الخلاط وانقع الفراخ في الخلطة دي من قبلها بيوم واشوي وكل بالهنا والشفا وادعيلي

اقتباس:

---

المشاركة الأصلية كتبت بواسطة Mido80

الله فتحتوا نفسي للاكل. الله يسامحكم خاصة اني ضعيف جدا امام الفراخ المشوية عالفحم. انا متعود اروح مطعم مشهور جدا هنا في الدوحة اكل عندة الفراخ المشوية (المسحبة) اسمة مطعم تركيا المركزي، اي حد عايش في قطر هايعرف المطعم دة، بس اية خرررررررررررررررررررررررر ررررررررررافة وتودي في داهية.

---

أحلى فراخ مشوية أكلتها فى حياتى من المطعم ده و كمان العيش بتاعهم جامد أخر حاجة......قعدت فترة كبيرة مكلش عندهم غير الفراخ المشوية....ما تبعتلى نص فرخة يا حاج ميدو :)

انا افتكست طريقه من حكم حبى للموضوع دا :):):)
بصل مقطع صغير اوى+ليمونه+ملعقه صغيره خل+ملح+فلفل+قرنفل+حبان+(لو بتحب الكارى او الكركم:))
و بلهناء والشفاء و لازم تحط التتبيله فى الفرخه و تسبها على الاقل 4 ساعات عشان تبقى تمام

العزومة كانت النهاردة
ايه
سترنا معاك ولا ................
وفين نصيب الناس اللى وقفت معاك

بص يا سيدى انا فتحت موضوعك النهاردة بس : الفرخة تتنظف كويس جدا ثم تشق بالسكين من ضهرها وتتخرم من الداخل بسكين علشان تشرب التتبيلة وبعد كدة
3بصلة متوسطة+ زبادى+2ملعقة كاتتشاب+2ملعقة عسل اسود +فلفل اسمر +ذرة زعتر +ملح ليمونة مخلله وذرة زنجبيل ونتبل ونتركها يوم او2
واشوى وادعيلى جنبها بقة سلطة طحينة وسلطة خضراء ورز بسمتى

وبالهنا والشفا

سورى عسل ابيض ...

اولا بجد شكرا لكل الناس الى ساعدتنى واستفد منها فى المطبخ


وللاسف العزومة فركشت علشان حصلت حالة وفاة عند واحد من صحابى الى كانوا جايين فلغينا العزومة كلها

وشكرا ليكم تانى مرة